E penis ku tin e muhénan loko—historia real!

Reading Time: 8 minutes

Den mayoria kaso bo ta haña ku ta hende hòmber ta esun ku ta purba konvensé un muhé pa sèks kuné. Tin muhé ta asta apliká un ‘90-day rule’ promé ku nan bai kama ku un hòmber i tin ta keda wanta hòmber abou dos aña largu promé ku e hòmber por sèks ku e muhé.

Pero mi konosé un kaso kaminda un muhé a konosé un tremendo gai, i pa un motibu òf otro e gai tabata selibato. E hòmber aki ku yama Chris, tabata bisa ku e ke kasa promé ku sèks, i niun muhé—maske kon bunita i sensual e muhé ta—no por a logra pone Chris kibra ku su regla. Pero no ta semper Chris tabata selibato. Ten ku Chris tabata mas yòn, e tabata sèks ku kua muhé ku e topa. Chris práktikamente no por a mira saya. Tur muhé ku e haña atraktivo, e kier a bai kama ku nan. Chris tabata un dje hòmber nan ku tabata fingi relashon, djis p’e por haña muhé den kama. Dor ku Chris tabata medio puto, hopi muhé ta papia di Chris su órgano seksual. Den kaya tin papia ku Chris su órgano seksual tin algu apart kuné. Pero ora bo puntra ta kiko e tin apart, ku si ta grandi e ta, ku si ta mané banana dominikano e ta, òf ku si motor vibradó tin den dje, niun hende no ta bisa ta kiko tin asina apart ku Chris su pénis. Úniko kos ku nan ta bisa ta ku nunka nan a yeg’i di mira algu asina, i ku ta abo mes tin ku mir’é, sino lo bo no kere.

Di e forma ei un amiga di mi ku yama Naomi—ku a sera konosí ku Chris na ‘North Sea Jazz Festival 2018’—a bin tende den kaya di Chris su pénis. Tur hende tabata bisa Naomi ku dia e mira e pénis di Chris, e lo keda boka habri. E muhénan ku a yega di bai kama ku Chris ta asta yama su pénis “fenómeno”. Naomi a puntra tur hende ta kon e aparensha di e “fenómeno” ta, i dikon tur hende ku drumi ku Chris ta keda papia asina tantu di dje, pero niun hende no ke bis’é.

Esei a hasi Naomi mas kurioso i Naomi a purba tur manera pa Chris por sèks kuné. Pero Chris a bisa Naomi ku e ke siña konosé promé i despues di tempu, si tin un kímika entre nan, nan lo yega na sèks ku otro. Naomi a bai di akuerdo i asina nan a kuminsá sali ku otro.

Nan tabata bai kome, bai keiru na banda abou, bai Movies etc., pero kuriosidat tabata mata Naomi. Ora nan bai restorant, Naomi ta purba pa laga Chris bebe mas tantu posibel, ya asina e por benta su kurpa riba dje. Pero Chris no a kai aden. Ora nan bai banda abou, nan ta bai laman i Naomi tabata purba fula na su karson pa wak kiko e ta sinti. Chris semper tabata kita su man. Un bia na banda abou Naomi a proponé pa nan bai keda na wikènthùis nan dos so, ya asina Naomi por purba haña chèns kuné. Pero tòg nada no tabata pasa. Chris a keda komporté manera Papa Benedikto 16.

Un bia Naomi a bai serka Chris na su kas, i nan a keda wak pelíkula te lat. Despues Naomi a hasi mané ku e tin soño i pidi pa e por keda serka Chris. Chris a lag’é keda, pero e no ke pa nan drumi huntu riba e mesun kama. Naomi a drumi sunú riba kama di Chris miéntras Chris tabata drumí den sofá. Mardugá Naomi ta lanta ku laken rònt di su kurpa i bai drumi riba sofá banda di Chris. Na momentu ku Chris a ripara esei, el a lanta bai drumi riba kama i laga Naomi den sofá. Mainta trempan Naomi a spièrta, el a bai den su tas, saka su dildo, kuminsá masturbá i hasi hopi zonido di eksitashon pa yama Chris afó. Chris a sali for di kamber, mira Naomi i Naomi a yama Chris bis’é bini serka dje. Chris a bai serka dje, miéntras Naomi tabata sigui masturbá. Dado momentu Naomi a kuminsá sunchi Chris i purba kita su paña for di su kurpa. Naomi a logra kita su kamisa pa promé bia. Nan a sigui sunchi, i Naomi a kue Chris su man, pone na su vagina ku na e momentu ei tabata papa muhá. Chris na e momentu ei a bira hopi eksitá i a bis’é “He eh, mama bo t hopi muhá.” Naomi a bis’é, “Si papi, mi ke bo chinga mi.” Naomi a pone man na Chris su karson i kuminsá lòs su karson. Na e momentu ei Chris a bis’é, “No no no, stòp”. Naomi a bira puntr’é “Dikon dushi, dikon bo no ke sèks ku mi? Bo no ta haña mi atraktivo?” Chris a bisa Naomi, “Kompolaga, bo ta hopi bunita i atraktivo.” Naomi a puntra Chris, “Kiko ta e problema anto? Bo kos no ta funshoná? Bo tin problema ku erekshon?” Chris a bisa Naomi, “Ètòl no. Mi patin ta funshoná mané chubatu feros.” Naomi ku un stèm iritá ta bis’é, “Awèl ta kiko te problema anto? Mi tin ratu ta tira mi kurpa riba bo. Mi tin ratu kaba ta sali ku bo, ta ‘flirt’, ta purba haña bo den kama pero tur bia bo ta ninga mi. Splika mi ta kiko t’e problema anto.” Chris den un tono serio a bisa Naomi, “Mi a splika bo un bia kaba. Mi ke pa e siguiente persona ku mi sèks kuné ta un persona spesial. MI ke pa nos hasié paso nos tin amor pa otro, i no pasó nos tin speshi. Mi ke pa nos tin kímika i pashon pa otro. P’esei mi ta warda mi mes pa e persona ku meresé esei di mi. Anto si abo tin purá pa sèks, òf bo tin problema ku mi apstenshon, mihó nos legumai e kos aki anto. Naomi a bira wak Chris i bis’é “Bo ta laga mi bai ku speshi?” Chris a kana bai na porta habri porta di kas i bis’é “Dal un baño friu ora bo yega kas.”

