Tèst di memoria por yuda detektá Alzheimer dékadanan promé!

Mi ta sita un pida di e buki Kibra Hacha kaminda mi a trata e tema di Alzheimer:

“Alzheimer ta un tipo di demensia ku ta kousa problema ku memoria, pensamentu i komportashon. Demensia ta pèrdida severo di e abilidat kognitivo di un persona ku tabata funshoná normal i ku no a bini dor di behes. E forma di demensia mas komun ta Alzheimer.

Alzheimer 3Alzheimer ta kousa daño na e sélulanan di seleber i eventualmente destruí nan, kousando pèrdida di memoria i pensamentu i otro funshon nan di e seleber. E malesa aki usualmente ta kuminsá leve, i despues di tempu ta bira mas pió, segun e sélulanan den e seleber ta seka i muri. Alzheimer ta fatal, i te ku na e momentu nan aki, no tin kura p’e.”

Si bo ke sa mas di e malesa aki, kon e ta desaroyá i kiko ta su síntomanan. Chèk e buki Kibra Hacha.

Mi a dal den un artíkulo kaminda nan ta splika ku un tèst di memoria por yuda detektá Alzheimer hopi aña promé ku e efektonan kuminsá surgi. Sierto fayonan ku e persona hasi riba e tèst ta indikashonnan ku Alzheimer lo por bin keda diagnostiká te ku 18 aña despues. Segun e outor di e tèst Kumar Rajan, di Rush University Medical Center na Chicago, kambionan den pensamentu i memoria ku ta presidí síntomanan opvio di Alzheimer ta kuminsá dékadanan promé. Pues ku e tèst aki nan lo por detektá Alzheimer añanan promé ku e kuminsá hasi su efekto.

Alzheimer 2Na momentu ku mi a lesa e artíkulo, m’a puntra mi mes: “Anto kiko awó?” E artíkulo no tabata masha interesante pero e komentarionan si.

Un persona a skibi:
“Mi tabata kier a duna mi komentario, pero m’a lubidá!”

Promé mi a haña e komentario aki ta prèt, pero despues m’a ripara ku e no ta. Perdement’i memoria ta kos ku ta afektá un persona i su famia seriamente. No ta kos pa hasi wega kuné. Pues e komentario aki ta kompletamente for di lugá. Mi tabata pa reklamá e persona ku a skibié, pero m’a lubidá!

Un otro komentario ta bisa lo siguiente:
“Ami lo no ke sa dékadanan promé ku lo mi bai haña Alzheimer.”

No tin kura pa Alzheimer, pero tin tratamentunan pa demorá progreso di e síntomanan si. Pues si esaki ta yuda pa demorá su progreso. E ta bon. Si ta djis pa prèt nan ke bisa mi ku aki 20 aña lo mi haña Alzheimer, nan por bien keda ku nan informashon.

Den un reakshon similar un persona a bisa:
“Si no tin kura pa e malesa horibel aki, pa kiko lo mi ke sa ku mi ta bai hañ’é adelantá?”

Riba e reakshon aki un otro persona a kontesta:
“Ya asina miembronan di famia por kuminsá prepará pa dil ku e persona ku ta bai haña Alzheimer.”

 Riba esaki nan a reakshoná:
“Pa kiko lo mi ke strès mi famia un dékada adelantá ku mi ta bai haña Alzheimer?”

 “Un persona a reakshoná:
“Si tabata tin tratamentu òf kura pa e malesa aki, e ora ei, dal bai ku e tèst, pero si no, disfrutá di bida ku bo famianan. Den futuro lo bo enkontra bastante kos kaba ku lo trese strès i infelisidat. Pa kiko buska mas?”

Mi ta kompletamente diakuerdo ku e ultimo persona. Pero tin sierto bentahanan si pa bo sa adelantá ku bo ta bai haña Alzheimer. Esakinan ta lo siguiente:

1….uhmm
2…………..

Legumai. M’a lubidá!

Someone is erasing a drawing of the human brain. Conceptual image relating to dementia and memory loss. Digital illustration.

Someone is erasing a drawing of the human brain. Conceptual image relating to dementia and memory loss. Digital illustration.

Fuente: CBSNews

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.