Esaki ta loke a pasa despues ku mi a pega soño den kamber di un prostituta!

Reading Time: 7 minutes

 Mi no tin bèrgwensa di bisa e kos aki, mi ta atmití ku kos ta poko malu pa mi den e área di amor, konsekuentemente ta difísil pa mi wòrdu satisfasé seksualmente dor di muhénan regular. Esei ta pone ku mi a bai buska satisfakshon seksual serka un profeshonal i e lugá mas sigur pa hasi esei ta na Campo Alegre.

Ayera mi a bai Campo Alegre huntu ku un amigu, i nos a sinta na bar dal algun ‘drinks’ i kombersá. Bo mes sa, e muhénan ta pasa kinipí wowo ku bo, òf pasa mishi ku bo partinan íntimo pa hinka gana den bo. Esei ta kos masha normal. Ami ku mi amigu tabata para kòmbersá i wak e muhénan pa wak kua nos ta skohe. Pero asta den Campo mi ta fèrfelu pa skohe. Mi amigu a haña un muhé bai kuné, ami a keda pará mi so ta wak un ku mi gusta. Despues di un ratu ku mi no a mira nada na mi smak, m’a disidí dal un buèlta wak kiko tin. Na kamber 169 m’a topa un muhé Colombiana masha bunita. E tabata tin nèchi kurpa, kabei largu pretu, kara masha bunita mes. E tabata sèksi bistí, pero no sunú, manera mi gusta. E tabata sintá den porta di su kamber ku un kùp ku algu di bebe den su man. El a keda wak mi, m’a keda wak e. E no a bisa mi niun pia di palabra. El a kinipí wowo ku mi, m’a kana bai serka dje. E di ku mi “Ola papi, como estas?” Esei ta nifiká “Papi, konta ku bo”, pa esnan ku ta malu den spañó.” Ami a studia na Spaña, kemen mi spañó ta di universidat. M’a bis’é “Yo hopi bueno y tu?” E di ku mi, “Aqui, sola y sintiendo frio.”

Pero a ni den Campo mi no sa kai p’e trampanan aki, pasó ta riba sèn e muhénan aki ta. Ami ta buskando sèks, pero tòg ku amor, ku kariño i ku atenshon. M’a keda kombersá kuné un ratu i nos tabata tin un kombersashon masha ameno. El a ofresé mi un tiki di su ko’i bebe, i despues el a pasa su lenga nèt na skina di mi boka.Mi no sa ta kiko e tabata bebe, pero e kos tabata smak stèrki si. Despues di esei el a kuminsá pasa man na mi kara, na mi garganta, bin abou na mi pechu, bai na mi barika, despues el a kue mi parti íntimo tene i el a bisa mi “Papi, te quiero”.

KarinaNunka di mi bida un hende muhé no a yeg’i bisa mi algu asina aki, anto ku un sinseridat enorme. M’a sinti mesora ku esaki t’esun. M’a puntr’é “Kiko me vas a hacer?”. El a len riba mi, saka lenga pas’é suavemente na mi garganta i den un stèm sèksi el a bisa mi “Todo lo que tu quieras”.

Einan tur e kabeinan na mi kurpa a lanta para. Pero tòg mi a purba mantené kalmu, pasó awó ta e parti importante ta bin. M’a puntr’é “Por cuanto?”. E di ku mi “Dame lo que me quieres dar papi.” Akinan mi a kai stimá mesora, pasó normalmente e muhénan ta kobra masha karu mes. Esaki mi ta mira a gusta mi di kurason, p’esei mes m’a saka mil florin dun’é, pasó pa ami, amor no tin preis.

Nos a drenta den kamber, kuminsá kita paña i subi kama. Ora el a subi riba mi, m’a bis’é “Mami, juega me bien”. Esei ta nifiká “Mami, hunga mi bon.” Despues di un ratu tiki tiki m’a kuminsá mira tur kos mané ‘wazig’. Mi no por a mira bon mas. M’a sinti ku e muhé ta riba mi, pero ami ta mané bayendo leu tiki tiki, i despues di un ratu tur mi lusnan a paga.

