Dia pa dia mas i mas hende ta sinti nan impotente!

Reading Time: 4 minutes

Votamentu ta un derecho sagrado ku nos komo hende mester sa di balorá. Pero echo ta ku na mayoria parti di mundu, kada bes ménos hende ta bai urna pa depositá nan voto. E speransanan ta kabando, i e opshonnan ku tin no ta krea masha perspektiva.

Nos universidat, e kompanianan ku nos ta traha p’e, e negoshinan ku nos ta kumpra kos fo’i dje i nos sistema polítiko dia pa dia ta laga mas di deseá. Awendia tin hende no ke ni skucha notisia mas. Nan no ta skucha radio, ni lesa korant. Mayoria medio di komunikashon ta sòru duna preferensha na notisianan negativo, pasó ta esei ta loke ta bende. Algun hende ta buska e notisianan aki tur kaminda pa skucha, pasó pa nan, ta esaki ta duna nan kòmbersashonnan sosial kontenido. Pa otro hende, e notisianan aki ta laga nan sinti impotente. E impotensia aki ta pone hende sinti ku niun hende no ta preokupá mas, i ku bos di buriku nunka no ta yega shelu.

Motibu di e impotensia aki ta bin pa gran parti dor ku nos no tin otro opshon. Pues e bida a bira stail di “sea bo ta tuma loke tin, òf keda sin nada”.

Na vários pais, nan ta purba hasi edukashon mas aksesibel posibel, dor di ofresé estudionan universitario pòrnada. Na otro pais, inklusive Kòrsou ta nèt kontrali. E tarifa pa studia kada bes ta bira mas karu pa un nivel di enseñansa ku no ta optimal. Vários bia studiantenan mester a protestá pa tratonan inhustu ku nan ta risibí. Pa ora nan kaba di studia nan tin ku bai traha un trabou ku ta bou di nan nivel i no ta ni den serkania di loke nan a studia p’e i ku un debe riba nan lomba ku niun hende no por yuda nan kuné!

Powerless4Professor Dr.Jaime Saleh den un diskurso na ABVO a bisa ku “trabou pa mayoria hende a bira un molèster”. Kiko lo por ta e motibu? Kisas pasó tin hende ta na trabou awendia, simplemente pasó e no tin otro opshon? Mayoria kompania ta trata trahadó manera un material desechabel, pasó nan sa ku hopi trahadó no tin otro opshon. Nan mester di e trabou, pues nan ta tuma loke tin, keda ketu riba inhustisia, aseptá soketada i tolerá mal uzo di poder!

Pa e motibu ei kompania nan por kita hende fo’i trabou ora nan haña ta bon, ofresé salario sokete pa trabou nan pisá, remplasá trabou nan ‘full-time’ ku trabounan ‘part-time’, ‘on call’ etc, imponé reglanan ku ta hasi e esfera di trabou unu no saludabel, i keda alargá bo kontrakt te dia bo nietu bira wela!

Servisio di kompanianan ta un desaster. E servisio di hende pa hende mes ta laga hopi di deseá. Pero kiko bo por spera di e trahadó ku ta sin opshon, ehersiendo un trabou djis pasó ‘no tin mod’i hasi’? Bo manda un e-mail pa un kompania, bo no ta haña kontesta, bo bèl nan, bo ta hañabu ku un ‘antwoordapparaat’ ku ta toka wals ku ka’i òrgel den bo orea pone bo warda te ora oséano pasífiko seka. Ora bo bai personal bo ta haña bo ku un trahadó kara mal fadá ku ta keda wak bo mané kos ku bo no tin nada di bin buska den e lugá. E trato ta pone bo pensa ku bo no ta kliente, sino mas bien un hende ku a bin kita su trankilidat.

Kompanianan di gobièrnu no ta kos di papia mes. Manera bo pensa ku bo tin ku bai un instansha gubernamental bo ta kuminsá evaluá si ta mihó bo bai bula fo’i brùg.

Kriminalidat tin e pais den su gara ku mayoria hende ta biba den kas skondí tur na hèkwèrk, ku alarma, kachó, kámara den tur skina, anto ku telefon den man pa asina tende un zonido straño, nan yama polis mesora.

E mihó negoshi ku tin awendia ta kompanianan di seguridat. Aki par di aña ta dos trabou ta bai sobra: Bewaker ku wardadó’i prezu!

Kuido médiko tambe tin su dolónan. Kuantu hende ta na kas aworakí ku doló, wardando riba un lista di espera pa bai serka spesialista.

Tur esakinan pa un preis karu ku e pueblo tin ku paga na impuesto.

Komo votadó nos ta sinti ku no tin niun partido polítiko ku ta honesto i ku di bèrdat ta traha pa adelanto di e pais. Tur tin nan agènda skondí i ta den tempu di elekshon so nan ta kòrda riba tur e dolónan di e pueblo.

Powerless3

Tur esakinan ta kousa un sentido di impotensia. Mas e sentido aki krese, ménos un hende ta “care” pa tur lokual ta pasa rondó di dje.

Algun hende lo bisabo ku nos mester di hopi orashon. Ta nèt esei t’e kos ku semper nos a hasi. Tin hende ta resa fo’i mainta te su siguiente mainta.

E sentido di impotensia aki serka e studiante, trahadó, e konsumidó i e votadó ta loke ta pone hende kere ku e sistema ta funshoná solamente pa esnan ku ta den tòp! Esnan mas abou ke mira un kambio radikal sosodé. Nan ta sinti ku e peso ku nan tin ku karga diariamente ta muchu pisá! Pero kiko nan por hasi?

Conceptual royalty free stock image of a businessman carrying the world on his shoulders.[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.