E manera di mas fásil i efisiente pa hasi bo pénis mas grandi.

Tamaño di pénis ta algu ku tur hende hòmber ta òf ke broma kuné. Mayoria hòmber tin e impreshon ku mas grandi bo pénis ta, mihó impreshon e lo hasi i mas satisfakshon e lo kousa. Ken por kulpa nan? T’e muhénan ta hinka e idea ei den nan kabes tòg? Manera hende muhé mira hòmber kurpa grandi òf ku sapatu (pia) grandi nan ta puntra si e pénis tambe ta grandi. Nan no ta puntra pa nan kore bai, sino mas bien pasó nan tambe lo tin e idea ku mas grandi, mas mihó.

Echo ta ku niun vagina no ta manera pos sin fondo. E profundidat promedio di un vagina ta entre 7 pa 10 centimeter den estado no-eksitá. Na momentu ku tin eksitashon seksual e vagina por alargá i bira mas grandi dependé e tamaño di e pénis. Den sierto muhénan e por span bira te ku 17 centimeter. Pero e vagina ta alargá i lubriká su mes pa akomodá e pénis ku na e momentu ei tin den dje. Pénis demasiado grandi ta laga e muhé sali na kareda kore limpi bai. Nan no por kuné. Si e pénis ta asina grandi te ku e ta dal den ‘cervix’ di e muhé, e lo kousa hopi doló. Esaki no ta bon.

Penis enlargementSinembargo, mayoria hende hòmber ke tin un pénis (mas) grandi. Esaki ta debí n’e stigma ku ta biba den nos komunidat rondó di hende hòmber su maskulinidat. Hende ta pèrsibí hende hòmber mas maskulino ora nan tin sierto karakterístikanan ku ta responsabilidat di e hormona tèstòsteròn, kual ta entre otro stèm bas, barba, kurpa grezu i muskuloso, kakumbein hanchu i tambe pénis grandi. Un hòmber ku tin e karakterístikanan aki hopi chèns lo no tin problema pa pega hende muhé sin hasi muchu esfuerso. Den mi buki ‘Kibra Hacha’ mi a splika detayá kiko tur ta e karakterístikanan di un hòmber ku hopi tèstòsteròn, dikon hende muhé ta wòrdu atraé na e karakterístikanan aki pero tambe ki efekto e tèstòsteròn aki ta kousa den e hende hòmber, kual ta presis e kosnan hende muhé tin dolo’i kabes ku nan.

Pero pa e hòmbernan ku no tin e karakterístikanan aki, nan por haña sierto sentido di inseguridat dor ku nan ta kere ku nan no ta maskulino sufisiente. Esaki ta motibu ku hende hòmber ta eksagerá sierto komportashonnan. Por ehèmpel un hòmber kurpa delegá mané pal’i maishi, lo por bai sea gasta hopi sèn (si e tin) na gym i produktonan pa hincha kurpa, òf e por dediká mas tempu na su trabou p’e por tin mas material i poseshon pa e por kompensá pa loke e no tin. Un hòmber ku pénis chikí tambe lo por bai hasi sierto kosnan, kisas e tambe train bira diki òf ke aparentá di ta mas inteligente ku tur hende pa kompensá, òf gasta bòshi plaka na produktonan pa laga e pénis krese.

Awendia tin diferente produkto riba merkado pa hòmber por rèk nan pénis kuné. Tin krema, tin píldora, tin diferente tipo di pòmp i tin asta hende ku ta hasi brua pa bo pénis krese. E pober hòmber den desesperashon pa rèk su pénis ta kapas di gasta míles di florin i purba tur sorto di produkto i método p’e logra rèk su ‘Wancho Junior’ maske ta ku un par di centimeter. E métodonan ku ta duna algun resultado por tin efektonan sekundario ku niun hòmber lo no ke. E pòmpnan ku nan ta bende pa rèk pénis ta trese sanger den e pénis pone ku esaki ta hincha i nan ta uza esaki pa trata mal funshonamentu di erekshon. Tin un tipo di ‘vacuum pump’ ku ta laga e pénis mustra mas grandi temporalmente, pero esakinan por hasi daño na bo pénis pone ku despues bo por haña bo ku problema ku erekshon.

Pero tin bon notisia. Resientemente un hòmber di Malasia a deskubrí un produkto ku ta funshoná al instante i ku no tin niun riesgo di salú kuné, ni e no ta kousa niun efekto sekundario negativo riba e pénis. E hòmber a bestèl e produkto aki riba un website pa 120 euro. E produkto aki ta traha mes mes. Manera bo uz’é, bo ta mira un kresementu supstansial di bo pénis. Ta trata aki di e siguiente produkto:

magnifier

Vergrootglas (Magnifier) pa krese pénis!

 

Na momentu ku bo risibí e produkto aki, djis pone riba bo pénis, i mesora bo ta mira su efekto.

Oké den serio. E hòmber a wòrdu engañá keriendo ku e ta risibí un produkto ku di bèrdat ta krese pénis. Bo por lesa e historia kompletu riba e website Niet100.

Mayoria hòmber ku ke pa krese nan pénis tin e tamaño promedio kual ta entre 12 pa 15 centimeter den erekshon, kual ta sufisiente pa hasi e trabou ku e tin ku hasi. Ta nan kiersa ku nan pénis ta muchu chikí. E hòmbernan ku tin pénis chikí di bèrdat, mester chèk promé si nan no tin vèt rondó di nan área pélviko ku ta laga e pénis mustra mas chikí ku e ta. Pues promé kos ku bo por hasi ta baha di peso. Si bo ta delegá kaba, i ainda bo pénis ta chikí, e ora ei si bo por kompensá. Laga e muhénan sa ku bo ta bon den otro tipo di satisfakshon seksual, por ehèmpel sèks oral. Kontal, 70% di hende muhé segun investigashonnan no ta yega na orgasmo via penetrashon so tòg.

Pa mas informashon, pasa wak bo buki ‘Kibra Hacha’ na Mensing’s Caminada. Lo bo keda sorprendí di kosnan ku bo no tabata sa!

Nadya FI[Si bo a gusta e artíkulo aki i/òf bo ta hañ’é interesante, kompartié ku bo amigunan. Sinti bo liber pa laga bo komentario atras!]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.