Tin indikashon ku Covid-19 ta kontagioso, promé ku un persona infektá tin síntoma!

Importante:

Kontrali na loke nos ekspertonan ta bisa, tin indikashon ku Covid-19 ta kontagioso, promé ku un persona infektá tin síntoma!

Na momento ku un persona tin síntoma, ta señal ku e persona su resistensia a aktivá kontra di e vírus. Na momentu ku bo resistensia detektá ku tin un patógeno den bo kurpa, ya bo resistensia ta den desbentaha kaba, pasó e vírus tin basta dia kaba multiplikando den bo kurpa. P’esei ta importante pa bo resistensia ta fuerte, pa e por bai e bataya kontra di tur e sèlnan ku e vírus a infektá. Pero kualke otro kos por pone bo tosa òf nister, i bo ta plama e vírus sin bo sa. Di e forma aki un persona infekta, pero ku no tin sintoma ainda, por pega otro hende.

Tin hendenan ku no ta sinti síntoma ètòl, esei ta pasó nan kurpa tin resistensia parsial kaba kontra di e vírus. E kantidat di hendenan aki ta minimal. Tin indikashon ku e personanan aki por plama e vírus tòg, pero ménos kompará ku un persona no resistente.

E punto aki ta importante, pasó si nos ta kere ku ta hendenan ku síntoma so por traspasá e vírus, nos lo frakasá den nos intento pa kontené e vírus aki.

For di un estudio Aleman ku informashon saká di China, ekspertonan a yega na e siguiente konklushon (for di e wèpsait isglobal):

“People are infectious early in the course of the disease, even before presenting symptoms (which makes it more difficult to isolate sick people and identify their contacts). Estimates indicate that presymptomatic individuals can account for up to 25% of transmission.”

CDC tambe ta konfirmá esaki, pero segun mi sea nan no sa, òf nan ta subestimando e punto aki:

“People are thought to be most contagious when they are most symptomatic (the sickest). Some spread might be possible before people show symptoms; there have been reports of this occurring with this new coronavirus, but this is not thought to be the main way the vírus spreads.”

www.lionspratt.com

Segun Gary Kobinger (direktor di Infectious Disease Research Center na Quebec), kasonan no detektá lo por ta esnan ku mas ta plamando e vírus sin ku nos sa, sino e vírus lo a keda kontené masha dia. Na Iran, Spaña, Alemania, Suisa, Bèlgika i Hulanda, e kasonan ta kresiendo rápidamente.

Mester tene kuenta, si tin un persona infektá ku e vírus den kas, hopi chèns ku e ko-habitantenan di e kas aki tambe lo pega ku e vírus.

Tin personanan hóben sin niun otro malesa, a duna testimonio ku nan a bira hopi malu dor di e vírus. Ounke no tin konfirmashon ku tin dos variante di e vírus, por ta posibel ku tin un variante ku ta mas peligroso ku e otro. Tin posibilidat ku e variante mas peligroso aki tabata tei na China i awor Italia. E mesun variante aki por ta esun ku ta plamando na Italia. Mi ta ripití, no tin konfirmashon di esaki. Den e artíkulo aki mi a splika ku e kantidat haltu di mortalidat na Italia, te ainda ta di lenk na e promedio haltu di edat ku tin na e pais. Mayoria di e mortonan nan na Hulanda tambe ta personanan di edat i ku tabata malu kaba.

Den e artíkulo aki mi a splika tambe ku den temperaturanan friu, e virus por keda sirkula den aire mas tantu. Pues por ta posibel ku den nos klima e virus no ta keda sirkula hopi den aire. Esei no ta nífika ku e virus ta muri dor di solo of kayente. Lesa e artikulo aki bon. Lesa e i informá bo mes. Den e situashonnan aki, wakmentu di novela, futbòl i ‘Game of Thrones’ no ta yuda ku nada.

Segun e estudio na Alemania, bo por keda tèst positivo pa Coronavirus simannan despues ku bo a rekuperá, pero bo no por pega otro hende despues di mas o ménos 10 dia ku bo a kuminsá sinti síntoma.

Rusia, Taiwan, Singapore i posiblemente Hong Kong ta parse di tin e brote bou di kòntròl dor ku nan kasonan no ta krese ku sifranan grandi. Rusia a sera frontera hopi lihé, i Singapore ta isolándo tur e hendenan ku un persona detektá ku e vírus, por a drenta kontakto kuné. Asina mes e vírus ta sigui plama tòg. Imaginá bo, bo keda sin hasié!

www.lionspratt.com

Hende ta keda e menasa mas grandi pa nos propio eksistensia.

Ta parse mi ku nos ignoransia i egoismo ta hopi mas peligroso ku e Coronavirus. Pa di promé, ku tur e kanalnan di informashon ku tin na nos disposishon, ainda tin hende ta pretendé ku nan no tin sufisiente informashon. Ta manera kos ku ta un Minister mester pasa personal serka nan, i duna un ‘Powerpoint Presentation” ku hopi plachi di koló, pa nan por ta informá.

Ta parse mi ku nos tin un hansha pa plama notisianan falsu, promé ku nos tuma dos minüt pa verifiká si e kos ta bèrdat òf no, kreando mas káos di loke mester. Te ainda mi ta tende hende papia disparate ku no tin niun tiki lógika.

Ta parse mi ku nos ta manera robòt ku un chip disfunshonal ku ta sufriendo di un korto sirkuíto. A anunsiá un kaso di Coronavirus na Kòrsou i ku ta bai restringí entrada di HENDE for di Oropa. Kiko nos ta hasi? Tur hende ta kore bai supermerkado manera kos ku ta turista oropeo sa trese merkansia pa toko i supermerkadonan.  Pa kolmo, a lanta un ‘trend’ ku ta papel di WC mester stòk den kas, sin ku niun hende por splika e motibu. Aki nos ta mira kon egoista nos por ta. Pasó te na ora ku si papel di WC tabata algu nesesario mes pa bringa e Coronavirus (kual e no ta), si bo so kue 10 paki papel di WC, kon sobrá hende ta hasi haña? Bo saka tur kuminda for di supermerkado, kon otro hende (ku si no ta kai den pániko) ta hasi kome? Ta bo so ke sobrebibí. Ta bo so ke kome? Kon egoista bo por ta?

No opstante tur e informashon, ainda tin hende ta sali kas bai i bai Hospital (CMC) indikando ku nan lo por tin Coronavirus. Ta bon pa tur hende yuda informá, ku si bo ta malu, ku sospecho di tin Coronavirus, keda bo kas, i yama bo dòkter. Si bo dokter no ta kue telefòn, yama GGD, hòspital, ambulans òf asta Minister Rhuggenaath mes si bo ke, pero keda bo kas!

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.