Den porta di elekshon: gobièrnu ku plan mionario pa baha kalor na Kòrsou!

Reading Time: 4 minutes

Resientemente e organisashon National Oceanic and Atmospheric Administration (NOAA) a konfirmá ku Mart di e aña aki tabata e Mart di mas kayente di historia i ku luna di Aprel tambe lo kibra un rèkòrt. Ya kaba mundu tin un racha di kalor di 11 luna ta bai, komo konsekuensia di efektonan di ‘El Niño’. Esakinan a keda publiká últimamente den e artíkulo ‘Pronto tur hende lo tin ku kuminsá kana sunú na Kòrsou’!

Parlamento di Kòrsou a tuma nota di e artíkulo aki i mesora a reuní pa diskuti kon por resolvé e problema di kalor ku ta asotando e hendenan di Kòrsou. Parlamentario LS di partido CuckooPress a entrega un mandato pa gobièrnu kumpli kuné di forma inmediato. Esaki ta bira e promé parlamentario ku ta entrega un mandato na gobièrnu i no un moshon pa diskutí den parlamento. E mandato ta urgí gobièrnu pa bini ku medidanan pa yuda fria Kòrsou. Sea ta instalá algun un èrko ‘big unit’ na puntonan stratégiko ku yu yuda baha e kalor ku tin na Kòrsou, òf ta laga pone èrko den tur kas na Kòrsou. Si esaki ta muchu karu, e mínimo kos ku gobièrnu mester hasi ta laga pone un fèn i un èrko den kas i kamber di e parlamentario, pa motibu ku Aqualectra a kima su èrko den un di su mal weganan di kita/pone koriente den Mart último. Despues ku e parlamentario aki a pèrdè su èrko, el a keda den kalor, anto su salario no ta yega pa kumpra a ni un ‘water cooling mist fan’ di plèstik  den Señor Barata.

too hot 2Tambe LS ta hasi apelashon na tur siudadano di Kòrsou ku kisas tin èrko den nan kamber i espasio disponibel riba nan kama, pa por fabor, invit’é bin keda drumi na bo kas miéntras e efektonan di ‘El Niño’ ta pasa. Maske LS ta un parlamentario di klase, e no tin problema pa drumi mei mei di abo i bo hòmber òf bo yunan basta nan no ta ronka ni pishi kama. Dado kaso bo ta kedando serka bo baisait, e lo no tin problema pa drumi banda di bosnan tampoko basta su bida no ta kore peliger. Si mei mei di anochi bo haña gana di hunga ku bo pareha òf bo baisait, e lo ta mas ku dispuesto ta yuda tene e pianan habri pa mas fasilidat i profundidat.

too hot 3Komo muestra di agradesimentu na esun ku habri portanan di su kas pa parlamentario LS, e lo ta dispuesto na kushina pa bo, limpia kas pa bo i laba paña ku tur bo pènti i behanan. Tambe e lo ta dispuesto na malkriá bo ku sekshonnan di manikür ku pedikür, aunke e mes tin manera nan sa bisa na hulandes ‘twee linkse handen’. Loke si e ta hopi bon den dje ta skibi algun poesia masha bunita, i deklamá nan pa bo dado kaso bo tin falta di un tiki romantisismo den bo bida.

Parlamentario LS ta haña ku mester hasi algu si, sino e kalor ku ta asotando nos aki lo trese peliger na su inspirashonnan i por kousa ku e no ta skibi nada mas. Pues esaki lo nifiká ku despues di e tremendo bukinan ‘Kibra Hacha’, ‘Awa, Habon ku Past’i Djente’ i ‘Niun Pataka’ lo no bai tin mas buki skibí pa su persona, pasó den e kalor aki, ta ken por sinta skibi trankil? (Keda pendiente pa dia tur e tres bukinan aki ta (bèk) riba merkado!)

Parlamentario LS ta haña ku ta nos tur su deber pa yuda baha kalor na Kòrsou aki, òf por lo ménos duna bo kontribushon pa e no mester sinti kalor mas!

Book thingy 1

Parlamentario LS

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article hold copyright by their respective authors. I’m not the owner nor do I hold copyright on these images. I just needed the image for illustration.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.