Un kantidat di bagamunderia den Festival di Tumba 2018!

Reading Time: 6 minutes

 Pa medio di e artíkulo aki mi ta bai ekspresá mi opinion riba hinter e evento i tambe resultado di Festival di Tumba 2018. Bo ta wèlkòm pa lesa, pero si bo ta bai duna komentario promé ku bo sa ken baina mi ta, mihó bo “hasi bo research” promé bo hasi bo mes ridíkulo. Mi sa di kiko mi ta papia!

Mi tin ku bisa un bia mas mi a keda hopi desapuntá den AMAK i resultado di festival di tumba. Pa di promé AMAK a ningami entrada komo media den Festival Center pasó nan di ku niun hende no konosé mi. Esei tabata palabranan di Giovani Atalita. Mi a keda masha straño pasó komo miembro di AMAK Giovani a hunga ròl ku e no konosé mi, pero ora ta temporada di elekshon si e ta manda yen komunikado di su partido pa mi publiká. Aparte di esei ta tur rònt nos sa bai Campo huntu. Unda a sali awó ku e no konosé mi?

Den Festival Center tabata tin un kantidat di fotógrafo ku tur loke nan tabata hasi ta saka potrèt di muhénan bunita ku sea tete grandi òf tete afó òf ku dòns diki ta marka. Si bo no ta kumpli n’e karakterístikanan aki, nan no ta saka bo potrèt. Delaster bia ku mi a chèk, e kos aki ta diskriminashon. Ademas di esaki mi a mira asina tantu muhé tete afo ku dado momento mi a kuminsa pensa ku no ta festival di tumba tin, sino festival di tete!

Esaki a asta kousa un pelea den ‘red carpet’ na momentu ku dos muhé tete afó tabata bringa ku otro ora ku esun tabata risibí mas atenshon ku e otro. T’e tipo di kosnan aki nos ke den nos festival di komposishon?

Otro kos mas ku mi a ripara ta ku hopi hende tabata tin Farley Lourens komo faborito. Mi ta puntra mi mes ku si bo ta hasi un ‘check-up’ promé ku bo skohe un faborito. Si Farley Lourens por a gana k’e tumba ei, e ora ei Harry Zimmerman tambe por resusitá fo’i morto, partisipá i bolbe gana ku Zjògòrògò!

Ami tabata tin Ray Lauffer komo Rei di Tumba, pero mas ku klaro, dor di e bagamunderianan rondó di e festival aki, e no a gana. Ray lo tabata e rei di tumba perfekto. Su tumba tabata dushi. Ray mes ta super dushi. Mi a imaginámi kaba kon e muhénan lo ta kita pènti ku brazièr tira riba dje ora e pasa den kaya band’i nan. Ami lo a kita mi bòkser tira riba dje. E ta ègt un papi. Dikon e no a gana, mi tin hopi gana di sa. Mi tin mi sospecho si.

Mi sospecho ta ku nan a laga Urvin Luwi Jano gana pa motibu di duele. Urvin Jano tabata tin un tumba ku letranan sumamente negativo. Pa di promé el a partisipá ku un banda ku yama Buleria di Aruba. Buleria ta sinónimo di bagamunderia. Pa di dos e tipifiká e papiá atrasá dje hóbennan di awendia: “Sende Sende ta”. Anto bo a skucha e letranan? E ta blo manda hende zuai ku laiter ku bela ku kos. Ta kandela e shon aki ke mira? Anto den Karnaval tin yen hende ta kana ku boka ta hole alkohòl. Bo pasa ku laiter òf bela banda di nan, ta desgrasia so bo ta kousa. E huradonan no ta wak e kosnan aki? Shonnan, e kos ki ta hole mi froude. Bo por a mira Manfred Feco Gomes kontentu riba esenario ku asina un saku di plaka grandi skondí bou di su kamisa. Paga nan a pag’é pa Urvin Jano gana.

Urvin Jano no a sali rei di tumba for di aña 1998. Nan mester a koron’é atrobe pasó nan tabatin duele di dje. Pero si ta pa duele ta koroná hende, mi ta kere un mihó hende pa koroná lo tabata Igmar La Reine. Promé ku bo pensa kos straño, ta pasó nunka e no a bisti e korona ainda no opstante ku e tin hopi aña ta partisipá ku hopi bon tumba. Tur kos el a purba. El a purba ku diferente kompositor i diferente banda. Te ainda e no a logra nada. Meskos ta konta pa Guershon Choni Nahr i tambe Gabriello Cuco Cruz. Nos no por sigui ta koroná e mesun hendenan tampoko tòg? Si nos ta pretendé di ta biba den un pais demokrátiko, nos mester duna chèns na otronan tambe.

Delaster kos ku mi ke a papia riba dje ta Boy Thode. Esaki pa ami ta otro froude. Bon tumbanan manera esun di ‘Cleopatra’ di Lady Su i ‘Balansa’ di Sharrel Denisia mester a keda afó p’a Boy Thode kai den premio? Mi no a pensa mes ku Boy Thode lo a klasifiká, te pa el a sali den premio. Mi ta sospechá tambe ku ta pa duele a hasi esaki. Si nos ta franko ku otro, Boy Thode su tumba por a klasifiká, si e lo a partisipá kuné den sea Tumba Hubenil òf Festival di Tumba di Boneiru. Ami lo a gosa Boy Thode mas tantu si e lo a kanta ‘Ayo Amor’ pone e muhénan pone man na nan pechu dor di emoshon i asina tambe tapa tur e tetenan ku tabata sali na televishon!

Si nos ke tin un festival di tumba kaminda pueblo tin ku respetá desishon di hurado, nos mester para ku e bagamunderianan aki. Papiando di bagamunderia, bo ta kere lo ta hipokresia si mi disidí promové mi buki ‘Hink’é Aden’ den e artíkulo aki? E lo ta hipokresia, pasó e buki tin potrètnan pió k’esnan ku mi a mira di Festival Center, anto pari historia pika manera peper i kayente mané karbon. Sikiera mi ta atvertí bo, promé ku bo bai les’é i haña bo ku ataka di kurason.

Coming Soon (Photo: Aymar Profas)

Shonnan, esaki tabata tur kos. Si bo a gusta mi artíkulo, lo mi apresiá bo sosten ku mi kampaña “Kontribuí ku 10 florin ku chèns di gana 100 florin”.

Si bo no a gusta mi artíkulo, anto e ora ei ki mishi bo ta lesa te ainda? Nad’i hasi bo no tin?

© Lion Spratt
Photo’s are courtesy of Soemanta Blog and ESO

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.