Tur loke bo mester sa di sèks anal!

Loke ántes tabata un tabú, awe ta algu masha komun i normal. Aunke pa sierto hende ainda e ta un tabú. Bon ya, pa sierto hende, tur kos ta un tabú. Te asta pupu ku pishimentu ta un tabú.

Anal sexPa sierto hendenan, sèks anal ta algu masha plasentero. Pa otro hende, nan ta konsiderá ku nan anus ta tráfiko di solamente un direkshon. Pa otro hende, nan ta bati riba pechu bisa ku nan no ta hasié, pero anochi si ta otro gai ta kanta, òf mihó bisa, nan buraku ta flùit!

Pa e hendenan ku ke eksperimentá sèks anal, kòrda tene kuenta ku lo siguiente:

Bo tin ku uza hopi lubrikante.
Vagina di hende muhé ta span plùs lubrika su mes. E ta trahá pa tuma pénis, pues e ta adaptá masha bon mes. Anus si no. Anus ta trahá pa otro kos, pero algun hende ku tabata kurioso, òf pa via di un aksidente, lo a hinka un pénis den anus di un otro persona. Mi no por bisa bo si nan a sinti dushi òf doló. Pero si bo ke pa sèks anal ta plasentero i no doloroso, bo tin ku uza hopi lubrikante. Basha zeta den e anus mané kos ku ta batata bo ke hasa eiden.

Ta importante tambe pa bo pareha ta hopi relahá pa asina e múskulonan rondó di e anus rilèks. Bo ta kuminsá karisia e anus, despues hinka un dede aden wak si bo pareha gust’é. Si e gust’é, bo por kuminsá hinka bo pénis aden.

Bo tin ku kuminsá hopi slou. Tin hopi hòmber ta wak pòrno, òf ta mi n’ sa ta ken a gaña nan ko’i kèns, i mesora nan ta kuminsá bati kibra. Prinsipalmente ku sèks anal bo mester kuminsá hopi slou, sino e ta bai hasi doló. Despues di tempu e anus ta bin kustumbrá, i asina bo por disfrutá mas di dje.

Bo tin kara fis trahá aworakí?
Tin hende ta kere ku sèks anal ta fis. Pa mi ta honesto, mi tambe. Pero ya, tin hende gusta kos fis. Ta importante pa bo pareha bai baño promé ku e akto. Pa di promé pa e saka tur sushi ku por tin aden, anto pa di dos, pa e dal eitras ku un tiki awa ku habon, pa kita kualke sushi ku kisas e no a limpia bon. Uso di enemas (kualke líkido pa limpia tripa) no ta nesesario.

Malu malu bo por hasi e sèks anal den baño. Tene kuenta si ku si bo skohe pa hasié den baño bo tin ku uza lubrikante di zeta, i no lubrikante ku base di awa.

Ta kiko presis nan gusta ku e sèks anal ei anto?
Pa e hende hòmber, sèks anal ta plasentero pasó di e forma ei su prostat ta risibí hopi atenshon. Prostat ta un glándula chikí ku ta den e rekto (rectum) di un hende hòmber, i e ta produsí un líkido pa nutrishon i protekshon di e spèrma.

Stimulashon di e prostat aki ta duna e hòmber un orgasmo hopi mas intenso. Dor ku e anus ta mas pèrtá ku e vagina, e ta duna un mihó sensashon pa e hòmber ku ta hasi e penetrashon anal.

Pa hende muhé sèks anal tambe por ta plasentero debí ku den e anus tin hopi terminashon di nervionan, ku ta hasi e anus hopi sensibel. Stimulashon den e área aki por kousa un sensashon agradabel i orgasmonan intenso. Hende hòmber tambe tin e nervionan aki, pues defakto sèks anal ta dòbel plaser pa e hòmber.

Durante e muhé su regla, sèks anal por ta un solushon, pa evitá ku e hòmber ta bira loko.

Anal sex 2

Tene kuenta ku malesanan seksualmente transmití.
Por lo general ta mas fásil pega ku un malesa seksualmente transmití via di sèks anal. Esaki ta debí ku e anus no ta lubrika su mes, pues ta hopi mas fásil ku dor di e frikshon, por surgi un kòrtá den e anus. Via di e kòrtá aki vírusnan manera HIV por drenta bo kurpa fásilmente. P’esei ta importante pa bo uza kondon ora di sèks anal.

Tampoko no ta rekomendabel pa hinka e pénis den e vagina djis despues di sèks anal. Manera ku bo kaba ku sèks anal, kambia e kondon i laba e pénis bon, (òf kualke otro artefakto ku bo a uza).