Naomi a piki su kosnan i kana bai direkshon di porta. Na porta el a bisa Chris, “Bo por sikiera laga mi wak ta kiko ta e fenómeno.” Chris a bisa Naomi, “Oh, te kos ei bo tambe ta tras di dje?” Naomi a bis’é, “Plis, nos a sali ku otro pa tres luna kaba. Bo por sikiera laga mi wak ta kiko t’e kos asina apart ku bo tin na bo patin”. Chris a keda ketu pensa. Naomi a bis’é “Plis Chris. Mi ke djis wak, i mi ta bai. Wak so, mi ke wak.” Chris a bis’é “Bo ta bai spanta. Tabata tin hopi muhé ku no por a dil kuné.” Naomi a bis’é, “No, lo mi no spanta, i si ta asina mes, lo mi purba dominá mi mes. Mustra mi e por fabor. Mustra mi.”

Chris a bisa Naomi, “Bon, sak abou pa bo por wak.” Naomi a sak. Chris a pone man na su karson, i baha e karson pa Naomi mira. Naomi a kai den shòk i a keda sinku minüt largu sin por a papia.

Chris a puntra Naomi si e ta okay i Naomi a keda wak e pénis i bisa, “Pero kon por ta? E kos aki no por ta di bèrdat.”. Chris a bisa, “Pero e ta si”. Naomi a puntra Chris, “Asina bo a nase kuné.” Chris di, “Si, anto for di 14 aña mi a kuminsá maluzá di su poder. Hopi muhé a bira loko kuné.” Naomi tabata tin hopi gana di pusha Chris den kamber riba kama pa e tèst e fenómeno, pero el a kontené su mes i respetá Chris su desishon di ke apstené. Despues di a keda wak un ratu mas el a puntra Chris,“Mi por saka su potrèt pa mi ten’é pa rekuerdo?” Chris di ku Naomi, “Si esei ta hasi bo kontentu, dal bai.”

Naomi a saka potrèt di Chris su fenómeno i a mand’é pa mi wak. Awèl, mi a yega di wak hopi hòmber sunú. Mi a yega di wak hopi pelíkula di pòrno. Mi a yega di mira diferente tipo di patin. Pero e fenómeno aki si a laga asta mi mes di shòk. Por poko mi a bira mariku tumadó. Mi mes lo a bula riba Chris djis pa mi tèst e patin ei. Mas ku klaro awóraki bo tin gana di sa ta kon e fenómeno di Chris ta. Bo ke sa kiko di spesial tin na dje. Mi ta imaginá mi ku bo tin hopi gana di wak e potrèt ku Naomi a saka. Mi tin e potrèt, pasó Naomi a manda e potrèt pa mi, pero mi a primintié ku lo mi no mustra niun hende. Pasó ami konosé e historia di Chris, pero ora otro muhé mira e fenómeno di Chris, nan no ta buska drechi, i tur ta buska Chris pa drumi kuné. Anto bo sa bon bon ku Chris no ke esei. Chris ke algu spesial, anto e no ke niun muhé ku ke drumi kuné djis pa tèst su fenómeno. Pues lamentablemente mi no por mustra bo e potrèt akiriba. Loke si mi por konsehá bo hasi ta lesa e buki “Hink’é aden“. Mi no ta bisando ku eiden mi a pone e potrèt ku Naomi a manda pa mi, pasó si Chris haña sa, e lo rabia ku Naomi i Naomi lo rabia ku mi. Mi a simplemente rekomenda bo un bon buki. Nada menos i nada mas. Partikularmente kapítulo kuater, pagina 52 ta kontené un potrèt noh— lo bo gust’é. Hopi vitamina—òmbu, para ketu!

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.