Kua sentido lo bo por biba sin dje?

Reading Time: 2 minutes

Bo a kometé un piká grandi, i bo a muri bai fièrnu. E ‘manager’ di fièrnu ta bisa bo ku aktualmente fièrnu ta yen i bo tin ku bai mundu bèk. Pero komo bo a kometé un pika asina grandi, e tin ku kita un di bo sentidonan. Komo ku bo ta ‘first offender’, pues ta promé bia ku bo a kometé un pika asina grandi, bo tin e oportunidat pa skohe kua sentido bo ke pèrdè. Bo por skohe entre:

1. Bista
2. Oído
3. Olfato
4. Smak (sabor)
5. Kontakto físiko
6. Propiosepshon

Si bo skohe bo bista, lo bo bin mundu bèk komo un persona siegu. Lo bo no por mira nada. E konsekuenshanan ta papia pa su mes.

Si bo skohe oído, lo bo ta surdu. Lo bo no por tende nada. Esaki tambe e konsekuenshanan ta papia pa su mes.

Si bo skohe olfato, lo bo no por hole nada, ni bientu ku hende saka, ni e kolonia dushi ku bo pareha ta uza. Tampoko bo no por hole si kisas tin un lèk di gas den kas òf huma ku por ta peligroso pa bo bida.

Si bo skohe pa smak bo kumindanan ku bo ta kome niun lo bo no por sa si nan ta smak bon òf malu. Tampoko lo bo no por sa si un kuminda ta muchu zut, zür, salu òf pika, kual ekseso di esakinan por ta dañino pa bo salú.

Si bo skohe kontakto físiko, lo bo no por sinti nada ku bo man òf kurpa mishi kuné. Bo ta pèrdè e benefisio di kalor i kariño dor di kontakto ku un otro ser humano. Lo bo no sinti nada ora bo brasa un hende, anto sèks a kai na awa mesora tambe. Bon ya, bo por sèks, pero lo bo no sinti nada.

Propiosepshon ta ora neuronanan spesialisá riba bo kueru, skarnir, wesu, orea i tendones ta manda informashon di bo múskulonan pa bo seleber. Esaki ta hasi posibel ku bo por move, kana, hasi deporte i mantené balansa. Pues bo pèrdè esakinan lo bo tin ku keda sintá mané bombokati den un stul.

Kua di e seis sentidonan aki lo bo skohe pa regresá mundu bèk sin dje? Laga sa den e komentarionan e motibu di bo eskoho!

[socialpoll id=”2260674″]

[Si bo a “like i “share”, masha danki. Mi ta apresiá un mundu.  Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.