Final di Miss Curaçao Teenager un bia mas a laga mi keda sin palabra!

Reading Time: 6 minutes

Ayera anochi den Curaçao Renaissance Hotel, mi a presensiá final di e sertámen Miss Curaçao Teenager 2018. E bia aki lo mi kontené mi mes i evitá di duna mi opinion pa motibu ku delaster bia mi a duna mi opinion, famianan a manda menasa ku yen kos pa mi via di Facebook. Mi tin basta enemigu kaba p’e kosnan ku mi sa skibi, i mi no mester di mas. Pues e bia aki, ta potrèt so lo mi pone. Lo mi no bisa nada, pa despues mi no tende ku ta ami ta negativo.

Un kos chikitu so lo mi bisa, esei ta ku e trato pa ku mi persona a kambia. E promé bia ku mi a bai un evento di IBFF, nan a risibí mi na porta i despues un kabayero bon bistí a hiba mi na mi stul. Tabata tin un stul reservá pa mi te dilanti, den un sekshon spesial. Mi a sinti mi great i spesial. Pero despues di e dia aki, tur kos a kambia. Nunka mas tabata tin un persona ku a hiba mi na mi stul. Defakto, no tabata tin a ni stul reservá pa mi. Un di e bianan ku mi a bai, asta pará mi mester a keda. Ayera na momentu ku mi a yega, tabata tin vários stul no okupá, pero un personal di seguridat a bisa mi ku ta stul reservá pa ‘Golden VIP’. Mi a keda wak e kara serio i puntr’é, “Por si akaso mi parse VIP Bròns òf algu asina?” Mi a keda diskutí 10 minüt largu kuné, te ku el a laga mi sinta riba e último stul ku a sobra den e sekshon di ‘Golden VIP’. Mi ta haña e kos ei un insulto masha grandi mes, pasó ami mester ta den sekshon Platinum mes. Mi tin ku papia serio ku Aubrey America tokante e kos aki, pasó despues di e promé bia, el a laga mi pa mi kuenta. E ta mané e hòmbernan ku ta trata bo nèchi pa logra haña bo den kama. Unabes nan haña bo den kama, ku nan a subi bo, kue bo i saka nan lechi riba bo, nan ta kla ku bo, i no ta preokupá nan kabes mas ku bo. Ami sigur no ta laga niun hòmber tuma mi hasi asina. Bo saka lechi riba mi un bia, i mi gusta, ta pa semper lo bo tin ku sigui saka lechi diki kayente riba mi. Mas aleu si lo mi no bisa nada mas.

Un kos chikí mas so lo mi bisa, esei un biaha mas ta orario. Puntualidat ta keda un reto pa nos kumpli kuné na Kòrsou aki. E evento (segun informashon ku mi a risibí riba e invitashon) mester a kuminsá shet’or di anochi. Ami a yega mitar di ocho i ainda e kos no a kuminsá. Tur hende sa ku mi ta fèrfelu eibanda, i mi no gusta warda. Mi a yega, kai sinta, hunga den mi telefòn, kontesta mi e-mailnan, veila mi uña, koba den mi nanishi saka kiriwichi, tira un kabes, lanta bèk i wak algun video di pòrno te ora ku e show a kuminsá. Esaki sigur ta algu ku mester traha riba dje. Maske kon bon organisá bo evento ta, si e kuminsá lat, e ta keda ta manera un hòmber bistí tur na flus pero ku un sapatu sushi tur na tera na su pia. Mas aleu si, ami ta sera mi boka. Mi no ta bisa nada di e organisashon, ni kos positivo, ni kos negativo.

Un kos so lo mi ke reklamá ta preguntanan ku e hurando tabata hasi na e partisipantenan. Mi ke men, nan ta mira ku e muchanan ta nèrvioso, i nan ta bin ku par di pregunta masha largu i difísil mes. Hopi bia mester a ripití e pregunta, di largu ku e ta. Tabata tin un shon ku a hasi un pregunta asina largu ku mi a sali bai keiru den Otrobanda i Punda bin bèk, i ora mi a yega bèk, ainda e shon no a kaba di hasi e pregunta. Mas ku klaro, e kandidata a pidi pa ripití e pregunta. Ora ku porfin ami a komprondé e pregunta, a ni mi mes no tabata sa kontesta riba e pregunta. Mi a subi Google i taip e pregunta i Google a bisa mi ‘Your question is too diffciult.’ Mi a saka mi i-Phone i hasi Siri e pregunta tambe, i Siri tampoko no tabata sa. Hopi abusador e huradonan ei ta. Tabata tin un ku a hasi pregunta di polítika, pone e kandidata bira mas blek ku Donald Trump riba esenario.

Mi ta haña ku preguntanan mas adekuá lo tabata, “Ken bo ta haña mas sèksi, Cristiano Ronaldo òf Lionel Messi?“òf un pregunta manera, “Kua buki di e outor Lion Spratt t’esun ku mas bo a gusta?”
Huradonan, tuma nota di esaki. Mas aleu si, ami no ta duna komentario ni opinion.

Ounke mi no por keda ketu riba e resultado si. For di un prinsipio mi a bisa e organisadornan ku si partisipante Chrissainy no gana, tin algu ku no ta bon ku e huradonan. Chrissainy a resultá promé finalista. Mi no konosé ni mi no ta su famia, pero ami simplemente sa ora ku un hende ta bon. Anto ami sigur no ta respetá desishon di hurado. E huradonan ei ta mesun pompadó ku e rèfrinan di FIFA. Ami ta haña ku ora nan a menshoná Chrissainy su nòmber komo promé finalista, e mester a tira su kurpa abou manera Neymar, kuminsá yora sapatia ku kos, i pidi pa nan bai wak e ‘video replay’. E huradonan ei no sa kiko nan tabata bezig kuné. Mi ta kere siguiente bia, ta ami mester forma parti di hurado. Pero mi so si, niun hende mas.

Mas aleu si, ami ta sera mi snùit. Nèt nèt nada mi no ta bisa, ku eksepshon di un rekordatorio ku mi bukinan, ‘Awa, Habon, ku Past’i Djente’ i ‘Hink’é aden’ ta na benta na Mensing’s Caminda. Lo bo gusta nan. Lo bo hari, te lubidá kon laf bo bida ta. Si bo no hari a ni un bia lesando e bukinan ei, lo mi duna bo bo sèn bèk. Nada mas mi no ta bisa.

Ang, un kos chikí so mas. Mi a tende ku otro aña e sertámen di Curacao Miss Teenager lo tin un tema Brasilero. P’esei mes mi ta keda ketu i no bisa nada, pa nan no keda sin invitá mi. Esei sigur lo bira kos di mira. Mi ta spera ku lo tin yen muhé tete afó ta baila samba, i par di hòmber bon dushi ku ‘six pack’ ku kos pa pone mi grita te kai flou.

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.