E motibu dikon bo ta kai pa un persona narsisista!

Bo ta sinti ku semper bo ta kai stimá riba hendenan ku un personalidat narsisista? Bo sa puntra bo mes dikon bo ta hañabo ku nèt e personanan aki riba bo?

Den korant Extra di 16 di Novèmber 2015 a sali e siguiente artíkulo, indikando ku tin un grado haltu di Narsisismo na Kòrsou:

Narsisismo KorsouDen un artíkulo ku mi a skibi titulá “Kiko ta narsisismo i kon bo ta rekonosé un persona narsisista?”, mi a splika rasgonan di e personalidat aki i kon bo ta rekonosé un persona narsisista.

Den e artíkulo mi a splika ku un hende ta bira narsisista ora ku el a yeg’i wòrdu lástima den su desaroyo i ku e personalidat ta sali dor di a suprimí memoria di su heridanan. E splikashon aki no ta kompletu, debí ku tin mas faktor ku por kousa e personalidat di narsisismo den un persona.

Básikamente un persona narsisista tin hopi nesesidat di atenshon. Semper e ta buska moda pa hende elogi’é. E ta eksagerá su balor, importansha, sabiduria, abilidat i aparensha. Nan no tin kunes ku sintimentu di otro persona. Nan no sa pidi despensa pasó nan kiersa ku nan no sa ta robes i nan ke wòrdu glorifiká pa otro persona pa tur loke nan hasi. Tin e narsisistanan ku no a logra mashá den bida i nan lo kulpa tur hende i tur kos pa nan frakaso.

E trastorno di personalidat aki por bin bèrdat di un mucha ku su konfiansa propio a wòrdu limitá den su desaroyo i ku ta buska moda di validá su mes dor di haña elogio dor di su aktonan, pero e por bin tambe di un mucha ku a wòrdu muchu idiolisá, malkriá, a krese sin límitenan di disiplina òf a wòrdu kompletamente neglishá.

Sikólogonan ta di opinion ku e mundu teknológiko aki tambe ta krea hendenan narsisista ku ta opseshoná pa risibí atenshon riba nan mes òf nan aparensha riba medionan sosial.

Narcissist 2E personalidat di narsisismo por desaroyá fásil den un mucha ku a bin di un famia disfunshonal. Dor ku tin hopi di e famianan aki, ta fásil pa bo haña bo ku hendenan narsisista unda ku bo bira.

Si bo tin impreshon ku bo ta atraé e tipo di personanan aki, bo tin ku wak ta kiko abo ta hasi ku ta trèk e personanan aki riba bo. Un persona narsisista tin hopi nesesidat di atenshon i elogio pa suministrá su fuente narsisismo. E ke sinti ku e ta impreshoná hende ku sea su abilidatnan, aparensha, fama, logro, inteligensia etc. Si bo mustr’é ku e no ta impreshoná bo ni bo no ta duna nan atenshon ku elogio nan lo no gusta bo. Nan lo no ke atendé ku bo mes. Pues probablemente ta abo a fiha bo wowo riba dje, i disidí ku bo ta haña e persona atraktivo te ku bo a disidí na bai dun’é atenshon i elogiá su aparensha, fama, inteligensia, abilidat i/òf logronan. Lógikamente e persona aki ta gusta bo, pasó bo ta dun’é nèt loke e mester p’e por validá su mes (sinti ku e tin balor). Si bo ta den un relashon ku un persona asina, fásilmente bo ta bin hañabo den hopi konflikto i diskushon ku nan. Den sierto kasonan, tin ku lo uza violensia pa por mantené dominio.

Narcissist 1Usualmente ta un persona ku ke pa tur hende gust’é i asept’é, ta sinti nesesidat pa duna hende atenshon, pa asina e por risibí e atenshon bèk ku ta subi su outo-estima. Na ingles nan ta bisa hendenan ‘clingy’ i ‘needy’. Dor ku nan ke pa tur hende gusta i aseptá nan lo hasi nan máksimo esfuerso pa laga e hende sintié bon. E tipo di personanan aki por haña personanan narsisista riba nan. Pues bon mirá ta rasgonan di bo personalidat ta trèk e tipo di personanan aki riba bo.

Si bo ke bai laga un persona narsisista, úniko kos ku bo tin ku hasi ta bisé “E relashon a yega t’e aki”. Bo por spera drama, muestra di remordimentu, promesa ku kosnan ta bai kambia etc, pero esaki ta simplemente pasó nan no gusta pèrdè. Unabes bo bai duna nan mas atenshon, bo ta aden! Tene kuenta ku hendenan narsisista no tin kunes ku bo sintimentunan. Pues duna anunsio, bati retirada i no wak bèk patras!

Mi por komprondé sierto konfushon ku e artíkulo aki lo por krea, pasó ta normal ku un pareha ta elogiá e otro i dun’é atenshon. Tur hende ke sinti ku nan pareha ta orguyoso di nan, pero den personanan narsisista bo ta mira sierto komportashon ekstremo. E loke ta atraé hende na otro usualmente ta nèt loke ta kousa problema den hopi relashon, i si bo no komprondé kon e atrakshon ta funshoná bo ta kibra e relashon inkonsientemente. P’esei mi ta skibiendo ‘Niun Pátaka’ spesialmente p’e hendenan ku ta sinti ku nan no ta komprondé niun pátaka’ di hende ni di relashon!

Book cover Niun Pataka

Coming Soon (2016)

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.