Si bo sigui hasi e kos aki, nunka mas un muhé lo habri pia p’abo!

Reading Time: 7 minutes

 Algun tempu pasá mi a manda un mensahe privá riba Facebook pa un yùfrou, pero dor ku el a kontestá mi masha seku mes, mi no a sigui molostiá. Despues di tempu e mes a manda un mensahe pa mi. Mi a keda masha straño pasó dia ami a aserk’é el a trata mi tur seku. Pero el a splika mi ku e hòmbernan riba Facebook tin’e fada, pa motibu ku asina nan mira un potrèt di dje ku nan ta gusta, nan ta kuminsá bombardi’é ku yen mensahe. Mi a bis’é ku e mester apresiá e atenshon ku e hòmbernan ta dun’é pasó dia e hòmbernan stòp, e lo no gusta. El a bisa mi no sa kon iritante e kos ei ta, ta p’esei mi ta bisa asina.

M’a bis’é lo siguiente: “E próksimo bia ku un hòmber manda un mensahe p’abo, kopia e mensahe pa mi, anto ami ta bisa bo kiko pa kontestá, ya bo por haña un mihó kòmbersashon.”

Mi a disidí hasi esaki, pasó mi sa ku hende muhé ta kontesta hende hòmber tur seku i laf ora un hòmber manda un mensahe privá, pasó nan ta kere ku tur hòmber ta riba sèks, anto despues nan ta yora ku no tin hòmber drechi na Kòrsou. Despues bo ta haña nan tur den fiesta i lugánan nokturno lat den mardugá bistí den nan trahe di gala ta bai kana piki kachó ku pruga, pieu i karpata pa nan frei i kasa kuné. Kaminda mi a splika e muhénan masha dia; fo’i ora bo sali kas 11or di anochi, ta hòmber ku pruga so bo por topa. Den e orarionan ei tur e hòmbernan na drechi a yega kas kaba preparando pa nan subi kama, lesa un buki i/òf wak un pelíkula trankil na kas. E hòmbernan aki sa ku den mardugá no por tin nada na drechi riba kaya.

En todo kaso, e yùfrou a bai di akuerdo ku mi i den un ratu el a kopia e promé mensahe. Laga nos referí na e hòmbernan komo ‘Kabayero Noble’, i kada un ta haña un number asigná na nan. Kaminda ami a kontesta pa e yùfrou mi ta uza e nòmber ‘Ashanti’ (Ami a bis’é kiko p’e kontesta i e tabata ‘copy/paste’ loke mi skibi den su kombersashon ku e kabayeronan:

Kabayero Noble 1:
bonochiiii

kontaaaaaaaaaaa

chatemo 1

 

 

 

wauwwwwwwwwwwww
mamiii
dushiiiiiiiiiiiii
hopi bonitasssssssssssssssssss

chatemo 2

 

 

 


wauw
princessssss

( M’a bisa e yufrou ‘block delete’ numa. Niun hòmber na drechi no por ta aktua mané kachó loops asina.)

Ban p’e siguiente:

Kabayero Noble 2:
bnochi
knt sgt knt sgt
bnochi bo tey

Ashanti:
Bonochi

Kabayero Noble 2:
knt sgt

Ashanti:
Mi ta bon, konta kubo?

Kabayero Noble 2:
kbo ta hasiendo
bnochi mi ta bon
mi mag bira bo friend riba Fb

Ashanti:
Kiko mi ta hasiendo?

Kabayero Noble 2:
bo tin app
kwantu aña bo tin si mi tin mag di sa?

(Akinan m’a kue fadá kaba. Bo no a papia nada na tinu, bo no a konta nada di bo mes, bo ta skibi straño, puntra kos ku no ta kai bou bo, anto riba dje bo ta pidi app? Pidi app pa kiko? Pa bo keda puntra e mesun ko’i kènsnan. No yu….m’a bisa e yùfrou ‘delete’ esei numa. Pèrdement’i tempu.)

Ban pa Kabayero Noble 3:
bontardi hopi dushi bo ta
tur kos ta bon si ?
bontardii
hopi bunita hende ku tur respet
bontardi dushi bo tey si ?

Ashanti:
Bontardi

Kabayero Noble 3:
bontardi dushi
tur kos ta bon si

Ashanti:
Mi ta bon
i abo?

Kabayero Noble 3:
Ok hopi dushi hende bo ta ku tur respet
Modela bo ta modela of kio dushi
Bo tin jen pic style di foto shoot pese
si mi ta bon

Ashanti:
No, mi no ta modelá. Danki p’e kòmplimènt. Abo si ta modelá?

