25 di Novèmber: Seminario prevenshon violensia kontra di hende muhé!

Reading Time: 3 minutes

KOMUNIKADO:

Seminario “From peace in the home to peace in Curaçao”

Segun UN WOMEN, (e organisashon di Nashonnan Uní dediká na igualdat di género i empoderamentu di hende muhé) mundialmente un di kada tres hende muhé (t)a eksperensiá violensha físiko òf seksual den transkurso di su bida. E abusadó/agresor i tambe un sosiedat por skohe pa kometé aktonan di violensha kontra di hende muhé i meskos esakinan por skohe pa stòp di kometé e violensha aki. Violensha kontra di hende muhé no ta inevitabel pero por prevení esaki.

Violensha hende muhe FI 3Violensha kontra hende muhé tin diferente kousa. Pa e motibu aki strategianan di prevenshon mester ta holístiko, ku múltiple intervenshonnan ku tin ku implementá paralelo ku otro pa asina esaki tin un efekto duradero. Diferente sektor, aktor i stakeholder mester ta enbolbí den e proseso di prevenshon aki.

Pa UNESCO (e organisashon spesialisá riba edukashon, siensia, kultura i di komunikashon i informashon di Nashonnan Uní), e Violensha kontra di hende muhé ta forma un opstákulo pa e kumplimentu di derechinan fundamental di e hende muhé. E ta un menasa direkto pa bida i salú di hopi hende muhé i mucha muhé aki na Kòrsou tambe. E violensha aki ta mina nos sosiedat for di paden dor di krea un klima di miedu, hopi biaha den kas, ku ta destruí konfiansa mutuo i ta hasi nos fundeshi sosial suak pa tantu hende hòmber komo hende muhé. Ningun sosiedat por prosperá si un gran parti di su sosiedat ta biba ku miedu di atake di violensha personal.

Ministerio di SOAW den estrecho koperashon ku UNESCO Curaçao, CAFRA, Stichting Slachtofferhulp Curaçao i e Komishon Permanente pa Kombatimentu Nashonal di Violensha kontra di Mucha/Hóben i Violensia Doméstiko/Relashonal, ta organisá un seminario titulá “From peace in the home to peace in Curaçao” dia 25 di novèmber próksimo na Venetto Holiday Beach and Casino, di mitar di ocho di mainta pa mitar di un di mèrdia. E organisashonnan ta kere ku konsientisashon, embolbimentu i mobilisashon di diferente sektor, aktor i stakeholder ta imperativo pa kombatí i prevení violensha. Ademas tin ku traha diligentemente pa krea un sosiedat liber di violensha.

Seminario Violensha hende muhe 1E seminario lo konta ku presentashon di dos ekspertonan riba e tema aki, drs. Iona Taylor i sr. Arthur Nivellac MSc. Tambe lo tin un pènel ku lo amplia speshalmente riba e ròl i kontribushon di e hende hòmber den kombatimentu i prevenshon di violensha kontra hende muhé.

Tin algun lugá habri ainda pa partisipá na e seminario. Pa mas informashon òf inskripshon por tuma kontakto ku sra. Shermila Paula di SOAW na tel: 434-0428 /4340499 òf mail: shermila.paula@gobiernu.cw, pa mas tardá dia 23 di novèmber próksimo.

Ministerio di Labor[Si bo a gusta e artíkulo aki i bo ta hañ’é interesante, kompartié ku bo amigunan riba Facebook. Sinti bo liber pa laga bo komentario atras!]

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.