Niun Pátaka!

Reading Time: 2 minutes

Niun Pátaka!
Bo ta haña ku hende ta kompliká i difísil pa komprondé? Kon kompliká i difísil bo ta haña ku hende ta? Dikon hende ta asina difísil pa komprondé òf dil kuné?

Bo sa ripara ku hende tin komportashonnan ku bo no ta komprondé? Bo sa ripara ku hende sa kue teima òf pèrdè lei ku nèt e hende(nan) ku tin komportashonnan similar ku nan?

Por ehèmpel, bo konosé Marelva? Marelva ta un hende ku gusta papia. Marelva ta papia masha hopi mes. Ami sigur a kere ku ora Marelva topa ku Shudeska, nan lo bira super bon amiga, pasó Shudeska tambe ta papia manera lora. Pero pa mi sorpresa Marelva no tin lei ku Shudeska. El a bisa mi ku Shudeska ta manera hende ku tin falta di atenshon. “Unda ku Shudeska yega, e tin ku laga tur hende sa ku t’e a yega”, segun Marelva.

Awó, m’a laga Marelva sera konosí ku Boy, kual ta persona masha ketu i trankil mes. Marelva a gusta Boy un mundu, pasó Boy semper tin orea pa Marelva su batiment’i bleki!

Boy ku Marelva a gusta otro asina tantu te ku nan a kasa ku otro. Pero despues di tres aña, m’a bin tende ku nan ke divorsiá. Segun Marelva, Boy ta muchu ketu i seku. “E falta sous”, asina Marelva a bisa mi. Anto segun Boy, Marelva ta manera hende ku falta atenshon i amor propio.

Den e buki aki mi ta splika diferente personalidat di hende ku ta krea e diferente komportashonnan ku nos tin, máskaranan (defensa) ku nos ta bisti i kon falta di konosementu di hende ta pone ku nos no ta komprondé a ni nos mes, te pa nos por komprondé hendenan ku tin rondó di nos.

Lo bo mira kosnan ku bo mes tin ta hasi, pero ku nunka bo no tabata konsiente di nan. Despues di lesa e buki aki, mi tin sigur ku tur bo relashonnan ku hende, lo kambia!

Chèk un avanse di e buki riba e link aki:

Niun Pataka preview pdf

Preis: Fl.50,- (Un wikènt di fiesta ku bebementu ta kosta bo dòbel ku esaki, i e ta malu pa bo salú.)

Preis pdf: $14.75 (Nafl 26.25)

Optenibel na Mensing’s Caminada (29 di Mei 2016) òf e-mail lionel_326@hotmail.com p’abo hañ’é personal serka mi!

Niun Pataka cover concept

 (Cover painting: “The Mask I Wear is One” by Rubini Didi Dometilie)

 

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.