“Sin tetas no hay paraiso”!

Reading Time: 4 minutes

Mayoria hende muhé ke un bon figura i tamaño di tete. Pero básikamente ta bo genétika ta disidí kon bo tetenan ta bira. Aunke siensia a bira masha avansá ku awendia hende ta buta pida pechu aserka òf kita pida afó pa mas komfortabilidat.

Algun hende muhé ku tete muchu grandi por bin sufri di doló di lomba pa motibu ku e tetenan ta pone peso di mas riba e pechunan. (No brua pechu ku tete. Klek aki pa bo sa e diferensha.) Sin apoyo di sufisiente múskulo rondó di e kurpa, e tetenan aki ta bin kousa dolónan severo, ku ta hasi difísil pa mantené un postura adekuá, ku despues por bin deformá e wes’i lomba. Hopi muhé den e kasonan aki ta skohe pa hasi operashon pa redusí tamaño di nan tete. Si tamaño di e tetenan ta kousa hopi doló i niun otro terapia no ta yuda, e operashon aki ta hustifiká.

Pero ópera pa hasi pechu mas grandi?…….hmm

Di ki otro forma un muhé ku tete chikí por hasi esakinan mas grandi?
Segun bo ta krese, bo tetenan tambe ta krese. E tamaño ku nan lo bira por lo general ta dependé di bo genétika. Wak bo mama, ruman i tantanan. Nan tamaño lo duna bo indikashon di kon grandi di bo nan tambe lo bira. Klaro ku tin algun otro kos ku por pone nan hincha un poko:

  • Tete ta konsistí di dos tersera parti di tehidonan di tete (“breast tissues”) i rondó di nan tin vèt. Pues klaro, mas vèt bo tin den bo kurpa, mas vèt ta bai den bo tetenan tambe. Bo subi di peso, bo tetenan ta krese un tiki, bo baha di peso nan ta redusí di tamaño.Bo ta haña bo ku hopi muhé ku ke baha di peso pero ku ta bin bisa bo ku nan ke baha barika so, pero tete i chanchan si no. Wèl ya….lamentablemente tur kos tin ku baha pareu.
  • Embaraso ta pone bo tetenan hincha, i dunament’i lechi tambe. Despues ku bo stòp, nan lo redusí di tamaño bèk, i den sierto kaso asta bira mas chikí. Anto tin hende muhé ta wòrdu afektá mas dor di gravedat i nan tete ta bira manera slòf.
  • Operashon, ponement’i silicone etc, ta pone bo haña tete mas grandi, pero por tin konsekuenshanan severo. E por pone ku bo NO por duna yu lechi, i por kousa problemanan serio pa ku bo salú. EVITA!
  • Pildorananan antikonseptivo ku ta kontené estrogen por laga bo pechu reis un tiki. Aunke hopi di nan ta laga un reis mas k’e otro i estrogen adishonal, fuera di esun ku bo kurpa mes ta produsí, por kousa yen otro efekto sekundario, entre otro brua tur bo siklo di regla i kousa kanser.
  • Píldoranan, krema, té natural, masashi i otro métodonan pa kresementu di tete ta djis un manera genial pa kita sèn fo’i bo. Si bo sa kumpra òf uza nan, laga mi sa. Mi ta traha un píldora trahá di suku i bend’é 200 florin ku bo pa un.
  • Ehersisio di e múskulo pektoral ta hincha e múskulonan di pechu un tiki, pero no ku e diferensha ta masha bisto na e tamaño. A ménos ku bo uza steroid i bira mané un mònster femenino ku par’i tete manera un kombinashon di pan será i mitar pan bòl ku un pida chèri riba dje.
    female body builder
  • Tin un mion di tipo di BH ku ta laga bo tetenan mustra mas grandi i stabil. Ta yen nòmber tin manera: silicone enhancers, gel-filled bras, padded bras etc.
  • Friu sa pone tete di hende muhé bira un tiki duru i ta pone e punta di tete para manera un sòldat riba warda. Esaki ta pasa ku hende hòmber tambe.
  • Finalmente eksitashon seksual ta pone tete di hende muhé hincha ku 25%. Bo punta di tetenan tambe ta para stabil i kla pa wòrdu chupá. 1% di hende muhé a wòrdu bendishoná ku e abilidat di por yega na orgasmo dor di djis haña un bon chupá di tete.

Apresiá bo tetenan den ki forma ku nan ta. Klaro ku un tete bòl i bunita tin su benefisionan i por pone ku un hòmber ta ferf bo kas den 20 minüt grátis pa bo, pero tin diferente otro manera pa bo logra esei. Entre otro dal un shòrt chikí, basta bo tin un bon kurpa i un bon atras. Si bo no tin esei tampoko, mi ta sugerí bo lesa hopi buki i siña e arte di hipnósis, òf sòru pa bo tin sèn pa paga!

Tene kuenta si ku e hòmbernan suak i medio adikto na tete no ta sirbi. Dia nan topa un muhé (i kisas asta hòmber) ku mihó tete ku bo, nan ta piki nan bulchi, stòf nan atras i bai laga bo.

Kòrda pasa Mensings Caminada, buska mi buki Kibra Hacha, den kual mi ta siña bo tur loke bo mester sa pa bo ta mas sabí ku tur sobrá hende, i keda pendiente pa mi di dos buki “Awa, Habon ku Past’i Djente”, kual lo ta mihó ku Fifty Shades of Grey. “I’m Telling You”!

Big boobs 4

[Si bo a “like i “share”, masha danki. Mi ta apresiá un mundu.  Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.