Ora hende muhé mira e potrètnan aki di mi pénis, nan ta bira loko!

Reading Time: 3 minutes

 Un kos ku hende hòmber gusta hasi, ta manda potrèt di nan pénis pa hende muhé. Hopi hòmber ta kere ku manera nan hasi esaki, e muhé ta haña un gana di subi i bula riba nan pa sèks fervientemente ku nan, sinembargo, e kos ei no ta funshoná ku tur muhé, i mi ta asta tribi di bisa ku kasi e no ta funshoná mes.

Si e muhé tabata bo pareha, e ora ei si. E konosé bo pénis kaba, i hopi chèns e pénis ei a yud’é yega na un òf mas orgasmo. Pero si e no konosé bo, bosnan no ta den un relashon òf no tin niun klase di kímika entre bosnan, un potrèt di bo pénis lo solamente duna e muhé asko.

Tur loke nan ta hasi ku bo potrèt ta mand’é pa nan amiga (òf amigu) anto sinta diskutí ku si bo pénis ta sushi òf limpi, òf puntra nan mes ku si bo tin un ke otro malesa dor di ‘zoom’ riba e potrèt i sinta buska pèshi òf kualke kos straño. P’esei mes yen muhé ta sinti asko ora nan wak potrèt di bo pénis. Pa kolmo yen hòmber no ta baña bon tampoko, pues imaginá bo!

Pero, mi a ripara ku ora ami manda potrèt di mi pénis pa hende muhé, nan ta bira loko. Nan ta pidi mi mesora pa trese mi pénis pa nan. Nan ta haña un gana enorme di ke hinka e pénis den nan boka,  nan ta haña gana di lemb’é, chup’é i mord’é.

Pa e motibu ei mi a saka algun potrèt spesialmente pa tur e muhénan di Kòrsou. Lamentablemente no ta tur hende por haña si, pasó kantidat di pénis ta limitá. Laga sa si bo gusta e pénisnan aki:

gummy penis 3

Komo ku e siguiente djasabra di e aña aki lo bai ta un dia hopi spesial, lo mi parti pénis pa tur hende ku duna mi brasa i sunchi. Tantu hende hòmber komo hende muhé lo haña, pasó ami no sa diskriminá. Bo por yama mi homo, biseksual, kon ku bo ke. Ami no tin kunes!

En todo kaso shonnan, tin wikènt largu na kaminda, pues buska algu positivo i interesante pa hasi. Algu positivo i interesante manera lesamentu. Anto no tin nada mihó pa lesa ku no ta ‘Kibra Hacha‘ i ‘Awa, Habon ku Past’i Djente‘.

Ta bon p’abo sa tambe ku ‘Niun Pátaka’ ta kompletamente kla. Print so mester print awó!

Pasa un dushi wikènt, i mi ta topa esnan ku mi topa, si mi disidí sali kas ☺!

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article hold copyright by their respective authors. I’m not the owner nor do I hold copyright on these images. I just needed the image for illustration.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.