Muhé ku ta ninga hòmber sèks no sa di e konsekuensianan aki!

Reading Time: 7 minutes

 Tin ora hende muhé no sa den ki baina nan ta hinka nos ku ta hende hòmber aden. Mi frei por ehèmpel ta rabiá ku mi e dianan aki pa algu ku mi a hasi òf ta pa algu ku mi a keda sin hasi, i e no ta papiando ku mi. El a bisa mi ku miéntras mi no pidi pordon, e no ta atendé ku mi. Mi no sa presis pakiko e ta rabiá, pero mi  a bis’é bon kla ku mi no ta pidi pordon pa kos ku mi no sa si mi a hasi òf keda sin hasi. Pero esaki ta nifiká ku e no ta duna mi loke mi mester. Sèks ta un nesesidat básiko pa hende hòmber, anto kualke muhé ku ta ninga hòmber sèks, na mi opinion mester wòrdu será den prizon.

Despues di un luna sin sèks, ami a disidí ku mi ta bai kòrta orea numa. M’a kuminsá ‘flirt’ ku un yùfrou ku m’a konosé ‘online’, i nos kòmbersashonnan tabata bai di forma masha ameno.

E ta un yùfrou hopi lif i interesante. E ta mustra un persona di klase tambe. Pues mi a invit’é pa nos bai sali un dia, pa asina nos por konosé otro i kombersá mihó. Mi a stipulá un fecha i nos a traha un sita.

Riba e dia, nos a topa otro na un bar di un hotèl, ya asina ta mas fásil pa ora gana dal mi, mi por djis bai kamber kuné. Tur loke mi tin ku hasi ta kombers’é bon, p’e kos bira algu sigur.

Ora e muhé a yega, mi no por a kere mi wowonan. Un beyesa di muhé. E tabata hopi sèksi bistí, riba hilchi haltu, anto ku asina dos bon tete. Su kabeinan ta largu i pretu, anto e ta kana meskos ku Halle Berry. Masha fini i bunita. Ora el a yega, mi a lanta para, hala su stul p’e sinta.

Mi a puntr’é si e ta bebe algu, i el a pidi un White Zinfandel. Ami no sa bebe alkohòl pues mi a pidi un djus di apel. Nos a sinta kombersá masha dushi mes. E muhé aki ta hopi interesante. El a konta mi kon el a kuminsá traha komo supervisor na un banko lokal. Despues el a bai traha komo mènedjer na un ‘offshore bank’. Despues el bai biba Merka i traha komo partner na un di e kuater kantornan di akountent di mas grandi na mundu. Despues el a bai biba Suisa i traha komo mènedjer di un kompania internashonal. Despues el a bin Kòrsou bèk, i awor e ta traha komo ‘consultant’ riba su mes. E di ku aworakí e ta buskando un relashon serio ku un bon hòmber. “Den e bida aki mi a logra tur kos kaba, ta hende pa kompartí kos kuné so mi falta”, asina el a bisa.

Nèt na e momentunan ei, e weiter a pasa i puntra si nos ta deseá algu mas. Mi a bolbe tuma un djus di apel, i e bia aki el a pidi un serbes Heineken.

Pa mi no keda atras, m’a kuminsá kont’é mi karera laboral pa mi impreshon’é. M’a kont’é kon m’a kuminsá traha komo supervisor na un ‘carwash’. Despues m’a bai traha komo ‘floormanager’ den bodega di un supermerkado. Despues nan a kita mi, mi mester a bai yena saku na un otro supermerkado. Despues m’a fada, m’a disidí ku mi ta bai traha riba mi mes. M’a kuminsá ku un negoshi di chapi kurá pa hende. Mi negoshi tabata konsistí di un pionero, un ‘voorman’ i un mènedjer. Mi mes tabata tur tres. Despues m’a kansa di traha den solo, m’a disidí ku mi ta bai Hulanda bai buska un mihó futuro. Einan m’a traha komo spesialista profeshonal den limpiesa, limpiando baño ku pòchi wc di diskotèknan, i despues ku m’a fada, m’a bin Kòrsou i awor mi ta traha li i algun kos dushi pa bende ku muchanan di skol. M’a bis’é ku aworakí mi tambe ta buskando un muhé serio, un muhé ku no ta wak mi pa loke mi tin, sino pa loke mi ta, anto prinsipalmente un muhé ku no ta ninga mi sèks pa ko’i kèns. El a kue mi tene na mi kachete, i el a bisa mi ku e no ta interesá den nada ku mi tin, sino pa e persona ku mi ta.

