Kibra Hacha

Reading Time: 6 minutes

Kibra Hacha logo

Mi no ta gaña bo. Na chikí mi no tabata gusta lesa. Lesamentu di buki prinsipalmente tabata un kastigu pa mi. Lesamentu pa ami tabata similar na eksperensha un temblor ku magnitut 7 riba skala di richter. Algu hopi fèrfelu i iritante. Pero tur hende tabata bisa ku lesamentu ta importante.

Mas na grandi ora bida a kuminsá dal mi moketa ku skòp benta mi abou, m’a kuminsá buska solushon i konsuelo den tur loke mi por haña. E hendenan ku tabata tei rondó di mi sigur no por a yuda mi nada. Ora mi tabata tin emoshon i sintimentunan ku mi no ta komprondé, òf e echo ku mi ta sinti mi straño i diferente for di tur otro hende, ta via sierto buki i artíkulonan so mi por a haña splikashonnan pa mi mes ku por a trankilisá i pone mi aseptá mi mes. Pa drecha mi vokabulario i uso di idioma, no tin mihó práktika ku no ta lesamentu. Asina aki mi a deskubrí e plaser di lesamentu.

Pero mi no ta tuma bo na malu. Pasó tin un kantidat di material pa lesa ku ta di tal forma skibí ku nan no ta niun tiki plasentero pa lesa. Mas ku klaro, abo ku no a kustumá ku e lesamentu ta pèrdè konsentrashon fásilmente ora bo ta lesa. P’esei mi a kuminsá skibi pa trese un forma diferente den literatura i prinsipalmente literatura na Papiamentu.

‘Kibra Hacha’ ta un buki na Papiamentu ku ta simplemente otro for di tur otro buki. E eksperensha ku e buki aki ta brinda bo, den niun otro buki bo no ta hañ’é. Den e buki aki, bo ta haña un kantidat di informashon ku ta relevante pa abo, bo bida i bo relashonnan ku hendenan ku tin rondó di bo. E no ta un buki ku ta trata un tema so, sino diferente tema ku abo lo por ta kurioso pa sa mas di nan. Mi a skohe pa hasié di tal forma ku bo por lesa kada kapítulo apart riba nan kurpa, i e ta di tal forma skibí, ku bo ta sinti ku bo ta den un kòmbersashon íntimo ku e outor.

E buki ta asina variá ku bo no ta kansa di lesa. E tópikonan ta relevante na kosnan ku bo ta topa i pasa den dje den bida. Pasó no tin nada mas laf ku lesa un buki ku no tin nada relevante pa abo den dje.

Tópikonan ku ‘Kibra Hacha’ ta kontené ta relevante pa un i tur i ta basá di preguntanan ku ami ta hasi mi mes tur ora entre otro:

  • Kiko t’e diferensha entre personanan introvèrt i èkstrovèrt?
  • Kon e personalidat aki ta keda forma?
  • Dikon personanan inteligente mayoria bia ta ketu i ta evitá drama den nan bida?
  • Dikon usualmente hende muhé ta keda pordoná infidelidat i hende hòmber no?
  • Kiko ta un di e motibunan ku hòmber ta keda kòrta orea maske ku e mes no ke?
  • Kon un muhé por evitá ku su hòmber ta kòrta orea?
  • Kua t’e motibu ku hopi dama ta kai pa e hòmber tipo ‘bad boy’ i ta laga e bon gai para pasó e muhé ta konsiderá e bon gai “djis un amigu” ?
  • Dikon ta mas komun ku hende muhé ta eksperensiá problema ku konstipashon?
  • Kiko presis ta kousa malesanan ku ta afektá hopi hende awendia manera Kanser i Alzheimer?
  • Kuantu tipo di malesanan seksualmente transmití tin?
  • Dikon hende muhé gusta sèks brutu?

Tur esaki i hopi pregunta mas ta pasa diariamente den mi kabes, i mi no ta laga nan keda solamente na pregunta. Mi ta buska kontesta riba nan. Si bo tambe ke sa e kontestanan ku mi a haña, buska bo ‘Kibra Hacha’ pa bo lesa.

Riba kada wikènt, bo por skohe un momentu trankil i lesa un buki ku maske tin temanan di seriedat aden tòg mi ta hinka un tiki sous di humor aden pa e lesamentu keda algu plasentero i na mes momentu bo ta siña algu ku hopi hende no sa!

