Organisashon nobo na Kòrsou: ‘Friendzone Anonymous’!

Reading Time: 5 minutes

Nos tur konosé instanshanan manera ‘Alcoholics Anonymous’, ‘Cocaine Anonymous’, ‘Meth Anonymous’, ‘Overeaters Anonymous’ etc. Awèl ami di CuckooPress, pa promé biaha na Kòrsou ta bai bin ku ‘Friendzone Anonymous’.

Bo a yeg’i tende nan bisa ku “Nice guys always finish last”. Esaki ta e hende hòmbernan ku ta sufri di ‘Nice guy syndrome’. Si bo ta e gai ku ta skucha e muhé su problemanan, semper bo tei p’e ora mester, dun’é konseho, i semper bo ta kla pará pa yud’é, chèns ta grandi ku bo ta bai kai den e ‘friendzone’. Pasó ta e hòmber ku ta duna e muhé romanse, aventura i eksitashon, t’esun ku e muhé ke komo pareha i ta habri pia p’e. Pero hòmbernan ku ta ‘muchu bon gai’ semper ke duna e muhé muchu mas ku djis eksitashon i aventura. Pero t’esei ta loke ta pompa nan. (No ta tur hende ku (a) wòrdu di ‘friendzone’ ta ‘bon gai’ si. Tin algun a wòrdu di ‘friendzone’ pasó nan a mustra nan mal aktitut muchu trempan.)

 

friendzone 1Tambe tin e bon muhenan ku ta wòrdu di ‘friendzone’, pasó e hòmbernan ta prefera muhé bruá kon ku ta, pa pompa nan bida, i semper nan ta skohe eseinan riba esnan loyal ku semper tei pa nan den bon i den malu. Mi ta habri porta di mi organisashon ‘Friendzone Anonymous’ pa bosnan tambe.

‘Friendzone Anonymous’ lo bai ta un instansha pa e personanan ku a keda konsiderá ‘Muchu bon hende’ pa nan bin saka nan frustrashon dor ku semper e persona ku nan a gusta ta ‘friendzone’ nan pa despues bai dal nan kurpa ke hende nèkdó, pompadó i abuzador ku nan ta konsiderá aventurero i eksitante.

Ora ku un hende hinka bo den ‘friendzone’ mesora bo tin ku bati retirada. Mas bo keda, mas doloroso e amistat ei lo bira pa bo mes. No laga hende bisabo ku nan ta konfundí i ku nan no sa kiko nan ke. Hende ta sinti nan konfundí riba loke nan no ke mashá, no riba loke nan ke sigur! No laga hende tuma bo hasi!

Tene kuenta ku ora nan ta ‘friendzone’ bo, no nesesariamente nan ke ta bo amigu. E ‘friendzone’ ta sirbi djis komo un kusinchi pa nan no lástima bo sintimentunan i bisa bo flèt ku ni morto nan lo no mira bo komo un posibel pareha! Básikamente gewoon nan a stèmpel bo ‘afgekeurd’!

rejectedSerka nos bo por saka bo frustrashon, pero tambe siña kon pa hèndel hendenan ku ta bin bisabo kuenti “Mi ke bo djis komo un amigu”. E tipo di amistatnan ei bo tin ku kòrta nan den tòm. Aunke tin hende ku ta kere ku por tin amistat entre hòmber i muhé, den mi buki ‘Kibra Hacha’ mi a splika ku esei ta kasi imposibel i mi a splika e úniko situashonnan kaminda esei por sosodé. Keda den ‘Friendzone’ ku un persona ku bo tin sintimentu p’e ta bai bira algu doloroso pa bo mes, pues no aseptá ora nan bisabo ku nan stima bo, pero djis komo un amigu. E kos ei ta faltament’i rèspèt. Ta hinka nan a hinka dede seku sin vaselin den bo atras asina!

Ora un hòmber òf un muhé soltero ku bo gusta bisabo “Bo ta muchu bon hende pa mi frei”, bo tin ku saka kùp di yògurt dal’é kuné den kara gewoon.

Hendenan ku ta bin konta bo kon dushi nan a pasa serka nan frei ku ta tuma nan hasi tur dia, kaba despues bin yora den bo skochi i puntra “Dikon nan no por ta bon hende manera bo”, bo tin ku lanta dal nan ku un lumpia tur na zeta kant’i nan kara gewoon.

Hendenan ku ta bin bisa bo ku nan no por frei bo, pasó nan no ke boso relashon daña, bo tin ku lanta kibra saku di hariña’i pan riba nan kabes gewoon.

Bo tin ku manda un señal bon kla ku bo no ta aseptá tipo di trato humiante nan aki mas.

Mi no sa si tin mas hòmber ku ta wòrdu di ‘Friendzone’ kompará ku muhé, pero en todo kaso e reklamonan ta bin mas tantu di e sekso maskulino si. Pues kabayeronan, no laga nan ‘brainwash’ bo bisabo ku bo mester ta ‘gentlemen’, pasó e hòmber ku nan skohe pa frei i kasa kuné semper ta esun brutu bestia, ku ta gaña nan, kue nan ku sla, kòrta nan orea, tuma nan hasi te hasi nan loko! T’e tipo na’i nan gusta. Simplemente nan no ke atmití!

Chèk e video akibou. Tur esakinan i mas lo bo siña den mi organisashon nobo ‘Friendzone Anonymous’:

Tep di oro:
Si bo a wòrdu di ‘friendzone asina tantu te ku bo tin miedu di asta aserka un hende ku bo gusta, konsiderá na bishitá “Sex addicts Anonymous.” Esaki ta un tremendo lugá pa bo konosé hendenan ku no konosé ‘Friendzone’! Tur wikènt mi sa bai einan!

Miéntras tantu ‘Friendzone Anonymous’ ta buskando e pèrmitnan nesesario pa e evento inougural, pasa buska bo bukinan ‘Kibra Hacha’ i ‘ ‘Awa, Habon ku Past’i Djente’ na Mensings Caminada pa yuda baha bo strès i frustrashon di tantu bia ku nan a ‘friendzone’ bo!

Woman Unbuttoning Man's Pants(p.s: Si tin hende sensibel ku a sinti nan ofendí pa loke mi a skibi ariba, pordoná bo mes. T’asina ta mi forma di skibi. Ya bo sa pa próksimo bia, bo por ‘skip’ asina bo mira un obra di mi, i bai lesa bukinan di novela i romanse ku kisas ta mas bo smak!)

Danki pa “like i “share”. Mi ta apresiá mashá. Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook

Leave a Reply

Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.