Bakterianan ku ta biba rondó di anus tin hopi chèns di kousa infekshonnan vaginal. (Anto tin hende ta hasi ATM?…..Tja!)

Nota: Si bo kier sa ku ATM ta nifiká Apstené Te Matrimonio, ta paso bo ta “outdated”. Lesa e artíkulo “Terminologianan seksual ku bo mester sa pa 2015” pa bo ta mas “up to date” k’e kosnan.

Sèks anal no tin nada di haber ku homoseksualidat.
Hopi hende (hòmber) ta kere ku pasó un hende gusta sèks anal, ta nifiká ku e ta homoseksual. Awó si ta asina un hende muhé gusta sèks anal, kiko esei ta e ora ei?

Homoseksual ta nifiká ku bo tin atrakshon pa un hende di bo mesun sekso. Awó mas ku klaro, ku si bo ta di e sekso maskulino, i bo gusta un hende di sekso maskulino tambe, bosnan lo bai tene sèks anal. Pa e motibu ei, hende ta afilia sèks anal ku homoseksualidat.

Pero tin hòmber ku ta heteroseksual, pues nan no ta sinti atrakshon pa hende di nan mesun sekso, pero nan stima hinka kos den nan atras, por ehèmpel dede, doló falsu, “beads”, vibrator, banana, kònkòmber, bòter di pòp, tèrmu, blek’i flit, pipa di Aqualectra òf kualke otro kos.

No ta kos pa tene bèrgwensa di dje. Sèks ta algu dushi i kada ken ke hasi òf eksperimentá otro kos. Tin hende hòmber tin bèrgwensa pa pidi nan kasá pa hasi sèks anal. Tin hende muhé kier sa ku paso e hòmber gusta sèks anal, esei ta hasié homoseksual.

Esei ta pone ku e hòmber ta bai Campo Alegre por ehèmpel, i pidi un prostituta pa duna i/òf tuma sèks anal kuné. Tin asta hòmbernan ku ta bai serka e homoseksualnan pa hasi sèks anal. E hòmbernan aki si bo tin ku wak nan bon. Paso e homoseksualnan si ta dunanan ko’i bebe ku “blijfhier” den dje. Ta p’esei nan ta bisa…..un bia purbá, semper gustá!

Chekeo Médiko.
Meskos ku prostat ta kousa plaser, e por kousa doló tambe. Kanser na prostat ta e kanser ku mas ta afektá hende hòmber, prinsipalmente e hòmber di kolo.

Tin hopi hòmber tin miedu di bai dòkter, pa 3 motibu. E dòkter lo tin ku hinka un dede den su anus pa chèk e prostat. Esaki ta pone ku sea e hòmber tin miedu ku e lo hasi doló, òf ku e lo gusta i pone duda den su preferensha seksual, òf e tin miedu ku e dòkter lo ripara ku e tin kustumber di hasi sèks anal.

Manera mi a menshoná kaba, si bo gusta sèks anal, no tin nada di haber ku bo preferensha seksual. Den un tèst di prostat, konosí komo Digital Rectum Examination (DRE), e dòkter lo uza lubrikashon. Si ta bo promé bia, kisas e por ta inkonfortabel, paso e dòkter no ta pone músika relahante, ni pone lus di bela, ni karisia bo anus promé ku e pusha su dede aden. Dòkternan no ta masha romántiko.

Si bo ke sa kon e tèst di prostat ta bai, chèk e dokumento aki.
(Si bo tin miedu ku e DRE lo ta inkonfortabel, probablemente e dokumento lo no kita bo miedu. En todo kaso e no a kita di mi.)

Religion
Mi tin sigur ku tin hende ku ta bisa ku Dios no ke pa bo tene sèks anal. Un kaminda den beibel lo mester tin e kos ei skibi. Mi no ta diskutí esei.

Úniko pregunta ku mi tin ta: dikon Dios a duna hende hòmber prostat, ku ora bo stimul’é, e ta intensivá e orgasmo, anto ku úniko manera pa bo yega na dje ta via di e anus? Ami lo a pone e prostat na mi frenta por ehèmpel.

Por último….artíkulonan riba CuckooPress ta pa bo lesa, i kompartí ku bo amigunan. No ta pa bo “Copy Paste” pone riba bo muraya di Facebook, anto buska atenshon kuné. Komportá bo manera hende grandi!

Si bo a gusta e artíkulo aki bo no por keda sin lesa mi bukinan Kibra Hacha i Awa, Habon ku Past’i Djente. Buska dibo na Mensing’s Caminda awe mes. Keda pendiente tambe pa Niun Pataka, ku lo bai sorprendé hopi hende ku informashonnan hopi balioso!

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.