Aqualectra ban serio awó si!

Reading Time: 1

Aqualectra ban serio awó si!
Ta ki’ b’a kere, ta kas di bia tin aki?
Ta ki ora ku bo ke b’a kere bo por bin i bai?
Ta rib’e stail aki bo tin intenshon di sigui drai?

Bo a kima mi televishon, mi radio i mi frishidèr.
Tur mi karninan den mi frizer ta hole dèrièr.
B’a daña tambe mi DVD player, mi erko i mi fèn.
Ma ora mi bin reklamá, bo no ke dunami mi sèn.

Bo a daña mi kòmpiuter tambe, mi printer plùs mi Wi-Fi
Mi señal ta mané fuma awòki ta keda subi baha low-high low-high.
Aqualectra ta kiko mi a hasi bo? Ta rabia bo tin riba mi?
Tur luna t’abo te promé ku mi ta paga, anto bo no tin duel’i mi?

A’te, atrobe koriente a bai, ki baina nan tei bisa awó?
Kasi sigur ta Turbina 11 ku 12 a bolbe kai afó.
Anto nèt mi frei tabata masturbá ku su vibrator di koriente,
Aqualectra, ban serio, a ni un muhé bo no por satisfasé?

Anto ta asin’aki nan ke pa nos uza outo eléktriko?
Asin’aki nan ke pa Kòrsou bin ku telefériko?
Anto ora hende ke pone panel solar, bo ke rabia heringá.
Bo ke kobra pa kos ku abo no por duna, anto nos tin ku aseptá?

Anto rabia bo hiba mi korte pa mi poesia numa, ki mi tin kunes?
Ka’i sigur stadhuis tampoko no tin koriente, te p’ami haña sentensia di hues.

Lionel N. Spratt

Aqualectra prod

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.