Panter ta kana lòs na Kòrsou? Bosnan no ta niun tiki serio!

Reading Time: 5 minutes

Pa basta dia kaba hendenan ta menshoná ku nan a mira un panter aki na Kòrsou den e área di banda abou. Mi no ta gran konosedó di bestia, pero pa ami, básikamente tur bestia ku no tin un kara lif, ta sumamente peligroso. Ke men ami tin miedu di asta un chihuahua.

chihuahua6

Un hende lo por ta puntra su mes: kon bin por tin un panter ta kana lòs na Kòrsou? Wèl, p’e mesun motibu ku tin yen kolebra peligroso ta lastra bai bin tur kaminda na Kòrsou. Kualke hende ta bin ku nan djafó pa kria nan komo bestia di kas, i despues nan ta mira ku nan no por kontrolá òf dominá e bestia òf sigui duna nan di kome, i nan ta deshasí dje bestia, bentando e bestia unda ku ta den mondi.

Den kaso di e panter aki tambe, kualke hende lo a mir’é na chikí pa un pushi pretu chuchu i amabel i a disidí bin kuné Kòrsou. Probablemente e pushi pretu chuchu aki a krese bira un mònster i e persona aki lo a deshasí di dje den kualke mondi na banda abou. Asina e hende inkonsiderá nan aki ta pone bida di yen hende na peliger.

Den e edishon di notisia di Tele-Curaçao di ayera, un persona mas a bisa ku el a mira un panter pretu krusa su dilanti. Nan a yama Stanley Ignacio ku den promé instante no a kere ku por tin un panter ta kana lòs na Kòrsou, pero despues di a mira marka di patanan di e bestia den tera, e ta un tiki mas konvensí awor ku di bèrdat tin un panter ta kana lòs na Kòrsou.

panther 3Panter ta un bestia poko komun, i wòrdu konsiderá un di e bestianan di mas agresivo di naturalesa. Nan tin hopi forsa, nan tin bon abilidat pa subi palu. Nan tin asina tantu forsa ku nan por subi palu ku nan presa trankil. Un panter por tumba un hinter un zjiraf abou. Ke men hende ta ñaña p’e!

Ora nan bisa panter, ami mesora ta pensa riba esun pretu, kual ta mas bien un ‘Black Leopard’, pero tin mas tipo entre otro ‘Cougar’ i ‘Jaguar’. (No ta marka di outo, ta bestia di bèrdat nan ta.) Manera nan a menshoná na notisia, esun ku nan a mira na Kòrsou ta kolo pretu. Tipikamente, bo por mira jaguar pretu den Latino Amérika. Leopardo pretu bo ta haña na Asia i Afrika. Den Norte Amerika bo por haña jaguar pretu i tambe cougar pretu.

Awor Stanley Ignacio ta bisa ku lo ta bon idea pa despues di karnaval forma un grupo di hende pa bai buska e bestia aki. Mi ta komprondé ku ta masha dia e bestia aki ta kana lòs i nada no a pasa. Tambe mi ta komprondé ku ta dos dia mas so falta pa karnaval kaba. Pero bosnan ta konsiente si ku ta un panter tin ta kana lòs? E kos ei ta meskos ku un tiger. Si tabata tin un tiger ta kana lòs den mi bario, anto un hende bisa mi ku lo ta bon idea pa despues di karnaval, forma un grupo pa bai buska e bestia, mi mes lo sòru pa para karnaval al instante i pone tur hende riba pia pa buska e bestia ei. Ku a ni ora mi mira un lisimbein den mi kurá, mi no por ta trankil. Awó bo ke mi drumi, plùs selebrá karnaval siendo ku tin un panter ta kana lòs?

NHP-ARO001849ATabata tin un tempu ku muchanan pia’i tera tabata hasi yen mal wega ku ‘bommelding’. Mesora tabata tuma e medidanan di prekoushon sea ku yamada tabata serio òf nò. Pa ami, esaki ta mesun serio. For di e promé dia ku un hende a bisa, ku el a mira un panter ta kana lòs, sea e hende ei tabata haltu, fuma, drogá òf ta halusiná, mester a tuma e kos hopi na serio, forma un tim di konosedónan di bestia huntu polis su plug 5 ku 6, VKC, ‘Riot Team’, ‘Atrako Team’, Citro, ‘Rode Kruis’, ‘Afpakteam’, Milisia Antiano, Marine Real i asta manda buska sòldatnan merikano ku ta sintá pòrnada aworakí na Siria, Irak ku Afghanistan pa bin abou huntu ku avionnan F15 ku F16 pa buska e bestia ei.

Mi ke men di, ban serio k’e kosnan!

Panther2

No mata e bestia si. Nan ta hopi poko komun, i ser humano ta keda konsiderá e peliger mas grandi pa nan eksistensia riba mundu!

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.