‘Professional cuddling service’ ta birando un negoshi popular!

Reading Time: 4 minutes

Tantu na Merka komo China, Hulanda i Hapon tin negoshinan ku probablemente na Kòrsou nos lo wak nan ku wowo skel, por ehèmpel ‘Rent-a Friend’ òf ‘Rent-a-Boyfriend’. Kualke hende na Kòrsou lo pensa ku ta hende desesperá so lo hasi uzo di tipo di servisionan aki, pero nan mes ta sinti nesesidat di e servisionan ku e negoshinan aki ta ofresé.

Professional cuddling 1Na Hulanda i Merka tin un tipo di negoshi kaminda básikamente bo ta paga un montante pa ‘cuddle’ (knuffel) ku un persona. Tur hende gusta ‘cuddle’ pero no ta tur hende tin un hende pa ‘cuddle’ kuné. Pues si bo tin sèn i bo por paga un hende pa bin ‘cuddle’ un ratu trankil band’i bo. Dikon nò?

Siensia a deskubrí i deskribí e benefisionan di kontakto físiko. Anto tin lugánan sikológiko terapéutiko kaminda nan ta duna loke nan ta yama ‘touch therapy’, ya ku segun investigashon, kontakto físiko ku otro hende den forma kariñoso/amikal por yuda hende kura di diferente malesa. Pa e motibu ei nan ta rekomendá mayornan pa brasanan nan yunan. E laso ku bo ta krea ku bo yu via kontakto físiko ta sumamente fuerte! Beibinan ku nase prematuro tambe nan ta rekomendá pa e mama duna nan kontakto físiko, ya ku asina nan lo krese bira nan tamaño normal mas lihé.

Professional cuddling 4Brasamentu i ‘cuddling’ tambe ta proveé un kantidat di benefisio pa hende ya ku na momentu ku bo brasa i ‘cuddle’ ku un persona bo kurpa ta produsí e hormona Oxytocin. E hormona aki ta sòru pa asina tantu kos den kurpa di hende, ku ora bo tin nivel abou di dje, bo ta simplemente sinti bo bashí. E hormona aki ta stimulá bo resistensha di kurpa, fria doló, establesé konekshon den bo relashonnan i redusí sintimentunan di ansiedat i strès.

Awó tin hopi hende ku no tin hende pa nan ‘cuddle’ kuné, pero nan ta sinti su nesesidat si. Kualke hende lo bisa ku nan lo no paga pa laga un hende straño mishi òf drumi banda di nan. Pero no ta pa loko e kos ta bai. Pa kolmo bo por krea un konekshon basta fuerte entre dos persona den ménos ku un ora, basta e dos personanan ta habrí p’e. (E ta asta posibel pa bo sinti atrakshon emoshonal ku un persona den ménos ku un ora. Esaki no tin nada di haber ku kosnan mágiko di amor ku pashon k’e kos na’i.)

Professional cuddling 3Na Merka e servisio aki ta kosta 40 dòler pa mei ora, i 60 dòler pa un ora. Pa bo haña dos ‘cuddler’ pareu ta 120 dòler, anto pa nan keda hinter anochi serka bo ta 500 dòler. (No ta kos pa hende bashí aparentemente.) Durante e seshon e ‘cuddler’ nan ta kombersá ku bo, ‘cuddle’ ku bo i drumi masha dushi mes band’i bo. Dado kaso deseonan seksual lanta, boso ta tuma un break òf kambia di posishon. E servisio ta kompletamente platóniko i no ta inkluí nada seksual aden.

Promé ku bo yama pa pidi bo servisio bo mester a kaba di tuma un baño, sòru pa bo rosea ta hole bon i no uza kolonia (ami si lo lagabo uza kolonia, solamente ku e mester ta hole bon, i no kos ku ta hole manera ròm di San Marco.)

Na Hulanda e servisio ta un tiki mas ekstenso. Na Hulanda bo ta paga 40 euro pa mei ora i despues di esei 30 euro pa kada mei ora. Bo por pidi pa djis un ‘knuffelsessie’ òf ku masashi inkluí. Tambe bo por yama nan si bo ke un hende kompaña bo bai sine bai wak un pelíkula. Einan nan ta kobrabo un tarifa ku ta inkluí preis di entrada pa sine, un ko’i kome i un ko’i bebe sin alkohòl. Si bo ke sinta wak pelíkula, pero bo no ke sali, bo por keda kas kombersá, ‘knuffel’ wak televishon i despues laga nan pone bo drumi.

Na Kòrsou mi no ta na altura ku tin un servisio asina. Si tin, mèldu mi, pasó ami ta bou di e impreshon ku na Kòrsou nos tin muchu skeit pa e tipo di kosnan aki!

Professional cuddling 5
Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.