3 motibu dikon no ta kumbiní bo hunga ‘hard to get!’

Reading Time: 3 minutes

Mi sa bon bon, ku tin hopi hende muhé soltero, ku gana di konosé un hòmber soltero (na tinu) pa nan por sali kuné. Pero e muhé ainda a keda ku kustumbernan antikuá ku awendia no ta duna masha resultado positivo.

E muhénan aki ta kere ku ta e hòmber tin ku buska nan. Ora e hòmber buska nan, e hòmber tin ku invitá nan sali. Ora e hòmber invitá nan sali, e hòmber tin ku disidí unda pa bai, ki dia i ki ora. Ora nan sali, e hòmber tin ku paga. Despues di algun dia ta sali, e hòmber tin ku konkistá e muhé. Ora e hòmber konkista e muhé, e hòmber tin ku pidi pa frei. Despues di tin un par’i tempu ta frei,  e hòmber tin ku hinka rudia i pidi pa matrimonio tambe. E muhé mes no ke hasi un dònder. Te ainda tin muhé ta kere ku nan por sinta pia krusá, bebe kòfi, i un “bon hòmber”, lo kai den nan skochi. E pensamentu i komportashon antikuá aki ta hinka e muhé den desbentaha serio. Pasó laga nos ta sinsero. Tur loke un hòmber ke, ta un tonto fiho p’e hunga kuné. Tur sobra kosnan ku e atkerí, ta básikamente ‘bijkosten’ pa e por mantené e tonto fiho ei.  Pero mayoria hòmber a ripará ku e tonto fiho ei ta algu leuk djis pa un tempu. Despues di aña, hopi bia e tonto fiho ta bira laf i un doló’i kabes.

Anto si hende hòmber tabata por a drumi den un kaha di karton, i bestèl un tonto, e lo drumi henter dia riba kama grawatá webu, kome Cheetos, hunga playstation—anto pa anochi e hunga ku su tonto. P’esei e muhénan ku ta mantené e komportashonnan antikuá ta den desbentaha serio. E motibunan ta lo siguiente:

1) Ku e fluho grandi di muhénan latino drentando nos isla—ku tin hamber pa por topa un hòmber ku por djis sak’é fo’i su pais—i e kantidat di muchanan yòn ku pa karchi di 10 florin ta hunga bo stail di aktris di pòrno, balor di tonto a baha drastikamente. Awó pa kiko un hòmber lo ke gasta bòshi plaka na un kos ku e por haña pa 10 florin riba ‘marktplaats’?

2) Kantidat di hòmbernan ku nan interes a kambia di tonto pa patin a subi konsiderablemente. (Anto e hombernan ku ta buska patin si no ta niun tiki sutil. Nan ta buska patin di forma agresivo pió ku leon ku a sinti holó di Kentucky.)

3) Kantidat di hòmbernan soltero (na tinu) ta mas skars k’e muhenan ku ke duna Donald Trump un ‘blowjob’.

Teniendo tur esakinan na kuenta, bo tin ku konkluí ku:

► Nicolas Maduro tin mas chèns di bolbe gana un elekshon na Venezuela, ku abo topa un hòmber soltero (na tinu) pa fin di aña 2020.

►Gerrit Schotte tin mas chèns di gana su kaso den korte internashonal p’e keda ‘statenlid’ será den prizòn, ku abo topa un hòmber soltero (na tinu) na fin di aña 2020.

►Insel Air tin mas chèns di yama mi pa un entrevista pa trabou (di fo’i dje ten ku mi a solisitá), ku abo topa un hòmber soltero (na tinu) pa fin di aña 2020.

►Minister Alcallá-Walle tin mas chèns di bai frega e pòchinan di wc e mes, ku abo topa un hòmber soltero (na tinu) pa fin di aña 2020.

►Julius Koko tin mas chèns di kura di su malesa di konta ‘likes’ i ‘shares’, ku abo topa un hòmber soltero (na tinu) pa fin di aña 2020.

►Guisgard Felida tin mas chèns di duna tur hende nan plaka bèk di Ponton Festival, ku abo topa un hòmber soltero (na tinu) pa fin di aña 2020.

►Maarten Schakel tin mas chèns di konvensé tur makamba pa nan “Pas je maar even aan” via di su Tumba, ku abo topa un hòmber soltero (na tinu) pa fin di aña 2020.

►Peter van der Pligt tin mas chèns di sali rei di tumba djabièrne awor, ku abo topa un hòmber soltero (na tinu) pa fin di aña 2020.

►Te asta ami tin mas chèns di haña un invitashon pa bai den e programa “Kabe’i Boto”, ku abo topa un hòmber soltero (na tinu) pa fin di aña 2020.

Anto ainda bo tin tempu pa sinta hunga ‘hard to get’?

Chèk mi bukinan ‘Awa, Habon ku Past’i Djente‘ i ‘Hink’é aden‘ pa mas di mi kreashonnan literario!

© Lion Spratt

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.