Algun ora despues mi a habri wowo i mi a ripara ku ainda mi ta den kamber di e prostituta. Mi tabata mará na kama ku algun kabuya, sin por a move ni mi man ni mi pianan. Mi tabata nèchi tapá ku un laken. Na mi boka tambe tabatin un dashi mará, pues mi no por a grita. M’a keda bringa riba kama te ora m’a lòs un man, i asina mi a lòs mi otro man. Tied on bed

Pero ora mi a kita e laken fo’i mi kurpa pa bai lòs mi pianan m’a ripara ku mi tabata tin un behá bistí i un dèntel. Mi a lòs mi pianan i lanta purá fo’i kama buskando mi pañanan pa mi bisti i bai. Pero mi no por a haña mi pañanan niun kaminda. M’a buska tur kaminda den e kamber i nada. M’a habri e lachi di e mesa i einan m’a topa mi telefòn huntu ku un kaha ku algun kos masha interesante aden.

Mi a kue mi telefon mesora pa yama mi amigu p’e bin wak mi drechi. El a kue telefòn puntrando mi unda mi ta. M’a bisé ku mi ta den kamber 169, pero e prostituta a kue mi pañanan bai kuné, i mi no por sali manera mi ta. E di ku mi ku e ta na trabou n’e momentunan aki, pues e no por bin. M’a puntr’é kiko mi hasi awó? E di ku mi “Bo sa kiko……e mihó kos ku bo por hasi ta manda un e-mail na lionel_326@hotmail.com bis’é ku dia 29 di Mei aki bo tambe ta interesá pa pasa personal pa kumpra un, dos òf tur tres di su bukinan. Pasó tur bia e ta keda kue bo kabes abou via di su kuenta i artíkulonan, pues bo no mester duda ku e tin e abilidat pa kue bo kabes ariba tambe ku su bukinan.”

Enbes di kue 100 florin ku bo a traha duru p’e i uz’é  pa bo bai un fiesta ku lo yuda hasi bo mas pober, lo mi rekomendá bo kue bo sèn i hink’é den algu ku lo yuda mehorá bo bida!

No tene miedu, manda mi un e-mail, òf un mensahe riba Facebook.  Mi sa ku kisas bo no ta gran lesadó di buki, pero mi bukinan ‘Kibra Hacha‘, ‘Awa, Habon ku Past’i Djente‘ i tambe ‘Niun Pátaka‘ ta simplemente apart, meskos ku mi artíkulonan ku bo ta lesa tur ora ku masha smak!

Anto mas ku klaro loke mi a haña den e kaha ku tabata tin den e lachi, mi ta bai partié pa tur esnan ku kumpra un buki personal serka mi. (Ojo: no ta kondon)

three books

Nota importante: Mi sa ku hopi hende no ta bai hasi nada ku e informashon aki. Kisas nan ta pensa ku nan no gusta lesa buki, kisas nan ta pensa ku ta mihó nan warda wak kon e buki ta move riba merkado promé ku nan kumpr’é, òf simplemente nan no gusta mi, pues nan lo preferá kue nan sèn i gast’é na un sapatu nobo, uña falsu, weave, prostituta, trùk di pan òf kualke otro kos ku ta subi peso ku preshon, kousa diabétis òf subi kolesteròl. Mi no tin niun problema ku esei. Pero hendenan aki no sa ainda ku nan lo haña gana di lesa mi bukinan un dia tòg, solamente ku imprenta di e bukinan aki lo bai ta hopi limitá. Dia e buki aki kaba, nan a kaba, i lo no bai tin mas, ni maske kuantu bo bula ariba kai abou! Mi no ta bisa esaki pa bo hasi nada, sino djis pa bo tene esei na kuenta!

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article hold copyright by their respective authors. I’m not the owner nor do I hold copyright on these images. I just needed the image for illustration.**

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.