E buki (hardcopy) ta optenibel pa solamente Naf. 50,- (Un wikènt di bebementu ta kosta bo mas ku esaki, i e ta malu pa bo salú.) Bo por haña e buki na Mensing’s Caminada manda un e-mail na lionel_326@hotmail.com i hasi bo petishon.

Si bo ta interesá pa haña un kopia digital di e buki (pdf) e ta bai di e siguiente forma:

Kopia digital ta kosta $14.75 (Nafl 26.25)
Depositá e montante aki riba kuenta di banko MCB 105133607 i mail kopia di e storting (scan òf print screen) na lionel_326@hotmail.com. Asina e fondo keda risibí lo bo haña kopia di e buki na bo e-mail adrès.

P’e hendenan ku ta for di Kòrsou, mi a krea e posibilidat pa bo por bestèl dirèkt for di e website ku ta drùk e bukinan. Mi ta atvertí bo ku si bo lesa ‘Kibra Hacha’, lo bo haña gana di lesa ‘Awa, Habon ku Past’i Djente’ tambe. Pues lo kumbiní bo kumpra tur dos pareu pa bo spar sèn riba ‘shipping costs’!

Klek riba e link aki pa haña un ‘preview’ di e buki: Kibra Hacha preview pdf

 

 

DSCN2952

Nadya van Putten, miembro di kolegio Finansiero, ta rekomendabé!

 

Algun reseña di Kibra Hacha!

1. “Despues di a lesa e buki aki mi a keda hopi sorprendí. E ta e meks perfekto entre informashon tékniko, kosnan di tur dia i informashon seksual. E buki i e ‘research’ a ‘nami un bista otro over di diferente tema. Ta importante pa nos sa kiko ta pasando den nos komunidat, ja nos ta kibra sierto tabúnan. Mi a siña hopi lesando tur e ‘feitjes’ nan ku tin aden. Mi ta spera ku pronto lo bo publiká mas pasó mi ta kurioso pa sa kiko mas bo tin pa kompartí ku nos. Mi ta rekomendá e buki aki speshalmente pa e muhé yòn i moderno ku ke sa algu mas di bida.”

2. “Mi a kumpra e buki aki ayera i e tópikonan ta mustra asina interesante ku el a hasimi kurioso i a ponemi kuminsá lesa e buki mesora. E ta asina interesante ku bon por pone abou …interesante, informativo i kómiko . Money well spent.”

3. “Lion Spratt mi a purba dominá i kontrolá mi “haraganheid” di lesa bo ‘Kibra Hacha’, pero mi no tabata por. M’a lesa e buki kompletu. Asta tin un par ey ku m’a lesa 2 biaha y ainda mi tin gana di lesanan ahahahah. E lesamentu tabata plasentero (mi tin ku bisa si ku mi gusta lesa; lesamentu ta 1 di mi hòbinan). M’a hari y gosa un bòl. Lion e buki ta gewoon tremendo hahahaha. Y manera bo a skibi: “si e buki aki no inspirabu pa lesa, lo bo no gusta lesamentu nunka mas”. E final tambe no por tabata otro: Buskando e otro planeta pa biba riba dje hehehehe. Esaki ta part 1 di mi ‘comment’. ‘To be continued’. (Tin parti di bo buki ku mester bin part 2, promé bo skibié laga nos diskutí poko basta heheheh) Ang ba lubidá riba espasio pa Subway riba e planeta ku bo tei biba.”

4. “Riba e djasabra aki di flohera i hopi pas mental m’a disidí di hasi algu ku mi gusta hasi! Lesa….mi a kòrda mesora riba e buki di mi bon amigu Lion (di bon no tin nada den e amistat aki ta pa nos no komplik’é) i mi a les’é i kab’é! Mi a hari mi barika yen pero tambe ta tin momentu ku mi a lesa ku hopi atenshon. Ratu sin lesa un bon buki asina aki. Tema nan di kibra hacha di bèrdat! Mi ta rekomendá bo les’é i no pidi mi fia bo e! E ta un buki ku bo mes mester tin pa ora bo ta di strès of den un huki sin salida bo bai kore les’é! Job well done Lion!”

Thanks for all the reviews!

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.