Segun investigashon, pretendé di ta felis ta hasi bo mas miserabel!

Reading Time: 3 minutes

Ounke hopi estudio ta indiká ku un sonrisa falsu por yuda redusí strès, sikólogo Dr. Brent Scott den un investigashon ku a sali den Academy of Management Journal, ta mustra ku kana rònt ku un sonrisa falsu i pretendé ku bo ta felis ta hasi bo mas miserabel, prinsipalmente si bo ta hende muhé!

Algun trabou ta eksigí di nan trahadónan pa nan smail ku kliente maske kiko nan estado di humor por ta, pero segun sikólogo Dr. Brent Scott, esaki por sali bo di malu.

fake smile 2Segun Dr. Brent, smail djis pa smail por kousa kansansio emoshonal i pone ku e trahadó ta dal será, kual ta malu pa e organisashon.

Den e investigashon Dr. Brent a deskubrí ku trahadónan ku ta simulá un smail ku kliente durante dia, nan beis ta daña mas tantu i esaki ta kousa redukshon den produktividat. Mènedjernan ta pensa ku eksigí trahadónan pa smail hinter dia ku kliente ta bon pa e organisashon, pero en realidat e no ta.

Segun Dr. Brent, hende muhé ta wòrdu afektá mas tantu ku e aktuashon i nan beis ta daña mas tantu. Esaki por ta pa motibu ku ta spera di hende muhé pa nan ta mas emoshonalmente ekspresivo.

Pretendé un smail, siendo ku bo ta sinti emoshonalmente kibrá ta bai kontra di bo komportashon normal i ta kousa sintimentunan doloroso.

‘Aktuashon profundo’ (un término ku nan a uza den e investigashon pa deskribí un komportashon basá riba memorianan positivo) por ta un solushon temporal pa bo por sinti bo mas mihó, pero riba término largu e no ta funshoná. Tin sugerenshanan ta bisa ku si bo hasi esaki pa tempu largu lo bo sinti ku bo no ta outéntiko. Bo ke purba kultivá emoshonnan positivo, pero na final di dia lo bo bin sinti ku bo no ta bo mes.

Fake smile 1Hopi hende, prinsipalmente hende muhé sa bisa ku nan sa kana smail, pero tras di e smail tin hopi emoshonnan skondí. Mi no sa ku ki intenshon hende ta hasi esei, pero e ta laga bo sinti mas miserabel ku e ta yuda ku nada. Ora hende tin sierto emoshonnan, ta loke bo tin, bo tin ku saka. Bo no por skonde i remplas’é ku otro emoshonnan, pasó esun real lo sali di un manera òf otro.

Tur loke bo ta hasi den simulashon sin ku bo ta saka bo emoshonnan real ta pone ku bo ta bin sinti bo emoshonal i mentalmente agotá!

Den mi próksimo buki ‘Niun Pátaka’ lo mi splika kon defensa emoshonal di hende ta kambia nan komportashon, i lo bo bin mira kuantu ‘máskara’ bo mes tin ta bisti diariamente!

Coming Soon 2016

Coming Soon 2016

 

Fuente: Telegraph

[Si bo a gusta e artíkulo aki i bo ta hañ’é interesante, kompartié ku bo amigunan riba Facebook. Sinti bo liber pa laga bo komentario atras!]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.