Loke a pasa na Baltimore ta mas ku e kaso di “Freddie Gray”.

Reading Time: 4 minutes

Hopi hende kier sa ku e protestanan na Baltimore ta djis hendenan rabiá pasó polis a maltratá un hòmber di 25 aña te kousa su morto. Pero e morto di Freddy Gray ta djis e gota ku a pone e hèmber basha afó!

Manera mi a indiká den un artíkulo anterior, den mayoria pais tin hende ta sinti nan impotente. E sintimentu ta loke por pone situashonnan eskala i bira un tragedia.

Den e mesun luna di Aprel na aña 1968 tabata tin disturbionan na Baltimore dos dia despues di asesinato di Martin Luther King Jr, kaminda tres hende a muri, 70 hende a keda leshoná i mas ku 100 hende a keda arestá. Baltimore a keda kompletamente destruí ku hopi edifisionan na kandela, segun Baltimore Magazine.

Un reportahe di Maryland Crime Investigating Commission a resumí e disturbionan na aña 1968 di e siguiente forma:

“Kondishonnan ekonómiko i sosial den áreanan di ménos rekurso a konstituí un patronchi di desbentaha severo pa e rasa pretu kompará ku e blanku. Nos investigashonnan a yega na un konklushonnan ku e disturbionan na Baltimore tabata pa dos motibu: Rasismo di e blanku i opreshon ekonómiko kontra di e pretu. Ta imposibel bisa kua tabata pisa mas tantu, pero no tin duda ku ta e dos motibunan ei a kousa e lantamentu di e hendenan den ‘ghetto’!”

Firefighters battle a blaze, Monday, April 27, 2015, after rioters plunged part of Baltimore into chaos, torching a pharmacy, setting police cars ablaze and throwing bricks at officers. (AP Photo/Evan Vucci)

 (AP Photo/Evan Vucci April 27, 2015)

Despues di e disturbionan ei, Baltimore a sufri hopi. Den aña 1970 pa 1980 e kantidat di habitantenan di Baltimore a baha di 906 mil pa 787 mil. Den 2010 informashon di Senso ta mustra ku a keda solamente 620 mil habitante na Baltimore.

Segun trabounan tabata move pa otro pais, mayoria di e oportunidatnan ku a remplasá e trabounan ei no tabata paga bon.

Na 2012 un estudio di Brookings a indiká ku empleo den industrianan ménos bon pagá a subi ku 60% na Baltimore entre 1980 pa 2007. Siendo ku trabounan den industrianan mihó pagá a subi ku solamente 10%.

E skarsedat di trabounan ku gradualmente ta baha a hasi e suidat di Baltimore vulnerabel pa trafikashon di droga kual danki na Media a yuda duna e suidat mal nòmber. Dilernan di droga for di aña 1970 a kuminsá rekluta muchanan chikí den trafikashon di droga, dor ku ora esakinan keda gará, ta mas fásil i barata pa saka nan for di man di hustisia kompará ku adultonan. Pa hopi hende, trafikashon di droga tabata ofresé oportunidatnan mas lukrativo ku trabounan legal den un ekonomia debil.

Komo sifuera esaki no tabata sufisiente, tabata tin fiadónan di plaka abuzador ku tabata pusha e komunidat pretu pa hasi fiansa i sera hipotek ku interesnan haltu ku al final a bin kaba ku nan rikesa i a laga e suidat pèsta ku kasnan inhabitá!

Un ekonomia debil, ku sifranan haltu di desempleo i kriminalidat, i tiki oportunidat pa hende logra algu mihó den bida. Esei tabata e komunidat ku Freddie Gray tabata biba aden. Kasi un tersera parti di e barionan ta biba den pobresa i mas ku mitar di e famianan ta biba riba un entrada di ménos 25 mil dòler pa aña!

Banda di esei, e suidat mester a tolerá semper un kantidat haltu di violensha mortal. Entre 2011 pa 2014 e suidat di Baltimore mester a saka 5.7 mion dòler pa kubri gastunan di demanda kontra brutalidat polisial segun investigashonnan di Baltimore Sun. Esaki ta sin konta e 5.8 mion dòler pa kubri di gastunan legal di e ofisialnan di polis ku a keda akusá.

An officer stands near a blaze, Monday, April 27, 2015, after rioters plunged part of Baltimore into chaos, torching a pharmacy, setting police cars ablaze and throwing bricks at officers. (AP Photo/Matt Rourke)

 (AP Photo/Matt Rourke, April 27, 2015)

Tur esakinan ta sufisiente plaka di e pagadó di impuesto ku por a bai na drecha sentronan rekreashonal i por a konstruí mas ku 30 parke infantil!

Konfrontando nivelnan haltu di pobresa, violensha mortal i un mal relashon entre habitantenan i polis, no mester ta un sorpresa e pueblo a kousa disturbio den e suidat.

Pierre Thomas, un protestante di 37 aña a bisa NPR:

“Awor si tur hende ke pas. Nan ke pas solamente ora e blanku ta sintié impotente i menasá. Unda e pas ta ora ku nan tabata tira riba nos? Unda e pas tabata dia nos tabata pèrdè trabou? Unda e pas tabata ora ku nos ta patras den Ambulans? Unda e pas ta den tur e okashonnan ei? E ora ei si nan no ke proklamá pas. Bo sa ki ora si nan ke pas? Ora e blanku tin ku lanta for di kama, i polis nan tin ku bisti protektor, i ora e polisnan bisa ‘Oh, nos tin brasa kibrá’. E ora ei nan ke pas.

Pas? Aworakí ta muchu lat pa pas.”

Fuente: HuffingtonPost

[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.