Awa, Habon ku Past’i Djente!

Reading Time: 3 minutes

Bo gusta lesa kuentanan kómiko humorístiko? Bo gusta ‘chill’ despues di un dia pisá ku un bon buki ku ta pone bo relahá i drai bo motor imaginario? Si ta asina, awèl e buki aki lo ta tremendo p’abo.

‘Awa, Habon ku Past’i Djente’ ta un buki di kuenta kòrtiku kómiko, ku ta basá riba bida real. Ta historianan ku ta pasa òf a yeg’i pasa den bida mi bida, i mi ta presentá esakinan dilanti, pa abo lesa i disfrutá di nan.

Coming Soon!

Diseño Grafiko: Aymar Profas

E buki ta un refleho di kiko ta nifiká ser un hende, no opstante kuantu bia nos ta purba na skonde e ser real ku nos ta, ku tur nos problema i retonan den bida, djis pa hende no mira kon bruá nos ta!

‘Awa, Habon ku Past’i Djente’ ta kontené 10 historia diferente, kada un riba su kurpa i kada un tin un historia úniko i impaktante su tras. 

Título di e 10 historianan ta lo siguiente:

  • Amor real i maravioso
  • Morto Kachó
  • Tin un raton den mi kas
  • Un kasá religioso
  • Kosnan straño ku sa pasa
  • Bida di hende hòmber ta hopi duru!
  • Bo no stima mi
  • E sita kayente di Gino i Netty
  • Ta hende drechi mi ta
  • Mira saya laga para!

Atvertensha!
Si bo ta hende ku gusta kana ku kara zür riba hende, no gusta hari i gusta kana ‘hois’ bida di hende, e buki aki no ta p’abo. No lesa e buki, despues bin reklamá ku bo a hari, te haña doló di barika.

Si bo ta hende ku ta mas vírgen ku mama maria, esta ta spiritu santu so ta ‘limpia’ bo, òf bo ta sinti bo ofendí pa kontenidonan poko pikante, esta bo tin yu, pero bo no ke pa niun hende sa ku bo sa sèks, mihó bo keda leu. E buki ta pa esun ku sa kon pa disfrutá di arte ku mente habrí.

E buki aki ta skibí ku e meta pa duna bo mas gana di lesa. Ya kaba hopi hende ku nunka di nan bida no a yeg’i lesa un buki boluntariamente, a gust’é asina tantu, te ku nan ta kana ku e buki bou di nan brasa pa nan lesa na skol, trabou, na dòkter, den baño, den reunion i tin hende ta asta les’é den misa ora pastor su predikashi ta poko laf.

Klek aki pa un ‘preview’ di e buki: Awa, Habon ku Past’i Djente preview pdf

E buki ta optenibel na Mensing’s Caminada na rason di 50 florin, of manda un e-mail na lionel_326@hotmail.com pa bo hañ’e dirèkt serka mi!

Awa, Habon ku Past’i djente ta e di dos buki di e outor Lionel N. Spratt. E promé tabata ‘Kibra Hacha’, ku awendia tur hende a lesa kaba, pero ku ainda nan ta lesa p’e konsepto drenta bon den nan kabes. Si abo no a les’é ainda, klek aki pa mas informashon!

Kibra Hacha tambe ta optenibel na Mensings Caminada na rason di 50 florin of manda un e-mail na lionel_326@hotmail.com pa bo hañ’e dirèkt serka mi!

Personanan ku ta biba Boneiru, Aruba òf Hulanda ku ta deseá e buki(nan) lo por haña nan via pòst. Manda un mail na lionel_326@hotmail.com pa risibí mas informashon!

Awa, Habon ku Past’i Djente:

Riba foto por mira Yves Cooper, kuestionando e hende muhénan ku gusta eksagerá ku nan bida ta duru!

 

DSCN2508

Reportero Yves Cooper ta rekomendáb’e

DSCN2507

Yves: “E muhé na’ki si tin kurashi bo sa?”

 [Danki pa “like i “share”. Mi ta apresiá mashá. Sinti bo liber pa laga bo komentario atras.]

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.