E yùfrou aki ta sumamente insistente te ku m’a dun’é loke e tabata ke!

Reading Time: 4 minutes

Ki ora bo tin ku keda insistí riba algu? Ki ora bo ta sa unda bo tin ku hala e liña na momentu ku bo ta pidiendo algu? Tin bia ora bo keda insistí riba algu nèt e ora ei bo tin chèns di keda sin haña nada, pero si bo hunga bo kartanan bon, bo tin chèns di hañ’é.

Bosnan ta kòrda ku mi mester a hala orea di e hendenan ku tabata bai Mensing’s Caminada pa kumpra e buki ‘Niun Pátaka’, kaminda mi no a anunsiá niun ratu so ku e buki a sali riba merkado? Awèl, ora m’a hala tur hende su orea, m’a bin haña sa ta ken tur e hendenan ta. Anto un di nan ta nada mas i nada ménos ku un persona ku mi a splik’é bon kla ki dia ki ora i na unda e buki ta sali. Pero e no a keda kontentu. E ke sa ku e tin ku haña e buki promé ku tur hende.

Pa di promé fo’i den aprel e tabata yena mi inbox ku yen mail pidiendo informashon di e buki, bisando mi ku el a lesa e ‘preview’ di e buki ‘Niun Pátaka’ i ku e ta interesá den e buki pasó e buki ta mustra hopi bon. M’a bis’é ku e buki no a sali ainda, i ku asina e sali lo mi avis’é.

Muhe insistente 1

Den kuminsamentu di Mei el a manda e siguiente mensahe pa mi.

Muhe insistente 2Mi a kontest’é i bis’é ku ‘lo bueno se hace espererar’, pues e sinta warda bon mucha. E no a gusta i el a bisa mi “Ora muhé pidi bo kos, bo tin ku dun’é e kos”. M’a kontest’é “Awèl muhé tin siña warda awó, pasó ora hòmber pidi kos, ta masha hopi nan tin ku roga, yora, sklama i mendigá, i asina mes muhé ta keda sin duna nan nada.”

E yùfrou tòg no a keda kontentu, pues el a kuminsá hunga ku mi emoshonalmente. El a manda e siguiente mensahe p’ami:

“Mi ta un hóben ehemplar ku ta lucha duru pa bai dilanti. Promé ku mi a konosé CuckooPress mi no tabata gusta lesa mes. Abo a hinka gana di lesa den mi. Mi a kumpra tur dos di bo bukinan, tantu  ‘Kibra Hacha’ komo ‘Awa, Habon ku Past’i Djente’. Mi a gusta nan asina tantu te ku mi a laga mi amiganan les’é, siendo ku nan tampoko no ta gran lesadó. Nan tur a gusta e buki te ku awor nan ta pidi pa mas. Mi ta hari, yora i siña masha hopi kos mes lesando bo buki i artíkulonan ku bo ta skibi. Lamentablemente no tin hopi material na Papiamentu pa lesa na Kòrsou. Pero mi ke lesa. Mi ke mehorá mi uzo di idioma i vokabulario pa asina mi tambe yuda kontribuí na kresementu di nos dushi idioma Papiamentu. No esei so, mi soño ta di bira un reportero di kalidat ku sa kon pa papia i skibi Papiamentu na drechi i no un reportero di awa mal destilá bruá ku suku Stevia! Mi tin hopi gana di lesa bo buki i mi tin gana di les’é promé ku tur otro hende na Kòrsou. Mi ta dispuesto na paga plaka kèsh p’e buki ei, plùs mi ta duna bo un kos ku nunka m’a yegi duna niun otro hende, pero e úniko manera ku bo ta hañ’é ta su mi risibí e buki ei promé ku dia 29 di Mei!

Akinan bo ta mira ku ora muhé insistí i persistí n’e forma korekto, bo ta haña bo ta duna nan loke nan ke numa!

DSCN3588

DSCN3586

Dionyra Eduarda

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article hold copyright by their respective authors. I’m not the owner nor do I hold copyright on these images. I just needed the image for illustration.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.