E motibu dikon hende hòmber ta sinti nan intimidá pa muhénan ‘fuerte i independiente’!

Reading Time: 7 minutes

Pa e artíkulo aki, laga nos papia hopi honesto ku otro, aunke ta mi so ta papiando (skibiendo).

Kiko nos ta konsiderá un muhé fuerte i independiente?
Mi ta kere tantu ami komo demas hende hòmber no tin niun problema ku un muhé ku ta konsiderá su mes responsabel, finansieramente independiente, ku sa su balor, ku konfiansa propio, por hèndel su mes den tur situashon i ku no mester di afirmashon di niun hende p’e sintié bon. Esaki ta loke ami ta konsiderá un muhé fuerte i independiente.

PERO, loke hende muhé a bin ta propagá komo muhé fuerte i independiente ta un muhé ku loke mi ta yama ‘Bitch attitude’. Esta un muhé verbalmente gròf, ku sierto aktitutnan di éksito, independensha i sertesa eksagerá i ku ta trata hòmber ku indiferensha, kana zúr ku nan lema di ‘I don’t need a man’, kual ta pone kualke hòmber hala masha leu mes for di nan, anto despues nan ta habri boka i bisa ku hende hòmber no por hèndel un muhé fuerte i independiente. Ami en todo kaso no tin niun problema ku un muhé fuerte i independiente, loke si mi no ke a ni atendé kuné ta un muhé ku ‘Bitch attitude’ pasó mi ta mand’é bai bati su kabes den pal’i mahòk.

Independent woman 4Awor ku nos a kita esei for di mesa, nos tin ku atmití ku hende hòmber tin hopi inseguridat riba nan maskulinidat. Nos no mester pensa malu di e hòmbernan pa e motibu aki, pasó mayoria muhé tambe tin nan inseguridatnan, prinsipalmente riba nan físika. Mayoria muhé (pa mi no bisa tur) tin inseguridat riba nan aparensha físiko. Te asta e muhé di mas nechi i dushi ku m’a yeg’i mira den mi bida, tabata insigur riba su físika.

Awó akinan nos tin ku tene kuenta ku dos kos:
1. Hende tin difikultat pa rekonosé i aseptá nan inseguridat i miedunan, por lo tantu nan ta biba nan bida purbando na konvensé nan mes ku inseguridat i miedu ta parti di nan personalidat, kual ta loke ku nan no por kambia.

2. Hende tin difikultat pa komprondé i aseptá inseguridat i miedu di otronan ku no ta meskos ku esun di nan, por lo tantu nan ta kere ku e hende mester por dominá i eliminá su inseguridatnan den korto tempu, lubidando ku nan mes tin hopi tempu sin por dominá i eliminá esun di nan!

Lesa e dos puntonan aki hopi bon, i no sigui lesa te ora bo komprondé nan 100%!

Mi ta haña ta lamentabel, pasó hopi (pa mi no bisa tur) di nos kerenshanan a wòrdu formá dor di loke nan a siña nos huntu ku influenshanan di media, religion (beibel) i tradishonnan di tur tempu ku ta antikuá i trasnochá. E kerenshanan aki ta afektá nos emoshon i nos komportashon.

Anto un kerensha ku a wòrdu hinká den nos ta ku e hende hòmber mester ta e proveédor, e protektor, esun dominante etc. Aunke algun di e razgonan aki ta bai hopi aña atras i kisas ta bin dor di nos biologia humano, mi ta kere tòg ku e influensha di mas grandi ta kerenshanan ku ta biba den e sosiedat a base di kerenshanan ku a keda pasá di generashon pa generashon.

Pero nos ta biba den un mundu dinámiko ku ta pasando den hopi kambio i ta kambionan ku hende no ta bai ku nan asina fásil. Por ehèmpel pensa un ratu riba e idea ku ta masha normal pa un hòmber paga pa sèks. Pero kiko bo ta pensa si bo tende un muhé ta paga pa sèks? Pensa por ehèmpel riba un hòmber ku ta traha i kria su muhé i su yunan. Pero kiko bo ta pensa ora bo tende di un muhé ta traha pa kria su hòmber i su yunan? Probablemente bo ta pensa kosnan manera hòmber, brasa fuerte, kabes di famia, etc. Ta mas normal pa un hòmber ku un muhé riba sierto edat ta biba ku su mayornan, pero e ta ménos atraktivo pa un muhé, si un hòmber riba sierto edat ta biba ainda ku su mayornan. Ta kosnan ku pa hopi tempu a wòrdu hinká den nos kabes i esei ta biba den kabes di tantu hende hòmber komo hende muhé.

