Di e manera aki tamaño di bo tete ta definí ki tipo di hòmber bo ta atraé!

Reading Time: 4 minutes

No ta un sekreto ku hende hòmber gusta tete. Ora un muhé ta papiando ku nos, nos ta preferá di wak nan tete en bes di wak nan den nan kara. Anto hende muhé sa tambe. Algun di nan ta hunga ròl ku nan no sa, òf hunga ròl keda masha asombrá ora nan gara un hòmber ta wak nan tete. Pero ta riba ròl nan ta, pasó nan sa i nan ta uza nan tetenan tambe ora nan ke logra algu for di un hòmber.

Mi a yeg’i skibi diferente artíkulo tokante tete, te ku vários hende ta puntrami ta kiko falta mi ku tete. Anto esei tambe mi a splika. Pero awor tin un investigashon sientífiko ku ta splika dikon hende hòmber gusta tete asina tantu.

Segun sientífikonan, hende hòmber no por yuda ku nan ta asina atraé na tete di muhé, pasó e ta algu di naturalesa. Nan no por stòp di gusta tete.

Marlene FavelasDos sientífiko, Larry Young i Brian Alexander, a bisa ku hende hòmber ta asina fasiná riba tete dor di e hormona oxytocin ku nan lo a risibí tempu ku nan a haña lechi di pechu di nan mama. E hormona aki ta sòru pa un vínkulo sumamente fuerte entre un mama i un yu. E ta krea tambe un impulso evolushonario pa un vínkulo fuerte entre dos amante. Pues hende hòmber su fasinashon ku tete di hende muhé ta un impulso evolushonario inkonsiente.

Awor un estudio a deskubrí ku e tamaño di tete ku e hòmber ta gusta ta dependé fuertemente di su hamber i su status finansiero. Akinan e kos ta bai bira interesante. Segun e estudio, mas pober i mas tantu hamber e hòmber tin, mas tantu e lo sintié atraé na tetenan di tamaño grandi.

E estudio ta splika ku hòmber bashí (pober) ta gusta muhénan ku kurpa voluptuoso i tete grandi dor ku e tete grandi ta simbolisá reserva di vèt. (Manera mi a splika den e artíkulo ‘Pasó ta chupament’i tete e kos yama’. Gran parti di tete ta djis akumulashon di vèt.) Di un manera òf otro e hòmber lo ta relashoná vèt ku e muhé su akseso pa yega na kuminda i rekursonan finansiero/ekonómiko ku nan tur dos lo por benefisiá di dje. Siendo ku hòmbernan ku ta mas stabil finansieramente lo no ta hasi e asosashon aki, pues nan ta sintínan mas atraé na muhénan ku tin tete mas chikí.

Heidi klumDen e estudio kondusí pa sientífikonan di University di Westminster, United Kingdom, nan a mustra 124 hende hòmber imágennan di sinku diferente figura di hende muhé i a pidi nan pa klasifiká kon atraktivo nan ta haña e kurpanan. Pa e estudio aki 66 di e hòmbernan aki tabata pober i tabata tin seis ora largu sin kome. E sobrá 58 di e hòmbernan tabata finansieramente stabil i nan tabata stoma yen.

E resultado di e estudio a indiká ku e hòmbernan pober i ku tabata tin seis ora sin kome a klasifiká e muhénan tete grandi signifikantemente mas atraktivo kompará ku esnan tete chikí. Anto e hòmbernan riku i ku tabata tin stoma yen, a klasifiká e muhénan tete chikí mas atraktivo.

Den un otro estudio ku a keda publiká riba ‘Psychology Today’, 266 hòmber di Malasia di diferente status sosio-ekonómiko a haña diferente imáhen di figuranan di muhé pa mira, i e resultado tabata similar. Hòmbernan ku tin inseguridat finansiero ta klasifiká muhénan ku kurpa i pechu grandi mas atraktivo. Hòmbernan di un klase medio tambe ta klasifiká muhénan ku tete grandi mas atraktivo. Hòmbernan ku plaka ta preferá muhénan ku tete mas chikí.

mel BAwó mi ta komprondé dikon mi gusta muhé ku tete grandi. Tur ora mi tin hamber anto mi ta hopi pober. Mi no tin inseguridat finansiero si…..mi ta simplemente pober.

Pues muhénan ku tete grandi den e krísis ekonómiko di awendia lo no mester tin problema pa haña hòmber. Pabien na bosnan tur pa e deskubrimentu aki. (Lamentabel ta si ku e muhénan no gusta hòmber pober. Kisas ta p’esei tin yen muhé ku bon tete soltero, anto e hòmbernan bashí tin ku djis konformá ku wak tete grandi djaleu. Ya, ki ke hasi? Bida ta duru!)

Muhénan ku tete chikí, pabien na bosnan tambe, pasó un dia bosnan lo pega un hòmber ku hopi plaka. Nan ta poko skars si, pues tene pasenshi!

waitingFuente: Punch

[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.