Un kos ku defunto Helmin Wiels semper a bisa tabata ku servisionan di gobièrnu ta malisimo i mester drecha nan. Ámtenarnan tei pa sirbi pueblo, i no pa yega trabou lat, lesa korant, rushi uña, pinta kara, anto ora nan kaba, kue tas bai kas lagando e pagadó di impuesto ku smak amargo di un mal servisio atras.

E gobièrnu aki por ta kon sinbèrgwensa, inepto i inapto ku bo ke, pero bou di nan maneho mi a mira algun kambio ku niun otro gobièrnu sea no a hasi, òf no a ni purba na hasi. Esaki ta prueba ku no ta por nos no por. Si nos no logra algu ta simplemente pasó nos no tabata ke logr’é.