‘Supermoon’ djaluna awó: un evento selestial super spesial!

Reading Time: 7 minutes

 Meskos ku 11/9 lo bira un fecha memorabel pa hinter mundu (fecha ku Donald Trump a gana elekshonnan presidensial na Merka), asina 11/14 tambe lo mester ta un fecha memorabel pa bo. Kisas lo bo tin gana di pidi bo frei p’e kasa ku bo e dia aki. Kisas lo bo ke hasi èkstra intento pa sali na estado riba e fecha aki. Kisas lo bo ke asta subi un balansa pa promé bia despues di hopi tempu i pisa bo mes riba e fecha aki. Dikon?

Djaluna awó (Dia di Luna, djis pa un koinsidensia), 14 di Novèmber lo tin luna yen. Esaki riba su mes no ta nada apnormal. Tur luna tin un luna yen. Pero kisas lo bo tin gana di kumpra e numbernan 1114 òf 1214 òf tur dos, ya komo Desèmber tambe lo tin un luna yen riba dia 14 tambe.

Kiko tin di spesial ku e luna yen riba 14 di Novèmber?
Manera mi a menshoná den e buki ‘Niun Pátaka, mi no ta astrónomo, pues no spera ku mi ta komprondé tur kos ku ta pasa den universo. Mi ta djis sigui algun evento selestial, pasó mi ta haña nan ta fasinante. Si abo no ta haña nan fasinante, probablemente ta pa motibu ku bo lo ta muchu okupá ku redu di ken ta frei ken, ken ta kòrta orea ku ken, ken a kue ken, ken a operá chanchan ku tete k’e tipo di kosnan ei.

E luna yen di Novèmber 2016 lo ta un ‘Supermoon’ kual ta nifiká ku lo tin dos evento lunar sosodiendo riba e mesun dia. Ora tin Supermoon ta ora tin luna yen riba e mesun dia ku luna lo ta mas serka di mundu den su órbita elíptiko. (Den mi buki ‘Kibra Hacha‘ mi a papia di tur e planetanan plùs luna den nos sistema solar. Si bo a lesa buki, lo bo por imaginá fásilmente loke mi ta papiando di dje aki.)

E aña aki nos tin tres Supermoon. E promé a pasa kaba i el a sosodé djadumingu 18 di òktober. E di dos lo bai sosodé mañan djaluna 14 di Novèmber, i e último lo sosodé  djárason 14 di Desèmber.

E Supermoon di Novèmber aki lo bai ta un ‘Extra Supermoon’ ya komo ku luna lo bai ta mas serka di mundu for di e último bia ku esaki a sosodé na aña 1948 (68 aña pasá). Esaki lo no sosodé atrobe te 25 Novèmber 2034. (Algun di nos lo no ta na bida aki 18 aña, pues mi ta rekomendá pa hasi esfuerso wak esun di 14 di Novèmber.)

Ya komo ku luna lo ta hopi serka di mundu, abo lo tin chèns (si bo tin bon wowo) pa mira luna 14% mas grandi di loke bo sa mir’é normalmente i 30% mas briante. (Esaki ta spesialmente p’e hendenan ku gusta sinta wak luna i sinti nan kompletamente enamorá di e luna. Pues mi ta skibiendo e artíkulo aki spesialmente pa bo. Mi no ta spera nada a kambio, ounke un “Danki p’e informashon” lo no pone mi rabia :D)

supermoon-2Luna ta sòru pa forsa di gravedat riba mundu. Konsekuentemente, mas serka e ta di nos, mas fofo bo peso lo ta riba mundu. (Mi ta bisa bo esaki pa bo sinti bo bon, pero si ègt bo bai subi un balansa i pisa, lo bo keda desepshoná ya komo ku lo bo no mira niun diferensha, pues mihó bo lag’é te na un imaginashon.)

