Kon pa skohe kalidat di amistat, i no kantidat!

Reading Time: 4 minutes

Serka algun persona segun nan ta madurá, nan sirkulo di amistat ta bira mas chikí. Otro ta nèt kontrali, segun nan ta madurá nan sirkulo di amistat ta bira mas grandi. Pero ora hende tin hopi amistat, den mayoria kaso e amistatnan aki ta hopi superfisial. Anto awendia a bira moda ku tur hende ke tene un sirkulo di amistat chikí, despues ku nan ripara ku mas hende bo konosé, mas relashon superfisial bo tin.

Si bo ta sinsero ku bo mes, bo mester atmití ku si bo ta pretendé di tin un bida drùk ku yen ko’i hasi, ta imposibel pa bo un relashon profundo ku tur e dos mil amigunan ku bo tin. E diferensha ta ku tin hende tin tiki amistat, pero kada un di nan ta amistatnan íntimo, i otro persona tin hopi amistat, pero niun no ta íntimo. E motibunan mi a yega di skibi nan den un artíkulo “Dikon bo tin tiki amistat íntimo”.

Friendship 2
Si bo ta pretendé di ta asina drùk ku bo bida, lo bo ke pèrdè bo tempu di bèrdat ku hopi amistat artifisial, kaminda boso tur ta sinta ku un máskara dilanti otro? Kua di bo amistatnan lo bo ke pasa tempu di bèrdat kuné? Si bo ke tin kalidat di amistat i no kantidat bo tin ku hasi bo mes e siguiente preguntanan:

1. Kua ta e personanan ku di bèrdat bo ta sinti bo konfortabel kuné?
Ku tantu kos ku bo tin ku hasi durante un dia, ta importante pa ora bo ta pasa tempu ku bo amistatnan, ta amistat real bo ta hinkando bo tempu den dje. No pèrdè bo tempu ku hende “fake”!

2. Bo por bisa bo amistatnan semper e bèrdat?
Si bo ta anda ku par’i hende ku bo no por papia stret den nan kara, bo no por bisa nan e bèrdat, i bo tin ku bisti diferente máskara pa por “bai bon” ku nan, bo ta simplemente tumando bo mes hasi i pèrdiendo bo tempu.

3. Bo ta realmente felis ku e hendenan ku bo tin rondó di bo?
Tin un diferensha entre ta realmente felis i hunga ròl di ta felis. Si bo tin ku hunga ròl di ta felis pa bo amistatnan kere ku bo ta felis, atrobe, bo ta tumando bo mes hasi i pèrdiendo bo tempu. Bo felisidat en todo kaso mester bin di bo mes. Kada persona mester por tin e abilidat pa proyektá felisidat riba otro, pero pa hasi esei bo mester konosé bo mes i sa kiko t’e kosnan ku realmente ta hasi bo felis. E felisidat ku bo ta proyektá ei mester ta genuino pa e tin efekto. Hende ta sinti ora bo ta hunga ròl, i ora nan sinti esei, nan tambe lo hunga ròl. Pues si bo ta bezig ku esei, bo por bien bai traha den un sirko òf bira un komediante.

4. Bo amistatnan por bisa bo e bèrdat?
Den un artíkulo mi a indiká ku hopi bia hende no ke sa e bèrdat. Tin ora hende ta preferá gaña nan mes pa nan por mantené un ilushon bibu. E bèrdat no ta tur bia ta dushi. Pero e ta nesesario si. Bo amistatnan mester ta hendenan ku por bisa bo e bèrdat stret den bo kara, en bes di papia nan tras di bo lomba. Si nan no por hasi esei, ta nifiká ku nan no tin kunes ku bo, i ta preferá laga bo sigui keda den ignoransha, tuma bo mes hasi, òf laga bo hasi bo mes ridíkulo, i papia riba bo despues ora bo no tei.

Friendship 35. Bo por konfia nan ku bo miedunan di mas profundo?
Akinan bo ta sa ken bo ta konfia realmente i ken no. Un persona ku konosé bo miedunan, pues bo vulnerabilidatnan tin e arma di por lástima bo profundamente. Si bo ta sintibu sigur banda di e hende ku konosé tur bo miedunan, bo tin konfiansa total den dje, i bo ta kasi 100% sigur ku e lo no uzanan despues den bo kontra, esei ta e persona ku lo bo ke tin den bo sirkulo di amistat. Tene kuenta semper si, ku hende ta keda hende, pues wak bon kiko bo ta konfia hende kuné. Tin sierto kosnan ku simplemente ta mihó bo bai graf ku nan!

No ta kantidat di amistat ta importante, si no kalidat di kada un. Bo mester por sa kiko bo tin na un amigu òf amiga i kiko e tambe tin na bo. Kana bai bin ku un set di amistat superfisial no ta duna bo bida e signifikashon ku bo mester pa bo sinti bo kompletu i felis!

friendship[Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.