Si bo wak e asin’aki, e bida soltero lo ta hopi mas dushi!

Reading Time: 3 minutes

Bo sa dikon hende ta prokrastiná (keda bira rònt ora nan tin ku hasi algu)? Hende ta prokrastiná pasó prokrastinashon ta duna nos un alivio temporal, aunke nos sa ku e lo no yuda nos ku nada. E alivio ei bo ta sintié pa motibu di un ansiedat ku bo ta sinti na momentu ku bo tin ku bai hasi algu.

Single and freeProkrastinashon ta algu ku bo por uza pa ku relashon tambe. Kualke hende lo preferá hasi algu ku por laga nan sinti mihó aunke e kos ei no ta yuda nan ku nada, enbes di hasi algu no plasentero pero ku si ta yuda nan resolvé nan problemanan. Di e forma aki hende ta kore drenta un relashon pa asina nan por dil mas fásil ku nan problemanan, kual por ta entre otro pa sali fo’i kas di mayor, pa haña sosten finansiero, pa alivia nan miedu di keda nan so, pa kumpli ku preshon òf espektativanan di un sosiedat òf religion, pa risibi amor kual ta loke nan tin falta di dje èts. Na momentu ku e situashonnan aki hasi un persona su bida asina difisil ku e no por dil ku nan mas (e so), e ta kore drenta un relashon.

Klaro ku un relashon ta algu ‘great’, pero ora bo ta hasi esaki pa hui for di bo problemanan, dos kos so por sosodé:

1. Bo tin hopi chèns di skohe un pareha robes, pasó tur loke ta importante pa bo ta pa drenta un relashon.
2. Bo problemanan lo no wòrdu resolvé, sino solamente bira mas grandi.

Problema ta algu ku por kousa doló. Doló ta un síntoma pa bisa bo ku tin algu ku no ta bon, i ku tin mester di bo atenshon. Dolónan emoshonal ta bo mente su manera di motivá bo pa buska solushon pa un òf mas problema ku bo ta pasando aden.

Ora hende eksperensha dolónan emoshonal, ta señal ku bo tin kambionan di hasi den bo bida pa asina bo bida por bira mihó. Pa e motibu ei, no ta kumbiní bo drenta un relashon pa hui for di bo problemanan, sino mas bien ta kumbiní bo keda soltero un ratu i hasi e kambionan nesesario den bo bida.

Hendenan ku ta dependé di un relashon pa ta felis tin mas miedu di tèrminá un relashon ku ta kosta nan felisidat i energia òf miedu ku hende lo kibra un relashon ku nan. Si bo no a kustumá di ta bo so, i dil bo so ku bo problemanan, e ora ei lo bo sufri hopi despues ku un relashon tèrminá.

Single and free 2Relashon tei pa nos sinti nos mes kompletu. E no mester bira un nesesidat. E ta algu ‘great’ si bo logra haña e persona ku ta komplementá bo, i ku huntu bosnan dos ta bira mas fuerte.

Na e otro banda, tin hende ku ta haña asina tantu miedu despues di a sali for di mal eksperenshanan di relashon, ku despues nan no ke ni pensa riba un relashon serio mas. E ta meskos ku ora bo bai hinka bo pia den un sapatu, i un skòrpion pika bo. Esaki por hasi bo mas kuidadoso i pone ku bo ta chèk bo sapatu promé ku bo hinka pia pa loko den dje atrobe. Pero e no ta normal si e duna bo asina tantu miedu ku bo ta preferá kana pia abou!

Miedu ta nos mente inkonsiente su manera di protehá nos di un mal eksperenshá ku nos a sea pasa aden òf a asosiá nos mes na dje. Pero e ta algu ku lo laga bo keda den bo zona konfortabel pa semper tambe sin nunka mas progresá!

Den e buki ‘Niun Pátaka’ mi a elaborá hopi mas tantu riba benefisionan ku e bida soltero por trese p’abo, i tambe kon pa lubida hendenan ku un tempu bo a stima, pero ku ainda no ke sali fo’i bo kabes. Si ainda bo no a busk’é, kiko bo ta wardando?

Niun Pataka cover concept

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.