Siña algun kos interesante di e órgano seksual femenino!

Reading Time: 9 minutes

 Mi a baha man n’e tipo di artíkulonan aki, debí ku tin hopi hende ku falta di atenshon òf frustrashon seksual, ku ta sinti nan atraé solamente n’e tópikonan seksual ku mi skibi i publiká, i e sobrá artíkulonan nan no ta lesa. Esei ta pone ku nan ta krea e persepshon ku CuckooPress ta un página ku mayoria di su kontenido ta unu seksual, siendo ku esei no ta bèrdat, anto mi no gusta e persepshon robes ei tampoko. Mi ta skibi di tur kos un poko, for di artíkulonan ku tin di haber ku klima, naturalesa, eventonan mundial edukashonal i esaki ta ekstendé bai te na artíkulonan edukativo seksual. Si abo ta lesa esnan seksual so, esei ta bisa mas di bo, ku e ta bisa di mi. Por fabor, no bin krea persepshon robes di mi página i mi persona pa motibu ku bo nesesidat ta solamente krea interes den tópikonan seksual pa bo lesa i krea plaser pa baha kualke frustrashon seksual ku bo tin. No benta e ko’i riba mi…..

Bon, awor ku esei ta bon kla nos por sigui…..

Hopi hende ta klasifiká e órgano seksual femenino komo e kos ku ta manda mundu. Simplemente pasó hopi hòmber (esnan heteroseksual) no por sin dje. Nan lo paga p’e, yora pa hañ’é, roga pa por uz’é i lo asta violá lei pa nan por sintié.

Pero kuantu kos di bèrdat bo sa di vagina? Yen muhé ta kana bai bin ariba abou ku un kos mei mei di nan pia ku nan no konosé. Tin di nan tin asta sinti nan inkómodo pa hunga kuné. Tin hende no ta ni dediká tempu na dje, siendo ku tin hende hòmber akifó ta loko pa por karisi’é.

Den ‘Kibra Hacha‘ mi a konta algun kos interesante di e órgano seksual maskulino, awor nos ta bai dediká tempu pa konta algun kos interesante di e órgano seksual femenino.

 1. Tur ta sinti meskos
Hende hòmber lo uza tur strategia pa por logra haña bo vagina, entre otro bisa bo ku bo vagina ta mas dushi ku di otro, mas kayente ku di otro, mas karni mas dushi èts. Tur vagina ta diferente físikamente, pero na momentu ku e pénis ta aden, ami nunka a sinti niun diferensha. Mi a papia ku otro hòmbernan, i algun di nan tampoko no ta sinti niun diferensha pero otro si ta sinti diferensha den sentido ku un vagina ta mas pèrtá k’e otro. Den kaya bo ta tende “mas pèrtá, mas mihó” Ami en todo kaso no ta di akuerdo ku esei. Den mi eksperensia nunka m’a topa ku un vagina demasiado di span tampoko. Awor, nan a yeg’i bisami ku si bo tin pénis chikí òf pénis smal, e ora ei si lo bo sinti diferensha. Kisas ta p’esei ami nunka a sinti niun diferensha. Ami lo tin pénis “family size”. E diferensha ta sinta, i loke ta dikta ku si e sèks ta bon òf nò, ta e moveshon i keñamentu di e muhé. Segun e hòmbernan di mas puto na Kòrsou ku mi a papia kuné, nan tampoko no a sinti niun diferensha den tur e vaginanan ku nan a yeg’i bishitá.

Pa ku aparensha físiko si tin hopi diferensha, i tambe holó. Tin vagina ta hole mas dushi ku otro, anto tin hende su vagina ta saka un holó’i karko ku tabata tin tres luna será den bleki saldinchi. Djaleu bo ta sinti e ko’i ta hole stinki!

2.Vagina tin múskulo
Tur vagina tin múskulonan ku por bira suak. Nan ta yama e múskulonan aki ‘pelvic floor muscles’. Un muhé mester hasi ‘kegel exercises’ pa asina yuda sostené e flur pélviko (bekkenbodem).  E motibu ku ta hasi e múskulonan suak por ta diferente entre otro dor di no train nan òf train nan di mas i tambe edat. Na momentu ku e ta suak, e muhé por hañ’é ku problema di no por wanta urina, problema pa hasi su blas di urina bashí, problema pa saka bientu èts. Nan ta bende un asina yama ‘Ben Wah Balls’ pa bo train e múskulonan aki.

