Mas ku mitar di e pueblo votadó Venezolano ayera NO a bai vota!

Reading Time: 3 minutes

Meskos ku na Kòrsou, hopi hende na Venezuela lo ta kere ku keda sin bai vota lo yuda trese kambio. Esei ta loke a sosodé ayera na Venezuela. Un kantidat grandi di persona a keda sin bai vota, kual a pone ku Nicolas Maduro a gana, derotando su oponentenan ku un porsentahe di diferensha di voto di mas haltu ku nunka un otro presidente a yega di gana. (Segun Maduro, nò ku e sifranan mes ta masha haltu.)


Aki mi ta pone e sifranan di e elekshon di ayera. Mi ta pone nan mas bien pasó ami ta interesá de nan. Mi ke keda ku nan pa rekuerdo, pa ora mi topa un ‘trago meisje’ i e bin yora den mi kabes ku kos ta malu na su pais, mi rekord’é ku el a keda sin bai vota, i esnan ku a bai vota a bolbe vota pa Maduro. Hopi bia nan ta bin yora den mi kabes manera kos ku ta ami tin ku saka nan for di pobresa. (Lesa e buki ‘Hink’é aden‘, bo ta komprondé kiko mi ke men.) Ban pa e sifranan:

Segun sifranan di Consejo Nacional Electoral de Venezuela, ayera un total un 18.6 mion persona  por a vota bai vota. Na 2013, e sifra aki tabata 18.9 mion.

Nicolas Maduro di e partido Union Sosialista di Venezuela  a risibí un total di 5.8 mion voto. (1.5 mion voto ménos ku na 2013.)
Henri Falcon di e partido Avanse Progresivo a risibí un total di 1.8 mion voto. (Teribel)
Javier Bertucci (Independiente) a risibí un total di 925 mil voto.
Reinaldo Quijada di Unidat Polítiko Popular 89 a risibí 34 mil voto. (Mi no sa kiko esaki a bai hasi mes.)

Demas oponentenan no a bai elekshon pa motibu ku nan ke a bòikotiá esaki. Nan tabata asta rabiá ku Falcon si a bai elekshon!

Porsentahe di e votadónan ku a bai vota ta 46.1% (Na 2013 esaki tabata 79.6%.) 53.9% di hende no a bai vota e aña aki. (Rekòrt mundial)

E motibunan di mayoria ku no a bai vota tabata entre otro “Maduro lo gana tòg”, “Nada lo no kambia, “Mi no ta kere ku tin demokrasia”, bla bla bla. Kasi meskos ku Kòrsou!

Joel González, 42, tabata un Chavista. Su salario mensual aktualmente ta ekivalente na 2 dòler. (A ni un kaha di kondon e hòmber aki no por kumpra.) Mayoria bia no tin kuminda na kas pa e i su famia. Na 2013 el a vota pa Maduro pasó Chavez a skohe Maduro komo su susesor. Según Gonzalez, esei tabata e fayo di mas grandi ku el a kometé, pasó awor e ta mas pober ku nunka. E aña aki el a skohe pa keda sin bai vota!

IMF ta pronostiká ku inflashon na Venezuela e aña aki lo yega 13000%, esun di mas haltu na mundu!

Venezolanonan ta huyendo na kantidat grandi pa otro paisnan manera Colombia i Brazil, pero tambe Aruba, Boneiru i Kòrsou!

Abrochense los cinturones people, que ahora viene la hora de la verdad!

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.