Awe ta dia di hal’é, sakudié i batié ke man robes!

 For di aña 1997 e instituto ‘Lefthanders international’ a deklará 13 di ougùstùs  dia internashonal di hendenan man robes. E intenshon di e dia aki ta pa hasi hende konsiente di e inkumbiniensia i retonan ku personanan man robes ta enfrentá diariamente den un mundu kaminda hendenan man drechi ta predominante.

Entre 7 pa 10% di poblashon di mundu ta man robes. Hopi bia mi ta uza nan komo ehèmpel pa splika kon introvershon ta wòrdu mirá den un mundu kaminda personanan ekstroverti ta predominante i tambe kon homoseksualidat ta wòrdu mirá den un mundu kaminda heteroseksualidat ta predominante.

Míles di hende ku ta man robes tin ku adaptá nan mes na diferente kos diariamente pasó e mundu práktikamente no ta tene kuenta ku nan.

Pa un hende ku ta man robes, probablemente e ta sinti ku mundu ta un lugá ku no ta trat’é di forma hustu. Tabatin un tempu ku maestronan di skol no tabata na altura ku tin hende ku ta nase man robes, pues tur mucha ku no por a skibi i/òf kome ku man drechi tabata haña sla riba nan man robes ku linial, pa fòrsanan skibi ku man drechi. Bo mes por komprondé kuantu trouma esaki tabata kousa den e muchanan ku simplemente no por dominá nan man drechi. Na sierto partinan di mundu te ainda esaki ta e kaso. Asta e nòmber na papiamentu ta indiká bo ku e man robes ta esun inkorekto (robes) i esun drechi ta esun korekto.

Loke ta pone ku un persona ta man drechi òf man robes ta simplemente biológiko, pues e ta den e persona su gene. Sientífikonan no sa e motibu presis, pero tin un teoria rondó di esaki. Un hende su mente ta partí den dos hemisferio, i normalmente e hemisferio drechi ta kontrolá bo banda robes di kurpa, i bo hemisferio robes ta kontrolá bo banda drechi di kurpa.  Evolushon natural di hende a selektá  ku e órgano ku ta duna hende abilidat pa papia i desaroyá idioma ta sinta den e banda robes di seleber, i e gene ku ta kontrolá bo dominio di man i pia kual nan ta yama “D-Gene” tambe ta sinta den e banda robes di seleber, por lo tantu un persona asina lo bira ‘man drechi’. Personanan ku ta man robes tin un kondishon ku yama ‘situs inversus’ i esaki ta afektá 1 den kada 20 mil persona. Esaki ta nifiká ku e persona aki tin un órgano den su seleber ku ta sinta n’e banda kontrali kompará ku otro personanan. E personanan aki no tin ‘D-gene’ sino ‘C-Gene’ kual ta duna e persona aki 50% chèns di ta man drechi, 50% chèns di ta man robes.

Personanan ku ta man robes tin un ‘corpus callosum’ 11% mas diki kompará ku personanan ku ta man drechi. (Si bo a lesa ‘Niun Pátaka’, lo bo sa kiko ta Corpos Callosum i kiko ta su funshon.) Esaki ta algu ku personanan man robes tin ku ami sigur ta yalurs ku nan tin’e i ami nò!

Komo ku e kantidat di personanan man robes ta asina tiki, e personanan aki tin un bentaha den deporte. Den baseball por ehèmpel, un batidó robes tin mas bentaha kompará ku un batidó drechi, pa motibu ku e batidó robes den su karera lo a enfrentá un kantidat di pitcher drechi, pues e tin mas eksperensia kontra nan. Pero e pitcher drechi si no a yeg’i enfrentá asina tantu batidó robes simplemente pasó e kantidat di hendenan ku ta bati robes ta ménos. Meskos e pitcher man robes (slengu) tin bentaha riba batidónan man drechi. Den bòkseo ta meskos i tur sobrá deporte. Aparte di esaki, e personanan ku ta man robes nan seleber lo a eksperensia mas plastisidat (adaptashon) pa motibu di ta biba den un mundu ku ta trahá pa esun man drechi. Pues e persona man robes tin mané mas abilidat kompará ku esun ku ta man drechi.