E nòmber tékniko pa un Supermoon ta ‘Perigee-Syzygy’ i ora luna ta mas leu for di mundu, nan ta yam’é ‘Apogee-Syzygy’. E nòmber ‘Supermoon’ no ta un término konosí den astronomia, sino mas bien nòmber ku astrólogonan ta uza. (Lesa ‘Niun Pátaka’ pa bo sa e diferensia i tambe hinter e labatiba di efektonan ku eventonan selestial tin riba komportashon di hende. Lo bo keda totalmente asombrá.) Pero ta e nòmber ‘Supermoon’ ta esun ku a pega, meskos ku hinter e asuntu di signo Zodiak ku tur hende ta loko kuné! (Mi ta spera nan sa ku e kos ei ta tumament’i hende hasi…..lesa ‘Niun Pátaka’!)

Luna yen ta un di e fasenan lunar kaminda ku nos for di mundu por mira luna kompletamente iluminá dor di solo sin ku tin sombra di mundu ta tapa esaki. (Pa esnan ku no sa, luna no tin lus. Ta lus di solo ta reflehá riba esaki).

supermoon-3E Perigree ku Apogee ta e ladonan di luna su órbita. E lado Perigree ta esun mas serka di mundu, i e lado Apogee ta esun mas leu di mundu. Chèk e potrèt akibou:

perigreeDen un Supermoon e lado Perigree lo ta kasi 50 mil kilometer mas serka di mundu. (Djaluna 14 di Novèmber alrededor di 7 AM, distansia di mundu for di e sentro di luna lo ta 356,509 kilometer. Dos siman pasá luna tabata mas leu for di mundu ku un distansia di 406.662 kilometer entre mundu i luna).

E nòmber ‘Syzygy’ ta básikamente ora ku tres opheto selestial ta forma un liña nechi tras di otro.

supermoon-4Ora hinter e labatiba aki sosodé, pues luna i mundu forma un liña tras di otro (ku mundu mei mei di nan),  i e luna ta na e lado Perigree di su órbita rondó di mundu, nos lo mira luna mas grandi i briante ku nòrmal i e kos aki nan ta yama ‘Perigree-Syzygy’, òf mas bien ‘Supermoon’. (Si bo no a komprondé nada, anto e ora ei mi no por yuda bo. M’a bisa bo ku mi no ta un astrónomo! Ta kiko mas bo ke mi splika bo?)

Un Supermoon ta un evento komun. Manera mi a bisa ariba kaba, e aña aki so nos lo tin tres. Sinembargo esun di Novèmber 14 aki lo bai ta esun di mas serka di mundu despues di 68 aña. E motibu di esaki tin di haber ku e echo ku tin tres evento astronómiko ta sosodé pareu, esta luna yen, Perigee lunar i Perihelion kual ta posishon di mundu den e lado di su órbita kaminda e lo ta mas serka di solo. (Si bo no a komprondé esaki tampoko, simplemente laga numa. Djis sali pafó mañan mainta òf anochi, i tira bista riba e luna.)

Dependé na unda bo ta, lo bo por mira algu ku nan ta yama ‘moon ilusion’, pues lo bo por mira luna manera kos ku e ta hopi serka. Si bo ta mirando e luna for di un lugá kaminda e luna lo ta mas serka di horizonte lo bo por mira algu sumamente espektakular manera algu asin’aki:

super-moon-illusionBo por purba hasi esaki riba brùg Juliana òf seru di Fort Nassau. Si bo ta bai probechá tira palu mesora riba Fort Nassau, yama mi pa mi bin wak. Si bo ta bai probechá pa bai bula for di brùg si….NO yama mi!

Bo por chèk e evento aki tantu djadumingu anochi 13 di Novèmber, Djaluna mainta 14 di Novèmber alrededor di 7or am i Djaluna anochi!

Mi ta spera di por a siña bo algu nobo i ku bo tin algu interesante pa hasi djaluna awó 14 di Novèmber enbes di sinta hasi redu di Facebook i whatsapp!

Source: Science Alert, Space.com

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article hold copyright by their respective authors. I’m not the owner nor do I hold copyright on these images. I just needed the image for illustration.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.