Piskadó a kaptura un piská ku tin mal habito di morde testíkulo di hende hòmber!

Den mi buki Kibra Hacha mi a menshoná un piská ku yama Candiru ku tin un mal habito di drenta den pénis di hende hòmber. Ora e drenta e ta hak su mes eiden i poderá di tur sirkulashon di sanger. Via operashon so por saka e piska aki afó, sino e ta kousa morto.

Awor parse ku no ta Candiru so ta enemigu di hende hòmber. Tin un otro piska mas ku yama Pacu. Pacu tin un aparensha similar na Piraña. Nan tin djente similar na di hende, anto nan ta konosí komo piská ku ta morde testíkulo (sak’i webu) di hende hòmber kita afó.

Un piskadó na New Jersey, djadumingu último a kaptura un Pacu, kual ta un piská eksótiko ku bou di sirkunstansha normal ta biba den awa dushi den riu di Amazona.

Pacu1Pacu a haña un masha mal reputashon di “piská ku ta kome hòmber su testíkulo” despues ku den un episodio Animal Planet na 2011 titulá “River Monster” siudadanonan di Amazona a splika un reportero kon dos hòmber a fayesé despues ku e piská aki a morde nan testíkulo.

Media Britániko a kue e historia i el a bira un sensashon rònt Internèt. Tabata dos piskadó na Papua, New Ginea ku a keda kastrá pa e piská. E sangramentu tabata asina serio te ku e dos hòmbernan a fayesé.

Aunke tabata tin e dos kasonan aki, Pacu no ta piská peligroso, segun Carroll County News. Nan ta famia di piraña, pero nan dieta ta konsistí generalmente di mata i tin bia nan ta kome piskánan mas chikí.

Pero nan tin masha hopi forsa mes den nan kakumbein. Sufisiente forsa pa kibra tres nechi kaska duru ku kai den awa. (Awó mi pregunta ta…..pa kome mata ku piská chikí nan tin mester di tantu forsa asina den nan kakumbein?)

Pacu4Pacu usualmente ta biba den Amazona pero últimamente nan a bin ta haña nan kasi rònt Merka. Segun departamentu di protekshon ambiental, hende lo ta kumpra e piská aki den ‘petstore’. Na momentu ku hende kumpra nan, nan ta chikitu i leuk. Pero nan por krese bira kasi un meter grandi pisando mas ku 18 kilo. Na momentu ku nan bira grandi asina nan ta kibra e Akuario ku nan ta aden. E hendenan ku a kumpra e piská aki, despues ku el a krese bira grandi asina, ta ripara ku e no ke e piská mas, i nan ta pasa bent’é den kualke lago.

Pacu2Den wenter e piská aki no por sobrebibí den awa friu, pues nan ta rekomendá pa destruí e piská den un forma humano. (Mi ta kere nan lo ke men mat’é, has’é i kom’é. Mihó hende kome e piská ku e piská kome testíkulo di kualke hòmber.)

Diripiente m’a kuminsá mané kue teima ku tur piská!

Pacu5

Mi ta komprondé si dikon nan lo no ke hasa i kome e piska aki. E bista aki den mi tayó lo kita tur mi hamber!

Fuente: HuffPost

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.