Pronto tur hende lo tin ku kuminsá kana sunú na Kòrsou!

Reading Time: 4 minutes

 Manera m’a komprondé si bo kana sunú den kaya na Kòrsou, bo ta violando lei pa medio di desórden públiko. Wèl mi ta kere pronto nan lo tin ku hasi un kambio den nos leinan, pasó kalor ta kuminsá mata hende rib’e lugá aki.

Nos ta apénas den luna di aprel, pero ya kaba bo por sinti ku ta hasi un kalor inmenso. Normalmente kalor ta kuminsá asotá den lunanan di Sèptèmber pa Òktober, pero ya den Aprel aki tin un kalor aki ku ta pone yen hende bira floho i sinti nan sofoká!

Djamars último ei ‘National Oceanic and Atmospheric Administration’ (NOAA) a konfirmá ku mundu a yega un racha di kalor ku ya tin 11 luna ta bai kaba. E temperatura global promedio di Mart último tabata 12.7 grado Celsius, kual ta hasi esaki e luna di Mart di mas kayente di historia. Segun NOAA e racha di kalor di 11 luna aki ta kibra e rekòrt di 10 luna di kalor ku a keda registrá na aña 1944. Sientífikonan klimatológiko ta bisa ku esaki ta efektonan di ‘El Niño’ huntu ku kalentamentu global kousá pa hende! (Si…..hende atrobe.)

NOAA hot areasMart último tabata 2.2 grado mas kayente kompará ku e último 20 siglonan. E promé tres lunanan di e aña aki tabata 2.07 grado mas kayente ku normal. Afrika i Oséano Indio tabata e partinan di mas kayente.

E temperaturanan aki no ta solamente bini di NOAA, pero e agensia klimatológiko hapones tambe a registrá ku Mart tabata e luna di mas kalor i probablemente aprel tambe lo kibra un rèkòrt. E racha di kalor aki lo bin kita segun ‘El Niño’ ta disparsé. ‘El Niño ta un fase di kalentamentu di un parti di Oséano Pasífiko, anto tin un otro un kos ku yama ‘La Niña’ ku aparentemente tin efektonan kontrali. Ta pronostiká ku efektonan di ‘La Niña’ lo surgi mas despues den e aña aki, kual probablemente lo yuda baha e temperatura bèk. E transishon di El Niño pa ‘ Niña lo por kousa wer seku, segun ekspertonan. (Si…mas seku ainda.)

ice capsKalentamentu global por pone ku e kapanan di eis na Groenland i Antártika lo por smèlt kousando subida di nivel di awa, i despues di esaki mi no sa kiko lo por pasa. Kisas laman lo subi tera, òf laman lo bira brutu. Mi no ta sientífiko, pues mi no sa. Esaki no ta kos ku lo pasa di awe pa mañan si, pero en todo kaso e ekspertonan ta preokupá. Lo mester ta pa un motibu.

Mi ta spera e subida di laman lo no kousa problema pa barkunan ku tin ku nabegá si, pasó yen hende a pidi mi pa reserva ‘Kibra Hacha’, ‘Awa, Habon ku Past’i Djente’ i tambe ‘Niun Pataka’ pa nan, anto nan ta riba laman biniendo Kòrsou. Si nivel di laman subi, stroba e barku di nabegá, esei si lo bira un problema grandi.  Kisas abo por yuda baha e kalor ku tin dor di bebe mas tantu awa pa fria bo kurpa i kana ku ménos paña den kaya. (E paña na bo kurpa ta laga bo kurpa bira mas kayente). Prinsipalmente hende muhénan mester kuminsá kana sin ‘bh’ ku kòrsèt ku kos. Muchu paña riba otro! Ta nos tur tin ku duna di nos parti pa yuda resolvé problemanan di kalentamentu global!

Mi ta spera di a informá bo sufisiente i mi ta spera di topa bo maske ta ‘topless’ den kaya!

Naked

Fuente: CBS news

 [Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article hold copyright by their respective authors. I’m not the owner nor do I hold copyright on these images. I just needed the image for illustration.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.