Algun punto interesante pa bo sa di personanan man robes:

1. Mas o ménos 10% di poblashon di mundu ta man robes.

2. Algun personanan famoso ku ta man robes ta inkluí Napoleon Bonaparte, Leonardo Da Vinci, Albert Einstein, Isaac Newton, Oprah Winfrey, Hugo Chavez, Bill Gates, Barack Obama i Jimi Hendrix.

3. 40% di personanan ku tin Schizophrenia ta man robes. Esaki tòg ta remarkabel mirando ku tòg nan tin un ‘corpus callosum’ mas diki. (Si bo no ta komprondé e relashon entre ‘corpus callosum’ i Schizophrenia, ta pasó bo no a lesa ‘Niun Pataka‘ ainda!)

4. Hendenan man drechi tin tendensia di kou kuminda na nan banda drechi, i hendenan man robes tin tendensia di kou kuminda na nan banda robes. Ora di krusa man tambe, e persona man drechi tin tendensia di pone su man drechi ariba, i esun man robes tin tendensia di pone su man robes ariba.

5. Mas ku 2500 persona man robes ta muri tur aña a konsekuensha di a uza mashinnan ku ta trahá pa hende man drechi.

6. Personanan man robes por promedio ta muri 3 aña promé ku personanan man drechi.

7. Personanan ku IQ riba 140 tin mas tendensia di ta man robes, manera Albert Einstein.

8. Beibinan ku nase promé ku tempu tin mas tendensia di ta man robes.

9. Personanan homoseksual tin 40% chèns di ta man robes. (Por sierto, un persona man robes, homoseksual i riba dje introvèrt, ta sinti ku mundu ta totalmente kontra di dje. Nan bida por lo general lo ta hopi difisil.)

10. Personanan man robes tin mas tendensia di wòrdu afektá pa PTSD (Post Traumatic Stress Syndrom).

Akibou ta sigui algun imáhen pa mustra bo dikon un persona man robes ta sinti ku mundu ta trat’é di forma inhustu:

leftie 2

Mayoria skèr ta trahá pa hende man drechi. Kue un sker asin’aki, i purba kòrta algu ku bo man robes wak si e ta bai.

 

leftie 1

Kon un hende man robes por skibi ku e renchinan ei den kaminda?

 

leftie 3

Aparentemente pènnan ‘ballpoint’ ta trahá pa hendenan man drechi.

 

leftie 4

Aparentemente un ‘struggle’ di personanan man robes!

 

leftie 5

Kon ta hasi kome na mesa sintá band’i un persona man drechi?

 

 

Leftie 15

Dikon tur ‘Numeric Keypad’ ta na man drechi?

 

leftie 14

Dikon tur ‘mouse’ ta wòrdu poné na man drechi di un kòmpiuter?

 

leftie 7

Ta kon un persona man robes ta hasi studia asina’aki?

 

leftie 8

Enemigu nr 1 di un persona man robes.

 

leftie 9

Trahá pa persona man drechi!

 

leftie 11

Kon un persona man robes ta hasi uza e aparato aki?

 

leftie 12

Kon abo lo sinti bo si nan pone e ‘shutter’ di un kamara na man robes?

 

leftie 13

Jimi Hendrix mester a siña toka kitara kabes abou, kual kisas a yuda hasié un di e mihó guitaristanan na mundu.

 

Shake hands

Ora di ‘shake hands’ tur hende ke saka man drechi. Bo sa kon iritante e kos ei ta pa un hende ku ta man robes?

Pues manera bo a mira, bida ta bastante duru i inhustu pa un persona man robes. Laga nos selebrá i mustra empatia i komprenshon awe pa tur hende ku ta man robes. Tur hende ku bo topa awe, saka bo man robes pa dun’é man pa kumind’é. Bis’é ku awe ta dia internashonal di hendenan man robes. Lo m’a bisa bo tambe pa kore outo na man robes ya komo tin yen outo stürwil banda kontrali kaba na Kòrsou, pero mi lo no para responsabel pa niun aksidente. Loke si nos por hasi ta masturbá awe ku man robes. Tur loke bo a kustumbrá hasi ku bo man drechi, awe hal’é, sakudié i batié k’e man robes. Duna honor i rèspèt na tur hende ku ta man robes awe, i laga nan sinti ku bo ta komprondé nan frustrashon diario!

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.