Kambia bo ‘password’ aworakí si e ta paresé den e lista aki…

Reading Time: 4 minutes

E grupo di seguridat SplashData a saka un lista di e kontraseñanan (password) mas komun pa 2015 ku usuarionan di Internèt sa usa. E lista ta karga e nòmber “kontraseñanan di mas malu pa 2015”. Pa di sinku aña kaba SplashData a bin ta publiká e lista aki pa mustra hende kon nan mes ta pone nan informashonnan na peliger, protehando nan informashon ku e kontraseñanan di mas simpel i fásil ku un hende por rei òf desifrá.

PasswordDen e lista tin kontraseñanan ku a pone mi hari te kai fo’i mi stul. Mi sa ku hende sa krea kontraseñanan ridíkulo, pero e hendenan aki si a gana ‘Grammy’ p’e kontraseñanan aki.

E grupo ta kompilá, eksaminá i kompará mas ku dos mion kontraseña ku a lèk den publisidat. Algun di nan a bira mas largu kompará ku añanan anterior. Esaki kisas debí na eksigenshanan di diferente ‘website’ pa fòrsa hende pa krea kontraseñanan mas na tinu, pero no opstante eksigenshanan aki, tòg e hendenan ta krea kontraseñanan ridíkulo i sumamente fásil pa un hende desifrá.

Ántes nan tabata konsehá pa no uza bo nòmber, nòmber di bo yu, fecha di nasementu, òf nòmber di bo mama komo kontraseña pa motibu ku esakinan ta fásil pa hende desifrá. Aworakí mirando e kontraseñanan aki, nan lo tin ku subi nan eksigenshanan.

Aunke mi ta komprondé si, pasó aworakí ta pa yen kos bo tin ku krea kontraseña, anto aweró bo ta lubidá tur. Muchu kos pa kòrda.

SplashData ta rekomendá pa ora bo krea un kontraseña, sòru pa e ta mas ku 12 símbolo i uza un meskla di símbolo, pues un kombinashon di lèter, sifra i símbolonan spesial. Evitá di uza e mesun kontraseña riba websitenan diferente. Anto si un di bo kontraseñanan ta paresé den e lista aki, kambi’é mesora:

1. 123456 (Kontraseña mas popular pa 2015)

2. password (Ban serio)

3. 12345678 (Egt kos di hende ku no tin gana di pensa un kontraseña)

4. qwerty (chèk bo keyboard)

5. 12345

6. 123456789

7. football (Probablemente lo tin hende ku tin ‘messi’, ‘ronaldo’ òf ‘neymar’ komo kontraseña tambe)

8. 1234

9. 1234567

10. baseball

Esaki tabata e diesnan mas popular di e lista di 25. Awor mi ta bai kue algun ku a subi e lista pa promé biaha:

Na puesto 11 a subi lista pa promé bia e kontraseña ‘welcome’.
Na puesto 15 a subi lista pa promé bia e kontraseña ‘1qaz2wsx’ (Esaki en prinsipio ta mustra bon, pero chèk bo keyboard bo ta sa kon nan a yega na dje.)
Na puesto 20 a subi lista pa promé bia e kontraseña ‘login’ (Flohera mental ta kos serio)
Na puesto 22 a subi lista pa promé bia e kontraseña qwertyuiop (Chèk bo keyboard. Mi kemen….serio?)
Na puesto 25 a subi lista pa promé bia e kontraseña ‘starwars’. (Kon bin no tin ‘powerrangers’ òf ‘spiderman’ den e lista mi no sa.)

Klek aki pa bo mira e e lista kompletu.

Vários hende ta puntrami kon bin mi sa yega na nòmber pa mi bukinan. Mi kreatividat no konose limite.  Mi kemen si bo mester di idea pa kontraseña, lesa mi bukinan ‘Kibra Hacha’ i ‘Awa, Habon ku Past’i Djente’. Mi ta inventá palabra konstantemente i den e bukinan aki lo bo topa sigur un par. Bo ta djis skohe un palabra, benta un sifra su tras, i bo tin un kontraseña na tinu!

DSCN2910

Fuente: Telegraph

[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.