Edat por hasi e múskulonan aki suak i tambe muhénan ku ta haña yu un tras di otro, prinsipalmente na un edat yòn, debí ku esaki no ta duna e múskulonan chèns pa sera bèk.

Tin hende hòmber gusta muhé ku supuestamente tin un vagina bon pèrtá. Si bo ta bezig ta sèks ku un muhé, i su vagina ta pèrta, ta nifiká ku sea e muhé no ta masha interesá seksualmente den bo, òf e no ta kompletamente relahá i/òf eksitá. Eksitashon seksual ta hasi e vagina ménos pèrtá. Un muhé bon speshá no mester ta pèrtá. Tin muhé ta asina pèrtá ku nan vagina por dal sera i lòk e pénis aden. Algu ku nan ta yama ‘vaginismus’. Si bo gusta vagina pèrtá, kisas lo bo ke tèst esaki. Lo bo grita di doló si, pasó e vagina ta kue bo pénis sera pió ku ‘ratteval’!

3. Kabei na vagina
Lo bo topa yen kos skibí yen kaminda, pero pa sierto hòmber ta totalmente inaseptabel ku un muhé no ta feita. Aparentemente tin hòmber si gusta yag den un vagina tur na yerba bringamosa. Kabeinan di vagina ta krese pa solamente tres siman. Despues di esei nan no ta krese mas. Kabei na vagina por yuda trese mal holó, pues pa ami, muhénan ku no ta feita ta simplemente porko!

4. E ta limpia su mes
Un vagina tin un sistema outomátiko di limpia su mes. E tin mikro-organismonan ku ta protehé kontra mikrobionan peligroso. P’esei dòkternan ta deskonsehá bo pa uza habon òf otro produktonan pa laba vagina. E produktonan por trese desbalanse den e mikro-organismonan kual por kousa infekshon i deskarganan apnormal. Na momentu ku un vagina ta hole stinki, no ta sushi e ta. Ta kualke infekshon òf malesa straño e muhé tin. Keda leu!

Ginekólogonan ta bisa ku tin maneranan ku bo por limpia bo vagina pa evitá mal holó, entre otro uza ‘baby wipes’ na lugá di papel di wc, eliminá kabei na vagina, bebe ‘cranberry juice’, kana sin panty ratu ratu òf evitá di bisti panty di katuna, i kome salú (fruta, bèrdura èts.)

Kòfi, alkohòl, siboyo, asparagus, i konofló ta kambia holó di bo vagina.

 5. E no ta un pos sin fondo
Un vagina no ta manera un pos sin fondo. E úniko kos ku por pèrdè den bo vagina ta spèrma. Te bestianan aki so por drenta e entrada di e matris pa kousa baina manera embaraso. Nada otro no por pèrdè den e vagina. Ni tampon, ni kondon ni nada. Aunke tin hòmbernan ta bisa ku nan a yeg’i pèrdè nan kas, outo i tur nan pertinensianan den vagina di nan èks kasá!

 6 . Alergia pa spèrma
Tin muhé por ta alèrgiko pa spèrma. Esaki ta un kondishon poko komun konosí komo ‘human seminal plasma protein hypersensitivity’. Den mayoria kaso e muhé ta sinti grawatashi i inflamashon despues di sèks. Den kasonan ekstremo e por kousa morto!

7. Vagina tambe por kai
Meskos ku tete di hende muhé ta kai, nan vagina tambe por kai, bira tur lèbè lèbè straño. E kousanan por ta edat, dunament’i lus, kambionan hormonal i genétika. Bo por evitá esaki dor di hasi ehersisionan di ‘kegel’, mantené bo peso ideal, i evitá di huma.

