Si pa awe, ainda bo no sa kiko ta ‘Pokémon Go’, anto e ora ei tin algu hopi robes ku bo. Si ainda bo no a hunga ‘Pokémon Go’, anto e ora ei bo tin un problema serio, pasó ta algu ku tur hende ta hasiendo, anto mas ku klaro bo tambe ke ta den moda tòg? Bo tambe ke hasi kos ku tur hende ta hasiendo tòg?

Oké, esaki ta un dje promé motibunan ku ‘Pokémon Go’ ta asina popular. Simplemente pasó hende gusta ‘follow the crowd’, esta hasi kos ku tur sobrá hende ta hasiendo. (Si bo no a hung’é ainda no tin nada robes ku bo…..pa bo no tuma mi na malu.) E intenshon di e artíkulo no ta pa bisa bo dikon bo tambe tin ku hunga e wega aki. Mas bien ta pa splika bo dikon tur hende ta loko ku e wega aki. Kisas asina bo tambe ta haña gana di hung’e, òf bira ménos interesá den dje!