Despues di hopi tempu, eksperto ingles ta mustra ku biña kòrá tòg ta malu pa salú!

Reading Time: 5 minutes

E artíkulo aki lo bai ta interesante. Bon ya, ami ku ta studia komportashon di hende ta haña e tema interesante, pasó hende ta simplemente e espesie di mas prèt ku mi konosé.

Awendia tin mas i mas investigashon ta keda hasí pa determiná kiko ta tur e kuminda i produktonan ku ta kousa kanser. Tin hende no ta preokupá nan kabes mashá ku loke keda deskubrí, pa motibu di kambio i adaptashon ku nan lo tin ku hasi na nan bida i dieta, anto manera mi sa bisa: Hende no ke kambia. Hende ta bisa ku nan ke kambia, pero en realidat nan no ke kambia. Hende lo gaña nan mes mas lihé i inventá tur sorto di esküs promé ku nan kambia.

Red wine 1Bo duna un hende un lista di kosnan ku ta malu pa nan salú, nan lo lesa kisas dos paragraf benta e lista un banda i bisa “Ai, awendia ta tur kos ta ‘nabu kanser. Bo tin ku muri tòg, kemen, hasi bo kos trankil.” Bèrdat tur hende tin ku muri, pero mi tin sigur ku niun hende no ke muri ku doló, anto awendia hopi hende ta muriendo di kanser, ku hopi doló. Miéntras hende ta sinti nan bon di salu, nan no ta preokupá. Ta ora e síntomanan kuminsá molostiá, nan ke rabia zundra dòkter, pa dòkter hasi magia i kura nan. Por ehèmpel tin hende ta preferá bebe alkohòl i no bebe awa. Ta te ora nir no por mas i e benta sèrbètè blanku den rin, e ora ei hende ke bira histériko riba hende pasó tur sorto di doló i malester ta dal nan.

P’esei tin ora ta bon pa bo keda bei k’e kosnan, pasó por tin kosnan ku bo ta hasi awor aki ku por bin trese problema pa bo bida despues. Anto mas trempan bo sa, mas mihó p’abo mes ya bo por kuminsá e bataya di “kambia bo mal habitonan”.

Den mi buki ‘Kibra Hacha‘ mi a trata e tema di kanser, pa bo por sa presis kiko ta kanser, kon e ta forma den kurpa di hende, i dikon hopi hende ta muriendo di kanser. Probablemente aworakí si bo no tin kanser, bo no ta wòri les’é. Si mala suerte dal bo, i un kanser desaroyá den bo kurpa, e ora ei si bo ke zundra hende pa nan buska e buki pa kumpra, ya bo lesa i eduká bo mes. Ta asina ta hende.

Front Cover Kibra Hacha 2nd EdDen ‘Kibra Hacha’ mi a papia di resveratrol, (un komponente ku tin den biña kòrá) kual den uso moderá por yuda mata sélulanan dañá ku despues ta bira kanser. Resveratrol por yuda disminuí e proseso di embehesimentu tambe, pero den kantidatnan haltu, e tin e efekto kontrali. E ta yuda hasi bo bieu mas lihé. Serka hende muhé por lo general alkohòl ta subi bo riesgo pa haña kanser na pechu. (Sin bebe alkohòl mes e riesgo ta na 11% kaba.)

Den un reportahe nobo ku a keda publiká awe djabièrnè, ekspertonan gubernamental ingles ta bisa ku biña kòrá no ta bon p’abo ètòl. E reportahe ta destruí e kerensha di tur tempu ku biña kòrá den uso moderá por yuda prevení kanser, malesa di kurason i pèrdida di memoria.

Despues di kasi dos dékada, a trese revishon den guianan di alkohòl, i dòkternan ingles ta konsehá ku no tin un nivel ‘safe’ pa konsumo di alkohòl. E mínimo montante di alkohòl ku bo bebe por oumentá bo riesgo pa kanser.

Te ku aworakí gobièrnu ingles tabata duna konseho pa hende hòmber no bebe mas ku 4 ‘units’ pa dia (1 serbes ta 2.3 ‘units’. Pa hende muhé e konseho tabata pa no bebe mas ku 3 ‘units’ pa dia. (Un glas di biña di 125 ml ta 1.6 units.)

Despues di e revishon, a sali na kla ku bo higra ta tuma dos dia pe rekuperá di e alkohòl konsumí, pues bebementu tur dia ta malu pa bo higra. Den un estudio ku a keda hasí na ‘University College London’, nan a ripara ku den pashèntnan ku a stòp di bebe pa kuater siman por a nota un mehoransa den nan funshon di higra, preshon di sanger i nivel di kolesteròl i tambe nan ta kore ménos riesgo pa haña diabétis i malesa di higra.

01J_BOOZE GRAPHICE rapòrt publiká pa “National Institute for Health and Clinical Excellence’ ta konsehá hende ku no tin un nivel ‘safe’ pa konsumo di alkohòl. Kada gota di alkohòl ku bo bebe, ta subi bo riesgo di kanser. “Despues di un siman duru di trabou, mi gusta dal un glas di biña, pero segun evidensianan, nos tur tin ku kuminsá bebe otro kos. Ta mihó bo bebe te i no biña kòrá”, segun e direktor médiko di salubridat ingles Dame Sally Davies. E mesun benefisio ku lo bo por saka for uzo moderá di alkohòl, bo por haña esei i muchu mas for di ehersisio regular i un dieta salú.

Red Wine 3Kiko abo ta bai hasi ku e informashon aki? Probablemente nada òf nò? Hopi hende tin e persepshon ku nan ta bebe pasó nan gusta. Aparte di esaki nos ta konsiderá òf uza alkohòl komo un lubrikante sosial. Algu ku ta pone nos sosialisá mas fásil. Tin hende ta yama nan mes ‘social drinkers’. Ami tin kompletamente un otro pensamentu riba konsumo di alkohòl. Pero kisas esei ta bira un tema pa otro dia òf warda ‘Niun Pátaka’ sali i bo ta sa dikon bo ‘gusta’ bebe alkohòl.

Miéntras tantu, buska bo ‘Kibra Hacha’. Pa solamente 50 florin bo ta risibí hopi informashon balioso ku lo yuda bo hinter bo bida. Bo sa gasta mas ku e sèn ei pa hasi uña, kabei òf lashes, kual ta dura ménos ku dos siman. Si bo bai sali, bo ta gasta hopi mas ku esei na konsumo di alkohòl, kual despues ta subi bo riesgo di kanser, hasi bo malu, laga bo sinti depreshon, hasi bo gordo, hasi bo barika grandi, kual despues ta hinka bo den mas gastu pa kumpra paña mas grandi i paga gym ku personal trainer pa baha di peso bèk. Hasi bon uzo di bo sèn.

Red wine 5

Revealed, the very real health risks of alcohol

Fuente: The teleghraph

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.