8. Dikon mi vagina ta puya?
Hopi hende muhé kiersa ku mi ta eksperto den vagina òf algu asina i nan ta puntrami dikon nan vagina ta saka un zonido puya durante sèks. Ami no tabata sa mes ku e kos ei ta eksistí, pasó ami nunka no a eksperensia, òf mi no ta kòrda nunka ku mi a eksperensia algu asina. Despues di a investigá, mi a bin haña sa ku ta posibel ku e vagina por saka un zonido durante sèks. Nan ta yama esaki ‘vaginal fart’ òf ‘queef’. Esaki ta totalmente diferente fo’i gas ku hende ta saka for di nan rectum (anus). Ta posibel ku por tin airu den e vagina, dor ku e vagina no ta lizu manera un tubu. Durante sèks ora ku e pénis ta keda drenta sali, e por pusha airu saka for di e vagina. No ta kos ku bo por evitá, ni tampoko kos ku bo tin ku wòri kuné. Atrobe, ami no ta kòrda ku mi a eksperensia esei nunka.

Hopi muhé tin bèrgwensa di esaki, i ta purba na evit’e, anto ami no ta ni komprondé. Na momentu ku un muhé ta kompletamente pèrdí den e akto seksual, e mester ta bezig ta gritando, koba mama, i bati riba e hòmber su pechu manera un ‘Silverback Gorilla’. E no mester ta poniendo atenshon na ki zonido su vagina por saka. Kisas ta p’esei ami no a yeg’i eksperensi’é nunka. Ami ta pone atenshon n’e gritunan i bochincha ku ami i e muhé ta hasi, i no ku si e vagina ta sakando bientu òf laga.

9. Nòmber di kariño
Riba mi muraya di Facebook mi a puntra ki nòmber di kariño e hendenan tin pa nan vagina. M’a tende diferente nòmber artístiko manera: Sulva, Doornroosje, Fita, Nunu, Katja, Hoñhoñ, Pumpum, Chócho., Blònchi, Nunchi, Konènè, Coco, Misipoes, Cosita Rica, Popola, Cuchi, Dòns, Poes, Punani, i Nuni Nuni.

10. Diferente manera di bin?
Semper bo a tende ku hende muhé por bin diferente bia. Nan ta bisa ku un muhé por tin orgasmo vaginal i orgasmo di klitoris, sinembargo otro hende ta bisa ku ta un tipo di orgasmo hende muhé tin. Ami no ta hende muhé, pues mi no sa. Mi por bisa si ku yen hende muhé ta hasi kosnan diferente ora nan bin, pero si mi puntra nan kiko nan a sinti, mi no ta presis keda kla tampoko.

Loke si mi sa ta ku un muhé por bin i saka un kantidat limitá di líkido, kual ta djis yuda hasi e vagina mas muhá (tin bia), òf un muhé por spùit, loke nan ta yama ‘squirt’. Tur muhé tin abilidat pa hasi esaki sinembargo tin muhé lo muri sin nunka eksperensia esaki. Ora un muhé spùit, probablemente e lo por paga un kas ku ta na kandela. E ta saka un líkido sin holó ku por laga bo kere ku ta urina pero e no ta. (Tin hende ta keda pretendé ku e ta urina, i tin tiki investigashon hasí riba esaki, pero último investigashon ta bisa ku e líkido por kontené urina, pero e no ta urina.) Nan ta bisa ku e ta sin holó, pero e tin holó. E ta tin un holó fresku asina, anto e por bira pèkè pèkè tambe. Ora e sali e ta kayente sufisiente ku bo por traha un kòpi di te òf kòfi kuné, anto si bo hasié riba bo kama, p’e dia ei lo bo tin ku drumi abou! Mayoria muhé mester ta hopi relahá i konfortabel pa por logra spùit, ounke otronan ta kana spùit pa loko.

Mi ta spera ku bo a siña algu nobo tokante e órgano seksual femenino. Si bo ke siña algu nobo di esun maskulino, chek mi buki ‘Kibra Hacha’ i si bo ke bira hopi mas sabi di loke bo ta awe, chèk esun ‘Niun Pátaka‘. Ta yen kos interesante te tin den nan ku lo bo gusta sigur!

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article hold copyright by their respective authors. I’m not the owner nor do I hold copyright on these images. I just needed the image for illustration.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.