Bo horoskopo pa awe 8 di novèmber 2017 ku Astrólogo Lion Spratt!

Reading Time: 4 minutes

Nota: bo tin ku aplika e loke bo horoskopo ta bisa pa evita mala suerte eterno den bo bida. Ata bo horoskopo di awe.

Aries: Strès di trabou ta kansa bo. No laga nan manda riba bo. Ora bo shèf pidi bo hasi algu, dal e skòp den su atras. 847384945 ta bo number di suerte p’awe.

Tauro: Nèt awe ku bo ta sinti romántiko i apashoná, nèt awe nan lo kibra ku bo. Manera bo pareha bisa bo ku e tin algu di bisa bo, kibra kuné promé, i mand’é kaminda el a sali. Pa anochi lo bo haña un hende pa un “rebound sex”. 4545852 ta bo number di suerte p’awe.

Gemini: Bo ta bai risibí bishita awe di un hende hopi molestioso. E ta bai purba zür bo bida awe, yenando bo ku hopi kos negativo. No risibié. Manera e yega na bo porta di kas, lòs e kachónan riba dje. 7845952 ta bo number di suerte.

Cancer: Bo ta bai risibí un yamada di telefòn awe di un persona hopi kerí. E lo tin gana di wak bo. No duda. Drenta outo bo bai serka dje mesora. Ora bo yega serka dje, kita paña, bula riba dje, hèndel e mesora. Tene kuenta ku bo amistatnan lo no ke bo bai serka e persona aki, pasó nan kere pa nan mes. 69696969 ta bo number di suerte p’awe!

Leo: Purba na no pone atenshon na bo debenan. Ignorá nan pa henter e luna aki. Spat sèn manera loko. Disfrutá. Bo no sa ki dia ta bo dia. 85469876 ta bo number di suerte.

Virgo: Bo ta den un bon beis awe. Pero esaki lo no dura muchu largu. Lo bo bai risibí un notisia awe ku lo daña tur bo dia. Bo no por evitá e notisia aki, a ménos ku bo skohe pa sera bo kurpa di kamber i no papia ku niun hende. 2545666 ta bo number di suerte.

Libra: Bo tin hopi tempu sin bai misa. Ta kiko esei? Bo relashon ku Dios ta bayendo atras. Dediká poko tempu na señor. Por sierto, lo bo konosé un persona interesante awe den misa. No keda sin bai i kòrda duna ofrenda. 812356 ta bo number di suerte.

Scorpio: Ta hopi importante pa bo sèks mínimo kuater bia awe. Keda sin hasi esaki por nifiká ku nunka mas lo bo haña e oportunidat pa bolbe sèks atrobe. Buska ken ku ta pa yudabo si bo pareha no por òf si bo no tin. E mester ta kuater bia òf mas. Ménos ku esei lo ta eradiká bo bida seksual pa semper. 1022566 ta bo number di suerte p’awe.

Sagitario: Awe no ta bo dia. Awe tur kos lo bai kaba na malu. Si ami t’abo, lo mi no sali kas awe mes. Bèl trabou, bisa nan ku bo tin habriment’i barika òf ki’ ku ta. Si bo tribi sali kas awe…ayayai mi ta bisabo. Kos serio, keda kas. 715698 ta bo number di suerte p’awe.

Capricornio: Dikon bo ta sinta traha tantu plan asina? Bo no por plania bo bida. Biba bo bida. Sali, gosa, disfrutá. Pero no gasta niun depchi hinter e siman aki. A ni sikiera pa kumpra pan òf un bòter di awa. No saka a ni un sèn pretu for di bo pòtmòni, sino mala suerte pisá ta dal bo. 458875 ta bo number di suerte.

Aquario: Bo ta bai haña un but di 300 florin awe. No diskutí ni pleita ku e polis. Trat’é nèchi. Hende drechi bo ta. Tuma e but, bis’é danki i sigui bai. Despues di esei lo bo risibí un mas di 500 florin. Esei si bo no tin ku tum’é. Sali for di den outo, bo heringá pisá ku e polis te ora e mira ku no ta hende kèns bo ta.  45897236 ta bo number di suerte p’awe.

Piscis: Tin un beibi na kaminda. Sea bo ta na estado òf un hende ku bo a sèks kuné ta na estado. E beibi aki lo bai kibra bo relashon lamentablemente. Lo bo topa un otro hende si pa tene bo kontentu. Kòrda no uza kondon ora bo topa e persona aki, pasó kondon ta trese mala suerte pa bo. 589755 ta bo number di suerte p’awe!

 Suerte pa bosnan tur awe. Kòrda pasa kumpra e baño di awa blou awe pa kore ku spiritu malu.

Mi stima boso tur i kòrda hink’é aden!

© Lion Spratt

It's only fair to share...Print this pageEmail this to someoneShare on Google+Tweet about this on TwitterShare on Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV
Copy Protected by Chetan's WP-Copyprotect.