Ganadó di kòntèst ‘Mister Ugly’ bombardiá ku reklamo pasó e tin muchu tipo!

Reading Time: 3 minutes

Miéntras ku na Kòrsou hopi hende ke kompetí den bunitesa ku otro, na Zimbabwe nan ta tene un kòntèst pa saka afó ken ta e hòmber di mas mahoso. E aña aki ta e di kuater aña siguí ku nan ta tene e ‘sertámen’, pero e aña aki tabata tin hopi reklamo riba e hurado ku a skohe Mison Sere komo e hòmber mas mahoso basá riba su ekspreshonnan di kara grotesko i un kantidat di djente ku e falta.

Mr Ugly 1

Mison Sere ganado Mr. Ugly 2015

E protesta a bin di demas partisipantenan ku ta haña ku Mison no ta niun mahos. Ta djis pari djente e falta. E protesta prinsipal a bin for di William Masvinu kende for di 2012 a bin ta gana e titulo di Mister Ugly tras di otro. William i su fanátikonan a reklamá e hurado despues di a tende nan desishon, basá riba e echo ku Mison Sere tin muchu tipo pa gana e kompetensha. E no ta mahoso di naturalesa, ta ora e habri su boka so e ta mahos. Un otro partisipante, Patrick Mapureki, a reklamá puntrando hurado ku si nan tambe tin ku bula algun djente pa asina por gana e kòntèst.

Mr Ugly 3

William Masvinu ta haña ku e ta mas mahoso!

Mison Sere a reakshoná bisando ku nan ta djis un sèt di mal pèrdèdó i el a kobra 500 dòler komo premio máksimo. “Nan mester aseptá ku ami ta esun di mas mahos. Despues di a gana e kompetensha, aki mi ta spera di haña un kontrakt pa aparesé na televishon”, Mison a bisa.

Organisadó di e evento aki, David Machowa a bisa ku e evento aki ta pa kita e stigma ku tin riba hendenan mahos. Aparensha di hende ta kos ku bo ta nase kuné. Nos tur mester ta orguyoso di loke nos ta.

Na 2012 e kompetensha tabata tin solamente sinku partisipante. E aña aki tabata tin 36 partisipante.

Na Kòrsou tin hopi hende bunita ku ta hasi nan mes mahos, yenando nan boka tur na djente di oro, ku nan kara tur na buraku di ‘piercing’ i ta pone tatuahe rònt nan kurpa te asta riba nan lenga. Pa kaba di dòrna e bolo nan ta pega pari kabei straño tur na kolo ku no ta bai ku otro riba nan kabes, spanta mi kada bes ku mi mira nan. Kisas nan ta preparando pa un futuro Miss & Mister Ugly Curaçao’?

Mr Ugly 2

Kompetensha Mr. Ugly na Harare Nightclub, Zimbabwe!

Fuente: NBCnews

[Si bo a gusta e artíkulo aki i bo ta hañ’é interesante, kompartié ku bo amigunan riba Facebook. Sinti bo liber pa laga bo komentario atras!]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.