Einan, un chupament’i lenga a kuminsá. Normalmente ta ami sa kue muhé su kara tene i kuminsá sunchi nan, pero e muhé aki no tin tempu di pèrdè. Nos a kuminsá sunchi, brasa, fula otro, m’a pasa man na su tetenan, el a pasa man na mi atras, te ora e weiter a yega i bisa: “Uhm, bonochi, bosnan ta deseá algu mas di bebe?” Ami a pidi un djus di apel atrobe, i el a pidi un wiski plain.

Whiskey

survnow.com

Su bibidanan ta poko straño pa un hende muhé, pero mi no a wòri. M’a nota un kambio si den su stèm, anto su komportashon a kuminsá kambia i bira ménos rafiná. El a kuminsá sinta pia habrí, anto e ta bebe agresivamente. Pero mi no a wòri mashá. Despues ku el a kaba di bebe su wiski el a bolbe lèn riba mi, i nos a bolbe kuminsá chupa lenga. El a kuminsá habri boton di mi kamisa, m’a kue tene na su atras hal’é pega riba mi. El a kue su man pas’é di mi pechu bai abou na barika i sigui bai abou. Einan el a bisa mi “He eh, papi bo ta ‘nami hopi……..”

Atrobe, su stèm tabata zona straño. M’a kue kit’é fo’i mi, puntr’é si ta fèrkout e ta. E di ku mi nò. Pero asta su stail di para a kambia. El a keda wak mi ku par’i wowo mané kos ku e tin mil aña sin hunga. Despues el a bolbe kue mi hala pega riba dje, kuminsá chupa lenga, pasa bai na garganta, keda pasa lenga bai abou. Un kos si, e muhé aki ta chupa lenga bon mes! Despues el a bira’mi lomba p’e, anto hala mi pega riba dje. M’a keda wak mané: “Ta ki e kos straño aki…. nunka un hende muhé no a yeg’i hasi e kos aki ku mi!”. Pero mi gusta tèst kos nobo, pues mi no a wòri, el a keda sunchi mi garganta, pasa man riba mi pechu, barika i tur kaminda. Despues el a pusha mi na mi lomba p’ami dobla mi lomba. Einan si mi a bira puntra: “Hey, hey, ta riba kiko bo ta anto?” El a kontesta mi den un stèm bas i pisá “Papi bo ta ban den un dje kamber nan aki? Hopi gan’i dal bo mi tin.”

Akinan si tur kos a friz den mi kurpa. E muhé fini i rafiná aya, a kambia bira totalmente diferente. Ora m’a bira wak na su área íntimo mi ta mira un kos manera un bulto ta forma. Mi a bis’é, “ta bon nos ta bai hunga manera nunka un hende a yeg’i hunga bo, djis warda mi bai baño bin. Bo por bai kuminsá wak un kamber pa nos bai aden.”

El a kana bai ‘front desk’, ami a kana bai baño. Despues di esei, m’a dobla bògt, sali kore limpi bai kas bai pidi mi frei pordon na rudia. M’a asta sunchi su pia un par’i bia, anto mesora m’a kòrda ku el a rabia ku mi pasó m’a lubida ku el a hasi aña un luna pasá!

Si b’a gusta e historia aki, lo mi garantisá bo ku lo bo gusta mi buki ‘Awa, Habon ku Past’i Djente’ tambe. Den dje tin 10 diferente historia di yen kos straño ku m’a yeg’i mira, tende i/òf pasa aden.

Klek riba e link aki pa bo mira kontenido i ñapa di e buki!: Awa, Habon ku Past’i Djente preview pdf

(E historia aki si ta kompletamente òf parsialmente fiktisio.  Pero den e buki si lo bo topa algun ku a pasa mi di bèrdat!)

Dr. Isa FI

Urólogo Dr.Isa a gust’e mashá!

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article hold copyright by their respective authors. I’m not the owner nor do I hold copyright on these images. I just needed the image for illustration.**

 

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.