Loke bo tin ku hasi pa risibí un tremendo regalo riba dia di San Valentino!

Reading Time: 3 minutes

Mi ta masha agradesido na tur e 5000+ hendenan ku a ‘like’ e página aki riba Facebook. Mi no tin palabra pa gradesí boso. (Mi tin palabra si, pero mi ke hasi e kos un suspenso un tiki dramátiko.)

Pa mustra bosnan kon kontentu i agradesido mi ta ku boso apoyo, aña pasá mi a regalá bosnan un Pasku ku luna yen. Ounke esaki no ta algu usual, tiki hende mi a mira a para ketu riba e fenómeno aki ku ta sosodé kada 19 aña.

Pa luna di febrüari lo tin luna yen riba djaluna 22 di febrüari. Kisas algun di boso lo ta hasi aña riba e fecha aki, pero mi ta kere lo ta mas ‘leuk’ i romántiko pa pone e luna yen riba djadumingu 14 di febrüari, pues riba dia di San Valentino.

Pa esnan ku kisas ainda no sa, luna yen ta kai bou di mi responsabilidat. Anto ami lo ta haña hopi ‘great’ si riba dia di San Valentino lo tin luna yen pa e hendenan ku ta kompletamente enamorá.

full moon 1No tin nada mas romántiko ku bai riba un seru haltu i lehano, abo ku bo namorado òf namorada i disfrutá di un anochi friu bou di lus di un luna yen, gordo i bunita. Esaki lo por pone bosnan kai stimá riba otro kompletamente di nobo atrobe.

Luna yen pa esnan ku ta soltero, lo subi nan chèns di haña un pareha pa wikènt aki. Aparte di esei, bo chèns pa haña un pareha promé ku dia di San Valentino lo subi dòbel, si bo ta habrí pa frei un hende di bo mesun sekso. Mi no ta bisando ku bo tin ku bira homo òf biseksual, mi ta djis bisando kiko e chènsnan ta. E desishon final ta keda na’bo!

Ounke ku pa febrüari e luna yen mester tuma lugá dia 22, pa bosnan, mi ta dispuesto na kambia e fecha i pone riba 14 di febrüari. Pero pa esei sosodé, kada un di boso ku a ‘like’ mi página mester a kumpra mi bukinan ‘Kibra Hacha’ i ‘Awa, Habon ku Past’i Djente’. Bai buska di bo aworakí na Mensing’s Caminada i na momentu ku bosnan tur tin ámbos buki, mi ta komplasé boso tur ku un Dia di San Valentino ku luna yen.

full moon 2P.S. Mi sa ku tin hendenan sensibel  ku kisas lo pensa ku mi ta kere ku ta Dios mi ta. Pa e personanan ei, mi no ta Dios. Simplemente mi ta kere ku si bo pastor di misa por uza beibel pa bira mionario riba bo kustia, mi tambe mester por hunga ku bo romantisismo pa promové mi artenan! Si abo no tin piká, ta pasó b’a pèrdè memoria!

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.