Despues di a keda ketu pa kuater aña, Charlie Sheen ta revelá ku e ta HIV positivo!

Reading Time: 4 minutes

Den un karta habrí, Charlie Sheen (50), konosido estrea di e famoso Sitcom ‘Two and Half Men’ a atmití ku el a tèst HIV positivo i a keda skonde esaki pa kuater aña largu!

Charlie Sheen speaks out 2

Two and Half Men

Den e karta (skibí den un ingles un poko partikular) Charlie Sheen ta konta ku tur kos a kuminsá kuater aña pasá ku e mester a keda hospitalisá ku emergensha pa un doló di kabes manera migraine ku e tabata tin pa tres dia kaba. Charlie ta bisa ku el a kere sigur ku ta un tumor e tin den su kabes i ku esaki lo ta su final. Despues di vários tèst nan a revelá na dje ku e tin e vírus di HIV. Segun Charlie, e diagnóstiko tabata un ‘wake-up call’ p’e.

Charlie Sheen ta konosí pa un persona ku tabata tin hopi problema ku uso di droga i alkohòl, i ku a hiba un bida seksual parotin. Jon Cryer, kual tabata den e show di ‘Two and a Half Men’ kuné a bisa ku Charlie ta un hende difísil pa bo tin amistat kuné dor di su estilo di bida.

Despues di a keda diagnostiká ku e vírus el a keda bou di tratamentu di Dr. Robert Huizinga i for di 2011, e no a salta niun remedi ku e mester bebe tur dia pa tene e vírus bou di kòntròl. Segun Dr. Huizinga, nan tin e vírus kontrolá, e ta praktikamente indetektabel, i e no a bira AIDS. Segun fuentenan di CDC, maske esaki ta asina, tòg bo por infektá un persona ku e vírus, i maske e vírus ta indetektabel, esaki tòg por kambia i despues bira detektabel, pues bo mester ta hopi kouteloso.

Charlie sheen speaks out 3Na momentu ku Charlie a haña e diagnóstiko, el a revelá esaki na tur su parehanan i tambe hendenan ku e tabata seksualmente aktivo kuné. Durante su momentunan di krísis, e tabata kontratá prostitutanan, i manera lei ta indiká (den 35 estado na Merka), un persona ku ta konsiente ku e tin HIV mester revelá esaki na tur persona ku e ta seksualmente aktivo kuné. Segun Charlie el a hasi esaki, i akinan su tragedia a kuminsá.

Charlie ta bisa su miseria a kuminsá na momentu ku e personanan aki, ku el a kere ku e por a konfia, a kuminsá chantagié ku nan lo revelá su sekreto na públiko si e no paga nan. Charlie pa motibu di miedu tabata paga nan miónes di dòler pa nan silensio. Te ku awe el a paga alrededor di 10 mion dòler pa por a tene hende su boka será.

Esaki a hinka Charlie den un situashon finansiero difísil, te ku el a disidí ku e no ta laga hende kita niun depchi mas for di loke mester bira fortuna pa su yunan. Esaki te motibu ku Charlie a disidí revelá na mundu kompletu ku e tin e vírus di HIV.

Charlie no sa kon bin el a haña e vírus, i awor ku el a revelá esaki, e por spera un kantidat di kasonan den korte di hendenan ku e tabata seksualmente aktivo kuné, ku lo ke saka (mas) plaka fo’i dje.

Charlie Sheen speaks out 4Charlie a tèrminá su karta bisando ku e ta asepta e kondishon aki no komo un maldishon, sino komo un oportunidat pa yuda otro hende ku ta den mesun situashon kuné i pa yuda hasi hende konsiente riba e vírus di HIV. Su dianan di fiestá a pasa pa historia i e ta mira riba un futuro filantrópiko (Un persona humanitario).

Charlie a bisa ku e no ta uza droga mas, pero e ta bebe okashonalmente, i e ta spera ku awor ku el a kita un peso mas for di riba dje, ku e lo por stòp di bebe por kompletu tambe!

Den Novèmber 2014 a sali na kla ku Kòrsou tin 1736 hende ku HIV/AIDS kual ta ekstremadamente hopi pa un isla chikí manera Kòrsou. E aña aki mi no a tende kuantu e sifra a bira. Ta bon pa kada persona bai tèst i sa bo status ya asina bo por ta na tempu, tuma prekoushonnan nesesario i evitá ku bo ta sigui plama e vírus inkonsientemente!

Fuente: Today

[Si bo a gusta e artíkulo aki i bo ta hañ’é interesante, kompartié ku bo amigunan riba Facebook. Sinti bo liber pa laga bo komentario atras!]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.