Stòp di kue artíkulonan di CuckooPress sin mi pèrmit!

 Imaginá bo yega kas un dia, i haña un tèrsio den bo kas, sintá den djòki riba bo ‘tv-chair’ ta wak bo televishon, kome bo kuminda, i disfrutá di kosnan ku abo a traha duru p’e? Kon lo bo sinti bo?

Ya ta di tres bia ku mi ta mira hende ta kue mi artíkulonan riba CuckooPress i pone nan riba otro páginanan di Internèt sin mi outorisashon. Esaki ta kai bou di tantu plagio komo i infrakshon di derechi di outor.

Lawsuit

Sycosure.com

Plagio
Plagio ta un akto di froude ku ta enserá ladronisia di trabou di otro i present’é komo di bo mes.
Tur e aktonan aki ta kai bou di plagio:

  • Presentá un trabou di otro hende manera ta di bo mes.
  • Kopia idea, imáhen (potrèt), video, muzik, komposishon òf palabra di otro hende sin pone referensia na e fuente.
  • Keda sin sita un sitashon.
  • Duna informashon inkorekto riba fuente di un sitashon.
  • Kambia palabra pero kopiando struktura di frasenan di un fuente sin duna krédito.
  • Kopia asina tantu palabra òf idea for di un fuente ku ta kasi forma e totalidat di e trabou, sea bo duna krédito òf nò!

Plagio por keda evitá dor di sita bo fuente. Rekonosé ku sierto material a wòrdu saká for di trabou di otro i menshoná na bo oudiensia di unda bo a saka informashon i mustra nan kon nan por yega na bo fuente!

Plagio ta un ofensa kontra di e outor!

Infrakshon derechi di outor:
Uzo di material protehá pa lei di derechi di outor sin pèrmit di e outor ta kai bou di infrakshon di derechi di outor. Kualke material ku bo reprodusí, distribuí, ekshibí, aktua ariba òf  krea kualke trabou derivá for di material di otro hende sin ku bo a kumpra lisensia i/òf sin outorisashon di e outor ta keda konsiderá un infrakshon di derechi di outor!

Asina un material keda kreá pa un persona, e tin derechi di outor riba dje, sea esaki ta menshoná òf nò!

Infrakshon di derechi di outor, pues kue kreashon di otro hende sin pèrmit, i hasi manera ta bo kreashon e ta pa bo propio benefisio, ta ilegal. Kualke persona, hende, grupo, instansia, organisashon òf kualke otro tipo di espesie ku lo bo por ta, ku kopia, distribuí, ekshibí òf di kualke otro forma reprodusí kreashon di otro sin outorisashon, lo por keda demandá!

Kasi tur akto di plagio ta infrakshon di derechi di outor tambe. Plagia un ‘blogpost’ i publik’é riba bo ‘website’, kopia artíkulo di un ensiklopedia sin duna referensha, pa traha un informe di un buki, òf kue potrèt ku otro persona a saka, pa publiká riba bo página, tur ta ehèmpelnan di tantu plagio komo infrakshon di derechi di outor.

Por sierto, mi mes por keda demandá pa potrètnan ku mi ta kue for di Google i uza komo ilustrashon den mi artíkulonan. Aunke bou di tur artíkulo mi ta indiká ku e imágennan no ta pertenesé na mi persona, esei no ta evitá ku si e doño mir’é i si e ke, e por manda un notifikashon di infrakshon di derechi di outor via di un abogado  pa mi. Mi tin ku aseptá ku mi ta robes i e manera ku e imáhen den e artíkulo aki ta publiká ta e manera korekto pa hasié.

Fuente: Plagiarism.org, PlagiarismToday

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article hold copyright by their respective authors. I’m not the owner nor do I hold copyright on these images. I just needed the image for illustration.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.