Fayesementu di rei Abdullah di Saudi Arabia a kousa poko inseguridat!

Rei di Saudi Arabia Abdullah bin Abdulaziz a fayesé na edat di 90 aña, kousando mas inseguridat den e merkado di petroli.

Esaki a pone ku e preis di petroli a subi un tiki djabièrnè mardugá dor ku e hendenan a kai un ratu den pániko. Ta masha normal. Ta meskos ku ora tin un òf otro wèlga den sektor di petrolio na Kòrsou, tur hende ta kai den pániko bai tènk nan outo, yenando e pòmpstashònnan ku fila largu, i pone ku gasolin ta kaba tur kaminda. Pues no ta na Kòrsou so hende ta pèrdè kabes.

Ruman di Abdullah, Salman, di 79 aña mesora a bisti e korona i bira rei di e eksportadó di petroli mas grandi di mundu, i ya kaba preisnan a bolbe baha. (Mirando su edat, un ora pa otro e tambe por pasa pa otro mundu si.)

Salman na televishon a bisa ku lo no trese niun kambio den e maneho di petroli. E lo mantené e mesun minister Ali-al Naimi, i tambe mantené e mesun produkshon. Pues nos lo no bai mira niun kambio drástiko den preis di krudo. Mi ta spera anto!

Pa un 6 luna kaba preis di krudo a bin ta baha di forma fantástiko, poniendo ku preis di gasolin despues di hopi aña a baha bou di 2 florin pa liter aki na Kòrsou. Dado kaso preis di petroli subi tòg, mi mes ta bula bai Saudi Arabia, bai benta 2 viagra den boka di e defuntu p’e lanta para stret stret bèk.

Defuntu rei Abdullah i  Prins (ku awor a bira rei) Salman bin Abdul Aziz al-Saud.

Defuntu rei Abdullah i Prins (ku awor a bira rei) Salman bin Abdul Aziz al-Saud.

Fuente: Reuters

[Danki pa “like i “share”. Mi ta apresiá mashá. Kualke dia ku nos topa, kòrdá mi pa mi regalábo un lòlipòp komo muestra di apresio! Sinti bo liber pa laga bo komentario atras tambe.]

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.