Konbin mi a haña rabia riba e fecha 10 Òktober!

Reading Time: 2 minutes

 E fecha 10 di òktober lo keda un dia memorabel p’ami. Mi ta kòrda 7 aña pasá, kon mi tabata tin nèt 10 florin den mi saku. Nan a primintí mi ku despues di e dia aki ku lo mi haña un Yaris nobo, kas nobo i bòshi kuminda den mi frishidèr. Mi di “hacht òmbu, ‘nami purba mi suerte”.

Mi a lanta mainta, kue tur e 10 florin bai kumpra number kuné. Mi a kumpra tur e sèn na e number 10. E dia ei tabata e dia ku m’a pèrdè tur kos. Pa mi por a kome e dia ei, mi mester a hasi kosnan ku nunka mi a pensa lo m’a hasi. E dia ei m’a  pèrdè mi virginidat, m’a pèrdè mi dignidat, m’a pèrdè mi humildat, pèrdè mi heteroseksualidat i kai den un promiskuidat. Mi parti íntimo a pèrdè su kalidat, efektividat, elastisidat, durabilidat, espesialidat, fidelidat i mi mes a keda sin niun klase di moralidat. Hopi hende no sa, pasó mi stòp ku tur honestidat. M’a pèrdè tur integridat i gañamentu a bira mi enfermedat kual a pone mi pèrdè mayoria amistat.

Esaki t’e úniko bèrdat, dje falsedat di kambio di Kòrsou su entidat.  Pero ya, awe nos tur lo selebrá e festividat aki ku hopi formalidat i familiaridat.

Si bo a ripara bon, mi a keda pegá den un kreatividat  aki ku den tur sinseridat tabata un inventividat djis pa mustra e kapasidat di mi abilidat pa krea un originalidat. Ounke e obra aki tin su seriedat, kisas abo lo hañ’e un hilaridat—ku tur probabilidat— pero di bèrdat mi a kansa kaba di e genialidat aki ku opviamente no tin infinidat. Kisas pa publisidat lo bo ke kompartié, pero djis tene kuenta ku e no bo kreatividat ni bo propiedat!

© Lion Spratt

Foto: Notisia Tres Seis Sinku

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Privacy Preference Center

Necessary

Advertising

Analytics

Other

Copy Protected by Chetan's WP-Copyprotect.