Nos a krea un imágen prototipo di kon un muhé mester ta i kon e mester komportá i kon un hòmber mester ta i kon e mester komportá, i tur loke ta varia, nos ta konsiderá apnormal, te ku nos ta pensa malu di dje. Den ‘Kibra Hacha’ mi a splika ku tur loke un hòmber hasi e ta hasié pa tres motibu. Un di e motibu nan ei ta ‘imágen públiko’. Esta kon hende ta mira riba dje.

Kon bo ta kere un hende ta mira riba un hòmber ku su muhé ta domin’é? Kon bo ta kere demas hòmbernan lo pensa di un hòmber ku ta ‘Stay at home husband’ miéntras e muhé ta traha?

Esaki ta krea sintimentunan di inseguridat pa ku e maskulinidat di e hòmber, i esaki ta afektá su sintimentu ora ku e muhé ta mas eksitoso kuné, ta gana mas sèn kuné, ta mas dominante kuné, etc.

Independant woman 2Dikon hòmber no gusta muhé fuerte i independiente?
E preshon ku ta wòrdu poné riba hende hòmber pa ku su maskulinidat ta krea inseguridatnan den dje ku ta pon’é sinti ku e no ta maskulino sufisiente (kerensha). Pues e hòmber aki ta buska kosnan pa subi su sentido di maskulinidat, i esaki ta enserá buska un muhé ku kisas ta ménos asertivo, ménos eksitoso kuné, òf ta gana ménos sèn kuné i ku ta fásil pa e dominá i ehersé kòntròl riba dje pa asina e por sintié mas poderoso i maskulino. Tin otro hòmbernan ku ta buska moda di subi nan inseguridat dor di kòrta orea tambe òf asta uza kòntròl ku violensha.

Tin hòmber tambe ku no tin nan plan di bida kompletamente desifrá, i nan tin miedu di tin un muhé ku lo por bira mas eksitoso ku nan. E miedu aki ta inkluí kosnan ku e muhé por bisa e hòmber ku ta kaba di frega su kara den su inseguridat i eventualmente miedu ku e muhé ta bai lag’é pa un otro ku ta mas eksitoso kuné. Esei ta pone ku un hòmber lo no tin problema pa ta den un relashon ku un muhé ku no ta traha, pasó en todo kaso e sa ku e muhé ei (nunka) lo por ta mas eksitoso kuné.

Strong independent woman 3Awor tin algun muhé ku ta bisa ku nan tei pa sostené e hòmber, pero inkonsientemente ta ehersé dominio i tin ora preshon den un òf otro forma riba un hòmber ku ta insigur. Awó laga nos ta hopi sinsero ku otro. Si bo ta gordo i insigur di bo físika anto bo tin un hòmber ku ta bisa ku e no ta wòri ku bo físika, pero tur su amiganan tin figura di modelo i semper e ta papia bon di nan, semper e ke sali ku nan i ta mustra tiki interes pa sali ku bo, e no ta bisa ni mustra ku e ta orguyoso di bo, i tin ora e ta puntra bo (ku un airu òf ku tiki koutela) ki dia bo ta hasi algu n’e peso di bo ei. Kon lo bo sinti bo?

No ta tur hòmber tin problema ku un muhé mas eksitoso kuné, pero mi ta kere niun hòmber no gusta e muhénan ku ‘Bitch attitude’ ku ta keda insistí ku hòmber no por ku nan ta fuerte i independiente, pasó bo por ta fuerte i independiente pero tòg mustra orguyo den bo hòmber, pa loke sea ku e ta hasi i ta duna apoyo inkondishonal. E lo keda un hòmber insigur, pero bo tin ménos chèns di pone kore bai laga bo!

Atrobe, laga nos no frega kara di e hòmbernan abou, pasó nos inseguridat ta meskos n’e inseguridat di e muhé ku ta sinti ku e no ta atraktivo sufisiente, i e muhé ku asina e subi un kilo, ya e kiersa ku mundu a kaba i ku su hòmber ta kapas di bai lag’é pa otro muhé mas delegá kuné!

Den mi próksimo buki ‘Niun Pátaka’ mi ta spera di por splika un tiki mas di komportashon di hende hòmber (i tambe hende muhé) ku hopi hende ta haña nan mes konfrontá kuné, esta kiko te kosnan ku ta pone hende kuminsá neglishá nan relashon, kual ta loke ta pone ku hopi relashon ta kaba na aros i koko. Unabes bo komprondé esei, mi ta kere lo bo stòp di bisa ku hende hòmber no por hèndel un muhé fuerte i independiente!

Coming Soon 2016

Coming Soon 2016

[Si bo a gusta e artíkulo aki i bo ta hañ’é interesante, kompartié ku bo amigunan riba Facebook. Sinti bo liber pa laga bo komentario atras!]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook

Leave a Reply

Powered by WordPress and ShopThemes
Copy Protected by Chetan's WP-Copyprotect.