Kabayero Noble 3:
Ang ok Hopi bunita bo ta si dushi
Mi gusta peki diki asina Heavy

chatemo 1

 

 

 

no ami no
anto kwantu anja bo tin anto dushi

Ashanti:
Ami no ta peki diki. Kisas ta hende robes bo ta bezig ta papia kuné.
Bo gusta peki diki?

Kabayero Noble 3:
Peki diki ta dushi
Mi gusta muhé ku hopi karni Kurpa kayente dushi
Muhé pa mi sinti ku ta un muhé mi ta brasa

Ashanti:
Mi kurpa ta friu. Mi no gusta pa hende brasa mi. Nan ta sofoká mi

(Manera bo mes ta mira, mi a kuminsá kontesta ko’i kèns, pasó e gai aki tambe kuminsá kansa mi. E no ta papiando nada na tinu i e ta bayendo den direkshon robes.)

Kabayero Noble 3:
Dushi pa brasa bo ta dushi
Ami si ta hasi bo kurpa kayente

Ashanti:
Mi no ta kere. Mi no gusta pa hende mishi ku mi mes.

Kabayero Noble 3:
Dikon dushi?
Si bo tin un pareha e mester por brasa bo knuffel ku bo

Ashanti:
Wèl, ta p’esei mi no tin pareha aktualmente. Simplemente mi no gusta. Mi ta kere mi ta un di e hendenan ku a nase pa keda mi so, anto asina mi gusta

Kabayero Noble 3:
Mi tambe ta mi so awor aki dushi
Pero tur ora bo no por ta bo so

Ashanti:
Awèl kada persona lo ta diferente. Ami si ta pasando masha dushi mes mi so. Kisas lo ta bon pa bo buska un hende, ya bo no ta bo so mas.

Kabayero Noble 3:
Un dushi mane bo unda mi por hanje dushi?
bo ta mane mi gusta

Ashanti:
Tin hopi si bo sa. ‘Google’ wak kiko bo por haña.

(Te aki e kombersashon a yega pasó m’a kue fadá ku esaki tambe!)

Barack annoyedAsin’aki m’a bai purba duna tres kabayero chèns pa logra un kòmbersashon interesante ku e dama pero tur tres a frakasá. E dos proménan tabata simplemente iritante, anto e di tres den tempu kòrtiku a kansa mi. Kuent’i dushi dushi dushi, dushi pa brasa, dushi kayente, dushi pa primi, dushi fula. Hacht hòmber!

Awor mi ta komprendé dikon ora mi manda mensahe pa sierto hende muhé, nan ta kontesta mi tur seku i laf. Ta pa bosnan falta! Pa bosnan motibu ami tin ku lucha masha duru mes pa mi haña un bon kòmbersashon ku un hende muhé, pasó tur ta kere ku ta riba hasiment’i ko’i kachó kayente tur hòmber ta. Bosnan ta dañando e kaya pa ami i pa tur e sobra hòmbernan drechi ku tin. Si bosnan sigui asina, nunka mas un muhé lo habri pia pa bosnan. Ke men kuminsá na ‘step up’ i krea kòmbersashonnan ku mas kontenido.

K Celestine Photography

Photo by K. Celestine Photography

Si bo lesa mi próksimo buki ‘Niun Pátaka’ mi ta garantisá bo ku lo bo haña algu sumamente interesante pa bo papia hinter aña riba dje.  Hende muhé lo gusta e temanan den e buki aki sigur, i mi ta spera di por elevá konosementu di hende hòmber (plùs di hende muhé) ku e buki aki. ‘Kibra Hacha‘ tambe tin 27 tema diferente ku bo por studia, analisá i diskutí riba nan. ‘Awa, Habon ku Past’i Djente’ tambe ta great kos pa lesa, i tin kosnan interesante ku bo por saka fo’i dje tambe.

B’a chèk e avanse di e buki ‘ Niun Pátaka’ kaba? At’e aki un bia mas: Niun Pataka preview pdf

Aktualmente mi no a sobra ni un buki mas, pero pronto lo mi tin mas. Mané m’a komprendé, nan ta riba laman yegando Kòrsou! Mi ta kere lo ta delaster bia si ku mi ta skibi i publiká un buki. E kos ei ta muchu trabou i molèster.

 [Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article hold copyright by their respective authors. I’m not the owner nor do I hold copyright on these images. I just needed the image for illustration.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.