Hende hòmber por demanda muhénan ku hasi operashon pa drecha kurpa!

Reading Time: 3 minutes

 Jian Feng a konosé un muhé riba kual el a kai mal stimá riba dje. Nan a kasa i despues di algun tempu huntu, nan a disidí na traha un yu. Ora e yu a nase Jian Feng a mira ku e yu ta ekstremadamente mahoso i e no parse ni e, ni e mama. En prinsipio Jian Feng a pensa ku e muhé lo a kòrta su orea.

Esaki a pone ku Jian Feng a bai hasi un tèst di DNA pa sa sigur si e yu ta di dje. E tèst a duna resultado ku e yu ta di dje mes. Pues segun Jian Feng tin algu ku no ta klòp, pasó e yu ta hopi fastioso.

Akinan e muhé a konfesá na Jian Feng ku promé ku nan a konosé otro, el a paga kasi 90 mil dòler na sirugia plástiko.

Jian Feng 1Jian Feng a haña ku esaki tabata un engaño i el a pidi pa divorsio, plùs el a demanda su kasá pa un montante di algu riba 105 mil dòler. Korte a duna Jian Feng rason!

Tin rumornan ku e historia aki ta falsu i ku el a wòrdu kreá komo  un lès moral pa ilustrá kon operashonnan ku hende muhé ta hasi pa simplemente un engaño riba hende hòmber. Un hòmber ta gusta un muhé primeramente pa su aparensia físiko. Anto mayoria hòmber na mi humilde opinion ta preferá kurpa natural i no kos falsu.

fake boob 1Tetenan grandi i falsu ta nèchi pa mira, pero nan no ta sinti dushi ètòl. Chanchan falsu ta keda kompletamente desproporshonal for di e muhé su kurpa. Algun di nan ta masha mahos bista. Apresiá bo kurpa manera e ta, pasó manera mi a bisa den mi buki ‘Awa, Habon ku Past’i Djente’: “Kada pan tin su keshi i kada kòfi tin su lechi.” Un dia lo bo topa un hende ku lo gusta bo manera bo ta.

Si bo ta haña ku bo ta hopi fastioso, lo mi konsehá bo pa krea abilidatnan pa komplementá bo aparensia. Por ehèmpel sòru pa bo por kushina bon, i sòru ku bo trato pa e hòmber ta algu sin igual. Bo manera di papia sigur ta sumamente importante, pasó ta asina bo ta logra hunga ku e mente di e hòmber. M’a yegi topa muhé sumamente fastioso den mi bida, pero e manera ku e ta papia a hasi mi siegu i kompletamente loko riba dje den un rat’i ora!

Ta masha normal ku ora hende stima, nan ta bira siegu. Ta ora e relashon no ta funshoná mas, te ora ei nan ta kuminsá mira tur e burakunan ku bo tin den bo kara, tur e kabeinan blanku den bo nanishi, anto ku e kolonia ku nan mes a regalá bo ta hole stinki riba bo kueru. Pero miéntras tur kos ta ‘como agua para chocolate’, no ta importá kon fastioso bo ta, e persona lo gusta bo manera bo ta!

Source: Daily MailSnopes

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article hold copyright by their respective authors. I’m not the owner nor do I hold copyright on these images. I just needed the image for illustration.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.